ಪೋಸ್ಟ್‌ಗಳು

March, 2014 ರಿಂದ ಪೋಸ್ಟ್‌ಗಳನ್ನು ತೋರಿಸುತ್ತಿದೆ

ವಚನ ಸಂಚಯ ವರ್ಡ್‌ಪ್ರೆಸ್ ಪ್ಲಗಿನ್

ಇಮೇಜ್
೧೧ ಮತ್ತು ೧೨ನೇ ಶತಮಾನದ, ಕನ್ನಡದ ಅತಿ ಪ್ರಮುಖ ಸಾಹಿತ್ಯ ಪ್ರಕಾರಗಳಲ್ಲೊಂದಾದ ವಚನ ಸಾಹಿತ್ಯವನ್ನು ನಮ್ಮ ‘ವಚನ ಸಂಚಯ‘ ತಂಡ ನಿಮ್ಮ ಮುಂದೆ ತಂದಿರುವುದು ನಿಮಗೆ ತಿಳಿದೇ ಇದೆ. ಇದನ್ನು ದಿನ ನಿತ್ಯ ಎಲ್ಲರಿಗೆ ತಲುಪಿಸುವ ಕೆಲಸ ಟ್ವಿಟರ್ ಮತ್ತು ಫೇಸ್‌ಬುಕ್ ಮೂಲಕವೂ ನೆಡೆದಿದೆ. ಪ್ರಾಯೋಗಿಕವಾಗಿ ಇದನ್ನು ವರ್ಡ್‌ಪ್ರೆಸ್ ಬಳಸುವ ಎಲ್ಲ ಕನ್ನಡ ಬ್ಲಾಗಿಗರೂ ತಮ್ಮ ಬ್ಲಾಗ್‌ಗಳಲ್ಲಿ ಬಳಸುವಂತಾಗಲು ಈ ಪ್ಲಗಿನ್‌ ಅನ್ನು ಅಭಿವೃದ್ದಿ ಪಡಿಸಲಾಗಿರುತ್ತದೆ. ಆಸಕ್ತರು ಇದನ್ನು ಡೌನ್‌ಲೋಡ್ ಮಾಡಿ ನಿಮ್ಮ ವರ್ಡ್‌ಪ್ರೆಸ್ ಬ್ಲಾಗ್‌ಗಳಲ್ಲಿ ಇನ್ಸ್ಟಾಲ್ ಮಾಡಿಕೊಳ್ಳಬಹುದು. ಇನ್ಸ್ಟಾಲ್ ಆದ ನಂತರ, Appearance -> Widgets ಗೆ ನುಗ್ಗಿ, ಅಲ್ಲಿ ಕಾಣುವ ವಚನ ಸಂಚಯ ಡೈಲಿ ವಚನ ವಿಡ್‌ಗೆಟ್ ಅನ್ನು ನಿಮ್ಮ ಸೈಡ್ ಬಾರಿಗೆ ಎಳೆದು ಹಾಕಿ. ಬೇಕಿದ್ದಲ್ಲಿ, ವಿಡ್‌ಗೆಟ್ ನ ಹಣೆಪಟ್ಟಿಯ ಹೆಸರನ್ನು ಬದಲಿಸಬಹುದು.

ಮುಂಬರುವ ದಿನಗಳಲ್ಲಿ ವರ್ಡ್‌ಪ್ರೆಸ್ ಪ್ಲಗಿನ್ ಡೈರೆಕ್ಟರಿಯಲ್ಲಿ ಇದನ್ನು ನೇರವಾಗಿ ಹುಡುಕಲೂ ಸಿಗುತ್ತದೆ. Plugins -> Add New ನಲ್ಲಿ Vachana ಅಥವಾ Vachana Sanchaya ಹುಡುಕಿದರೆ. ಈ ಪ್ಲಗಿನ್ ಸ್ಥಾಪಿಸಿಕೊಳ್ಳಲು ವರ್ಡ್‌ಪ್ರೆಸ್‌ನಲ್ಲೀಗ ಸುಲಭ. ನೇರವಾಗಿ ಪ್ಲಗಿನ್ ಪುಟಕ್ಕೆ ಹೋಗಲು ಇಲ್ಲಿ ಕ್ಲಿಕ್ಕಿಸಿ. ಈ ವರ್ಡ್‌ಪ್ರೆಸ್ ಪ್ಲಗಿನ್‌ ಅನ್ನು ಉತ್ತಮ ಪಡಿಸುವ ಇಚ್ಛೆ ಇದ್ದಲ್ಲಿ ನನ್ನನ್ನು ಸಂಪರ್ಕಿಸಿ ಅಥವಾ ಗಿಟ್‌ಹಬ್‌ನಲ್ಲಿರುವ

ಗೂಗಲ್ ಟ್ರಾನ್ಸ್ಲೇಟ್‌ನಲ್ಲಿ ಕನ್ನಡ ಕೈ ಬರಹ ಬಳಸಿ

ಇಮೇಜ್
ಗೂಗಲ್ ಟ್ರಾನ್ಸ್ಲೇಟ್ ಆಂಡ್ರಾಯ್ಡ್ ಅಪ್ಲಿಕೇಶನ್ನಲ್ಲಿ ಕೈಬರಹ ಮೂಲಕ ಕನ್ನಡದ ಪದಗಳಿಗೆ ಇತರೆ ಭಾಷೆಗಳ ಅನುವಾದ ತಿಳಿಯಲು ಇಂದಿನಿಂದ ಸಾಧ್ಯವಾಗಿದೆ. ಗೂಗಲ್ ಟ್ರಾನ್ಸ್ಲೇಟ್ ಅಪ್ಡೇಟ್ ಇನ್ಸ್ಟಾಲ್ ಆದ ಬಳಿಕ ನನ್ನ ಮೊಬೈಲ್ನಲ್ಲಿ ಕನ್ನಡ ಕೈಬರಹ ಸಾಧ್ಯವಾಗಿರುವುದನ್ನು ಈ ಕೆಳಗಿನ ಚಿತ್ರಗಳಲ್ಲಿ ಕಾಣಬಹುದು.




ನುಡಿ ಕೀಲಿಮಣೆ ಬಳಸಬೇಕೆ ಅಥವಾ ಬಳಸಬಾರದೇ?

ಕನ್ನಡ ವಿಕಿಪೀಡಿಯದ ಫೇಸ್‌ಬುಕ್ ಗುಂಪಿನಲ್ಲಿ ಯು.ಬಿ ಪವನಜರ ಪ್ರತಿಕ್ರಿಯೆ ಈ ಪ್ರಶ್ನೆಗೆ ಉತ್ತರಿಸಬಲ್ಲದು:

ಪವನಜ ಯು ಬಿನುಡಿ ತಂತ್ರಾಂಶದ ಯುನಿಕೋಡ್ ಕೀಲಿಮಣೆಯಲ್ಲಿ ಒಂದು ದೊಡ್ಡ ದೋಷ ಇದೆ. ನುಡಿಯಲ್ಲಿ ಅರ್ಕಾವೊತ್ತು ಪಡೆಯಲು Shift-f ಬಳಕೆಯಾಗುತ್ತಿತ್ತು. ಅದನ್ನೇ ಯುನಿಕೋಡ್‌ನಲ್ಲೂ ಮುಂದುವರೆಸಿದ್ದಾರೆ. ಆದರೆ ಇಲ್ಲಿರುವ ತೊಂದರೆ ಎಂದರೆ <ವ್ಯಂಜನ> + Shift-f ಮಾಡಿದರೆ ಅದು "ರ + ಹಲಂತ್‌ + ವ್ಯಂಜನ" ಆಗುವ ಬದಲು ವ್ಯಂಜನ + <ಅರ್ಕಾವೊತ್ತಿನ ಆಕಾರದ ಒಂದು ಅಕ್ಷರ> ಆಗುತ್ತದೆ. ಈ <ಅರ್ಕಾವೊತ್ತಿನ ಆಕಾರದ ಒಂದು ಅಕ್ಷರ> ವನ್ನು ನುಡಿ ಯುನಿಕೋಡ್ ಫಾಂಟ್‌ನಲ್ಲಿ ಅಧಿಕವಾಗಿ ಸೇರಿಸಲಾಗಿದೆ. ಅದು ಯುನಿಕೋಡ್‌ ಚಾರ್ಟ್‌ನಲ್ಲಿಲ್ಲ. ಅದಕ್ಕೆ ಪ್ರತ್ಯೇಕ ಯುನಿಕೋಡ್ ಸಂಕೇತವನ್ನು Private User Area ದಲ್ಲಿ ಸೇಸಿರಿಸಲಾಗಿದೆ. ಇದರಿಂದಾಗಿ ನೀವು ಹೀಗೆ ತಯಾರಿಸಿದ ಪಠ್ಯವನ್ನು ASCII ಗೆ ಬದಲಾಯಿಸಿದಾಗ ತಪ್ಪಾಗುತ್ತದೆ. NLP ಯಲ್ಲಂತೂ ಕಂಡಿತ ಬರಿಯ ತಪ್ಪು ಲೆಕ್ಕಗಳೇ ಆಗುತ್ತವೆ. ಆದುದರಿಂದ ದಯವಿಟ್ಟು ಯಾರೂ ನುಡಿ ಯುನಿಕೋಡ್ ಕೀಲಿಮಣೆ ಬಳಸಬೇಡಿ.


ಕ್ಲಾಸಿಕಲ್ ಕನ್ನಡ (ಶಾಸ್ತ್ರೀಯ ಕನ್ನಡ) ಜಾಲತಾಣ ಸಧ್ಯ ಇಲ್ಲವಾಗಿದೆ

ಇಮೇಜ್
ಸರ್ಕಾರಿ ಅಧಿಕಾರಿಗಳ, CENTRAL INSTITUTE OF INDIAN LANGUAGES ಎನ್ನುವ ಮೈಸೂರಿನ ಸಂಸ್ಥೆಯ ಸೋಮಾರಿತನದಿಂದ classicalkannada.org ತಾಣ ಎಕ್ಸ್‌ಪೈರ್ ಆಗಿದೆ. ಕನ್ನಡಕ್ಕೆ ಶಾಸ್ತ್ರೀಯ ಸ್ಥಾನಮಾನ ನೀಡಿದ ಕೇಂದ್ರ ಸರ್ಕಾರದಿಂದ ಹಣ ಪಡೆದು ಮಾಡಿದ್ದ ಈ ವೆಬ್‌ಸೈಟ್‌ನಲಿ ಒಂದಷ್ಟು ಉಪಯುಕ್ತ ಮಾಹಿತಿಗಳನ್ನು ಹೇಗೋ ಮನಸ್ಸೋ ಇಚ್ಚೆ ಪೇರಿಸಿಟ್ಟಿದ್ದರು ಆದರೆ ಇದು ಫೆಬ್ರವರಿ ೨೦, ೨೦೧೪ರಂದು ಮರುನೊಂದಣಿ ಕಾಣದೆ ಕೆಲಸ ನಿಲ್ಲಿಸಿದೆ.