ಪೋಸ್ಟ್‌ಗಳು

July, 2014 ರಿಂದ ಪೋಸ್ಟ್‌ಗಳನ್ನು ತೋರಿಸುತ್ತಿದೆ

ಇನ್ಮುಂದೆ ಮೊಬೈಲ್‌ನಲ್ಲೂ ವಿಕಿಪೀಡಿಯ ಎಡಿಟ್ ಮಾಡಿ

ಇಮೇಜ್
ಮೊಬೈಲ್ ಬ್ರೌಸರ್‌ ಮೂಲಕ ಈಗಾಗಲೇ ವಿಕಿಪೀಡಿಯ ಎಡಿಟ್ ಮಾಡಲು ನೀವು ಪ್ರಯತ್ನ ಪಟ್ಟಿರಬಹುದು. ಆದರೆ ಈಗ ವಿಕಿಮೀಡಿಯ ಫೌಂಡೇಷನ್‌ ಅಭಿವೃದ್ದಿ ಪಡಿಸಿರುವ ವಿಕಿಪೀಡಿಯ ಆಂಡ್ರಾಯ್ಡ್  (ಬೀಟಾ) ಅಪ್ಲಿಕೇಷನ್ ಮೂಲಕ ಕೂಡ ವಿಕಿಪೀಡಿಯ ಸಂಪಾದನೆ/ಎಡಿಟ್ ಸಾಧ್ಯ. ಹೆಚ್ಚುತ್ತಿರುವ ಮೊಬೈಲ್ ಬಳಕೆಯ ಮಧ್ಯೆ ವಿಕಿಪೀಡಿಯ ಸಂಪಾದನೆಯ ಅವಕಾಶವನ್ನೂ ನೀಡಿದಲ್ಲಿ ಜ್ಞಾನದ ಹಂಚಿಕೆಯ ಕೆಲಸ ಡೆಸ್ಕ್‌ಟಾಪ್, ಲ್ಯಾಪ್‌ಟಾಪ್‌ಗಳ ಮಿತಿಯಲ್ಲಿರುವುದನ್ನು ತಪ್ಪಿಸಬಹುದು ಎಂಬುದು ವಿಕಿಮೀಡಿಯ ಆಲೋಚನೆಯಾಗಿದೆ.


ಈಗಾಗಲೇ ಲಭ್ಯವಿರುವ ಅನೇಕ ಮೊಬೈಲ್ ಕೀಬೋರ್ಡ್ ಲೇಔಟ್‌ಗಳನ್ನು ಬಳಸಿ ಕನ್ನಡ ವಿಕಿಪೀಡಿಯವನ್ನು ಮೊಬೈಲ್ ಮೂಲಕ ಅಪ್ಲೋಡ್ ಮಾಡಲು ಇನ್ನು ಅಡ್ಡಿ ಇಲ್ಲ. 
ಗೂಗಲ್ ಪ್ಲೇ ಇಂದ ಈ ಅಪ್ಲಿಕೇಷನ್ ಪಡೆದುಕೊಳ್ಳಲು ಇಲ್ಲಿ ಕ್ಲಿಕ್ಕಿಸಿ: Wikipedia Beta for Android

ವಚನ ಸಂಚಯದಲ್ಲಿ ಹೊಸತು

ವಚನಕಾರರ ಅಂಕಿತನಾಮ ಹಾಗೂ ವಚನಕಾರರ ವಚನಗಳು ಲಭ್ಯವಿರುವ ಸಮಗ್ರ ವಚನ ಸಂಪುಟದ ಸಂಖ್ಯೆಗಳನ್ನು ವಚನ ಸಂಚಯ ಕ್ಕೆ ಸೇರಿಸಲಾಗಿದೆ. ಈ ಕೆಲಸದಲ್ಲಿ ನಮಗೆ ಸಹಕರಿಸಿದಭಾರತಿ ಕೆಂಪಯ್ಯ ಅವರಿಗೆ ಧನ್ಯವಾದಗಳು.ವಚನ ಸಂಚಯದ ಪ್ರತಿ ವಚನದ ಕೆಳಗೆ, ಸಂಪುಟದ ಸಂಖ್ಯೆ ಲಭ್ಯವಿದೆ. ವಚನಕಾರರ ಹೆಸರಿನ ಮೇಲೆ ಕ್ಲಿಕ್ ಮಾಡಿದಾಗ ಹಾಗೂ ಮುಖಪುಟದಲ್ಲಿ 'ಇನ್ನಷ್ಟು ಹುಡುಕುಗಳ' ಮೂಲಕ ಅಂಕಿತನಾಮಗಳನ್ನು ಈಗ ಹುಡುಕಬಹುದಾಗಿದೆ. ಕೆಲವು ವಚನಕಾರರ ಅಂಕಿತನಾಮಗಳ ತೊಂದರೆ ಸರಿಪಡಿಸಲಾಗುತ್ತಿದೆ.  ವಚನಕಾರರ ಹೆಸರು, ಅಂಕಿತನಾಮ, ಒಟ್ಟು ವಚನಗಳು (ಸಂಪುಟದಲ್ಲಿ ಮತ್ತು ವಚನಸಂಚಯದಲ್ಲಿ), ಸ್ತ್ರೀ/ಪುರುಷ ವಚನಕಾರರ ವರ್ಗೀಕರಣ ಇತ್ಯಾದಿ ಮಾಹಿತಿ ಇರುವ ಪುಟವನ್ನೂ ಈ ವಾರ ವಚನಸಂಚಯಕ್ಕೆ ಸೇರಿಸಲಿದ್ದೇವೆ. ವಚನ ಸಂಚಯದಲ್ಲಿ ಕಂಡುಬರುವ ನ್ಯೂನ್ಯತೆಗಳನ್ನು ನಮಗೆ ತಿಳಿಸುವುದರ ಮೂಲಕ ಇದರ ಅಭಿವೃದ್ದಿಯಲ್ಲಿ ನೀವೂ ಭಾಗವಹಿಸಬಹುದು.