ಪೋಸ್ಟ್‌ಗಳು

June, 2014 ರಿಂದ ಪೋಸ್ಟ್‌ಗಳನ್ನು ತೋರಿಸುತ್ತಿದೆ

ವಿಕಿಪೀಡಿಯ ಝೀರೋ: ಉಚಿತವಾಗಿ ಏರ್‌ಸೆಲ್ ಮೂಲಕ ಜ್ಞಾನವನ್ನು ಹಂಚಿಕೊಳ್ಳಿ

ಇಮೇಜ್
ಏರ್‌ಸೆಲ್ ಮೂಲಕ ವಿಕಿಪೀಡಿಯ ಬಳಸುವುದು ಉಚಿತ ಎಂಬ ಮಾಹಿತಿ ನಿಮಗೆ ನೆನಪಿದೆಯೇ? ಕಳೆದ ವರ್ಷ ವಿಕಿಮೀಡಿಯ ಫೌಂಡೇಶನ್ ಏರ್‌ಸೆಲ್ ಟೆಲಿಕಾಂ ಕಂಪೆನಿಯೊಂದಿಗೆ "ವಿಕಿಪೀಡಿಯ ಝೀರೋ" ಒಪ್ಪಂದಕ್ಕೆ ಸಹಿ ಹಾಕಿ, ಏರ್‌ಸೆಲ್ ಗ್ರಾಹಕರು ಉಚಿತವಾಗಿ ಜ್ಞಾನವನ್ನು ವಿಕಿಪೀಡಿಯ ಮೂಲಕ ಪಡೆಯುವುದಕ್ಕೆ ದಾರಿ ಮಾಡಿಕೊಟ್ಟಿತು.

ಶುಕ್ರವಾರ ಸಂಜೆ (ಜೂನ್ ೨೭,೨೦೧೪) ರಂದು ಏರ್‌ಸೆಲ್ ಬೆಂಗಳೂರಿನ ತನ್ನ ಆಫೀಸಿನಲ್ಲಿ ಏರ್ಪಡಿಸಿದ್ದ ಬೆಂಗಳೂರು ಬ್ಲಾಗಿಗರ ಸಮ್ಮಿಲನದಲ್ಲಿ ವಿಕಿಮೀಡಿಯದ ಕ್ಯಾರೋಲೀನ್ (Carolynne Schloeder) ಬ್ಲಾಗಿಗರಿಗೆ ವಿಕಿಮೀಡಿಯ ಫೌಂಡೇಷನ್ ಮತ್ತು ಏರ್‌ಸೆಲ್ ಒಪ್ಪಂದದ ಬಗ್ಗೆ, ಜ್ಞಾನವನ್ನು ಸುಲಭವಾಗಿ, ಅದರಲ್ಲೂ ಭಾರತೀಯ ಭಾಷೆಗಳಲ್ಲಿ ಹಂಚಿಕೊಳ್ಳುವತ್ತ ಹೇಗೆ ಈ ಯೋಜನೆ ಸಹಕರಿಸುತ್ತಿದೆ ಎಂದು ತಿಳಿಸಿದರು. ವಿಕಿಮೀಡಿಯ ಇತ್ತೀಚೆಗೆ ಲಭ್ಯವಾಗಿಸಿರುವ ಆಂಡ್ರಾಯ್ಡ್ ಆಫ್‌ನ ಬೀಟಾ ಆವೃತ್ತಿಯಲ್ಲಿ ವಿಕಿಪೀಡಿಯ ಸಂಪಾದನೆಗೂ ಅವಕಾಶವಿರುವುದನ್ನು, ಈ ಅಪ್ಲಿಕೇಷನ್ ಕೂಡ 'ವಿಕಿಪೀಡಿಯ ಝೀರೋ' ಯೋಜನೆ ಅಡಿಯಲ್ಲಿಯೇ ಡೇಟಾ ಉಪಯೋಗಿಸಿಕೊಳ್ಳುವುದನ್ನೂ ಅವರು ವಿವರಿಸಿದರು.

ಏರ್‌ಸೆಲ್‌ ಕರ್ನಾಟಕದ ವಾಣಿಜ್ಯ ವ್ಯವಹಾರಗಳ ಮುಖ್ಯಸ್ಥ ಕೆ.ಕಧಿರವನ್ ಏರ್‌ಟೆಲ್ ತನ್ನ ಡೇಟಾ ಪ್ಲಾನ್‌ಗಳ ಲಭ್ಯತೆ, ಏರ್‌ಟೆಲ್ ಹೇಗೆ ಇತರೆ ಟೆಲಿಕಾಂ ಕಂಪೆನಿಗಳಿಗಿಂತ ಭಿನ್ನ ಮತ್ತು ಅತ್ಯುತ್ತಮ ಸೇವೆಯನ್ನು (ಡೇಟಾ ಸಂಬಂಧಿತ) ನೀಡುತ್ತಿದೆ ಎಂದು ವಿವರಿಸಿದರ…

ವಿಕಿಪೀಡಿಯಕ್ಕೆ ಚಿತ್ರಗಳನ್ನು ಸೇರಿಸುವ ಬಗ್ಗೆ

ಇಮೇಜ್
ವಿಕಿಪೀಡಿಯಕ್ಕೆ ನೀವು, ನೀವೇ ತೆಗೆದ ಚಿತ್ರಗಳನ್ನು ಹಾಕಬಹುದೇ ಹೊರತು, ಬೇರೆಯವರ ಫೋಟೋಗಳನ್ನಲ್ಲ.. ಅವರ ಹೆಸರನ್ನು ನಮೂದಿಸಿದ್ದರೂ, ನಿಮಗೆ ಆ ಚಿತ್ರವನ್ನು ಮರು ಪ್ರಕಟಿಸುವ, ಉಪಯೋಗಿಸುವ ಯಾವುದೇ ಹಕ್ಕನ್ನು ಮೂಲ ಚಿತ್ರಕಾರ ಕೊಟ್ಟಿರುವುದಿಲ್ಲವಾದ್ದರಿಂದ ನೀವು ಅಪ್ಲೋಡ್ ಮಾಡುವ ಹಕ್ಕನ್ನು, ಅದನ್ನು ನಿಮ್ಮ ಹೆಸರಿನಲ್ಲಿ ವಿಕಿಪೀಡಿಯ ಬಳಸುವ ಕ್ರಿಯೇಟೀವ್ ಕಾಮನ್ಸ್ ಲೈಸೆನ್ಸ್ ನಡಿ ನೀಡುವುದು ಸಾಧ್ಯವಿಲ್ಲ. ವಿಕಿಪೀಡಿಯ ಬಳಕೆ, ಲೈಸೆನ್ಸ್‌‌ಗಳ ಜೊತೆಗೆ ಒಮ್ಮೆ ಓದಿಕೊಳ್ಳಿ. ನಿಮ್ಮ ಉದ್ದೇಶ ಒಳ್ಳೆಯದಿದ್ದರೂ ಕೂಡ, ಬೇರೆಯವರ ಚಿತ್ರಗಳನ್ನು ಅವರ ಬಳಿಯಿಂದಲೇ ನೇರವಾಗಿ ವಿಕಿಪೀಡಿಯ ಕಾಮನ್ಸ್‌ಗೆ ಕೊಡುಗೆ ನೀಡಲು ಹೇಳುವುದು ಒಳಿತು. ಲೇಖನಗಳಿಗೆ ಚಿತ್ರಗಳು ಇರಲೇ ಬೇಕೆಂದಿಲ್ಲ.. ನೀವು ಬರೆದ ಲೇಖನ ಓದಿದ ಮತ್ಯಾರೋ ಅವರೇ ತೆಗೆದ ಚಿತ್ರಗಳನ್ನು ಮುಂದೆ ಹಾಕಬಹುದು. ವಿಕಿಪೀಡಿಯ ಲೈಸೆನ್ಸ್ ಬಗ್ಗೆ, ಇಲ್ಲಿ ಬೇರೆಯವರ ಕೃತಿಗಳಿ ಇತ್ಯಾದಿಗಳನ್ನು ಸೇರಿಸುವುದರ ಬಗ್ಗೆ ಕೇಳಿ ತಿಳಿದುಕೊಳ್ಳಿ ಅಥವಾ ಈ ಜಾರುತಟ್ಟೆಗಳನ್ನು ಓದಿ :- ಈ ನಿಯಮವನ್ನು ಪಾಲಿಸದಿದ್ದಲ್ಲಿ, ಅಂತಹ ಚಿತ್ರಗಳನ್ನು ಅನಾಮತ್ತಾಗಿ ವಿಕಿಪೀಡಿಯದ ಬಾಟ್‌ಗಳು (ಆಟೋಮೇಟೆಡ್ ಆಗಿ ರನ್ ಆಗುವ ಪ್ರೋಗ್ರಾಮ್) ತಂತಾನೇ ತೆಗೆದುಹಾಕುತ್ತವೆ. ಈ ಎಚ್ಚರಿಕೆಯ ಬಗ್ಗೆ ಪರವಾನಗಿಯ ವಿಭಾಗದಲ್ಲಿ ಬರುವ ಸಂದೇಶವನ್ನು ಕೆಳಗಿನ ಚಿತ್ರವನ್ನು ಕ್ಲಿಕ್ ಮಾಡಿ ತಿಳಿದುಕೊಳ್ಳಬಹುದು.