ಪುಸ್ತಕಗಳ ನಡುವಲ್ಲಿ

ಬಹಳಷ್ಟು ಪುಸ್ತಕಗಳು ಕಪಾಟು ಸೇರಿವೆ
ಅವುಗಳಲ್ಲಿ ಕೆಲವು ಪುಸ್ತಕಗಳ ಮೈದಡವಿದ್ದೇನೆ
ಮುನ್ನುಡಿ, ಹಿನ್ನುಡಿ, ಮಧ್ಯದ ಇನ್ಯಾವುದೋ
ಪುಟದ ನೆನಪ ಸರಿಸಿದ್ದೇನೆ.

ಓದಲಿಕ್ಕೆ ಸಮಯವಿಲ್ಲ ಎನ್ನುವ ಮಾತಿಲ್ಲ...
ಆಡಿದರೆ ಅದು ತಪ್ಪಾಗುತ್ತದೆ
ನನ್ನ ತಲೆದಿಂಬಿನ ಪಕ್ಕದಲ್ಲಿರುವ ಆ ಪುಸ್ತಕಕ್ಕೂ
ನನ್ನ ತಲೆಬಿಸಿಯ ಸ್ವಲ್ಪ ಅಂದಾಜಾದರೂ ಇದ್ದೀತು

ಮನಸ್ಸನ್ನು ಗಟ್ಟಿ ಮಾಡಿಕೊಂಡು,
ನನ್ನಿಷ್ಟದ ಪುಸ್ತಕಗಳನ್ನು ಓದಿಯೇ ತೀರಬೇಕು
ನನ್ನ ಮನದ ಮಾತುಗಳನ್ನು ಹರಿಯಬಿಡಬೇಕು
ನೀರಾಳವಾಗಬೇಕು, ಹೊಸತು ಅರಿವನ್ನು ಸವಿಯಬೇಕು

ಹಳೆಯ ದಿನಗಳನ್ನೆಲ್ಲಾ ನೆನಪಿಗೆ ತರುತ್ತಾ,
ದಿನಗಳೆದಂತೆ ಬೆಳೆವ ಮೆದುಳಿನ ಹರಿತಕ್ಕೆ
ತಪ್ಪು ಒಪ್ಪುಗಳ ತಿಳಿಯ ಹೇಳುವ
ಪುಸ್ತಕಗಳ ಓದಿಯೇ ಬಿಡಬೇಕು...

ಮನಕ್ಕೆ, ಮೈಗೆ ಅಂಟಿದ ಜಡತ್ವವ ,
ಕೆಲಸವೆನ್ನುವ ಮುಗಿಯದ ಸೋಮಾರಿತನದ
ಕಾರಣವ ದೂರ ಒಗೆಯಬೇಕು,
ನನ್ನ ನೆಚ್ಚಿನ ಪುಸ್ತಕಗಳ ಮಡಿಲ ಸೇರಬೇಕು...

ಕಾಮೆಂಟ್‌ಗಳು

  1. ಮನಕ್ಕೆ, ಮೈಗೆ ಅಂಟಿದ ಜಡತ್ವವ ,
    ಕೆಲಸವೆನ್ನುವ ಮುಗಿಯದ ಸೋಮಾರಿತನ
    ಕಾಡುತಿದೆ ಎನ್ನ
    ಮಾಡುವುದಿದೆ ಏನನ್ನ!!

    ಪ್ರತ್ಯುತ್ತರಅಳಿಸಿ
  2. ಓದಿ, ಬರೆಯಿರಿ...ನಮಗೂ ಓದಿಸಿ.....
    ಹೊಸ ವರ್ಷದ ಶುಭಾಷಯಗಳು ನಿಮಗೆ ಮತ್ತು ನಿಮ್ಮ ಕುಟುಂಬದವರಿಗೆ....

    ಪ್ರತ್ಯುತ್ತರಅಳಿಸಿ
  3. @mshebbar ಮುಗಿಯದ ಆಫೀಸ್ ಕೆಲಸಗಳನ್ನ :)

    @ದಿನಕರ್ ಮೊಗೇರ ಧನ್ಯವಾದಗಳು


    ನಿಮಗೆಲ್ಲರಿಗೂ ಕೂಡ ಹೊಸವರ್ಷದ ಶುಭಾಷಯಗಳು.....

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಮಾಹಿತಿ ತಂತ್ರಜ್ಞಾನ ಮತ್ತು ಕನ್ನಡ - ಇಂದು ಮತ್ತು ಮುಂದು

ಕಂಗ್ಲೀಷ್ ಬರೆಯುವುದನ್ನು ನಿಲ್ಲಿಸಲು ಮತ್ತೊಂದು ಸುಲಭ ಉಪಾಯ

ನವಿಲು