ನನ್ ಮನ

ಕೃತಿ‍ಚೌರ್ಯದ ಭಯ ಅಂದು ಇರಲಿಲ್ಲ
ಗತಕಾಲವ, ಕವಿ ಕೋಗಿಲೆಗಳ‍ ಕಾಡಲಿಲ್ಲ...
ಡಿಜಿಟಲ್‍ ‌ಜಗತ್ತಿನಲ್ಲಿ ಡಿಜಿಟೈಸ್ ಮಾಡದೆ
‍ಹೆದರುವರಲ್ಲ...
‍ಡಿಜಿಟಲ್ ಫೂಟ್ ಪ್ರಿಂಟ್, ಅಂದಿನ ‍ತಾಳೆಗರಿ,
‍ಶಾಸನಗಳಿ‍ಗಿಂತ ಕಡಿಮೆ ಏನಲ್ಲ
ಬ್ಲಾಕ್ ಚೈನ್ - ಪ್ರತಿ ಅಕ್ಷರಕ್ಕೂ ನಿಮ್ಮ ಹೆಸರಿಗೂ
‍ಕುಣಿಕೆ ಹಾಕಿ ಭದ್ರ ಪಡಿಸಬಲ್ಲದು
‍ಕ್ರಿಯೇ‌ಟೀವ್ ಕಾಮನ್ಸ್ - ಸಾಮಾನ್ಯನ ಕ್ರಿಯಾಶೀಲತೆಗೂ
‍ಉಲ್ಲೇಖದ ಮಹತ್ವ ಕೊ‍ಡಿಸಬಲ್ಲದು
‍ಹೆದರದೇ ಸರಿಬೆಸ ಹೊಂದಿಸಿ ಲೆಕ್ಕ ಹಾಕುವ
‍ಗಣಕದ ಕಿಸೆಗೋ ಮೆದುಳಿಗೋ ಊಡಿಸಿ
‍ಇಪ್ಪತ್ತೊಂದನೆಯ ಶತಮಾನದಲ್ಲಿ ನಿಮ್ಮದೊಂದಿಷ್ಟು
‍ಇತಿಹಾಸ ಉಳಿಸಿ..
‍
ಫೇಸ್‌ಬುಕ್, ಟ್ವಿಟರ್‌ನಿಂದಾಚೆಗೆ...

ಓ‍ಮಿಷ: ಅಪ್ಪಾ, ವಾಕಿಂಗ್...
‍ನಾನು: ಸರಿ, ನೆಡೆಯಮ್ಮ...
‍ಓ‍ಮಿಷ: ಸರಿ, ನನ್ನ ಎತ್ಕೋ...
‍ನಾನು: ವಾಕಿಂಗ್ ಅಲ್ವಾ?
‍ಓ‍ಮಿಷ: ಹೌದು, ಅದಕ್ಕೇ.. ಎತ್ಕೋ
‍
ಉ‍ಷಪ್ಪಾ..‍.

ದಿ‍ನಕ್ಕೆ ಇಪ್ಪತ್ತನಾಲ್ಕೇ‍ ತಾಸು‍
ತುಸು ಹೊತ್ತು ನಿದ್ದೆ,
‍ಕಾಫಿ ‍(ಟೀ), ಬೂಸ್ಟು, ಹಾರ್ಲಿಕ್ಸು
‍ಇಲ್ಲವಾದಲ್ಲಿ‍ ಬಾದಾಮಿ ಹಾಲು
‍ದಿನದೂಗಿಸುವ ತಳಮಳದ ಮಧ್ಯೆ
‍ಕೆಲಸ - ಪ್ರಶ್ನೆಗಳು‍
‍ಓ‍ಮಿಷ: ಅಪ್ಪಾ, ಕೆಲಸಕ್ಕೋದ್ರೆ ಕಾಸು ಕೊಡತಾರಲ್ಲಾ?
ಅದರಿಂದ ಮ‍ಮ್ಮಮ್ ತಗೋ ಬಹುದು, ಆಟದ ಸಾಮಾನ್ ತಗೋ‍ಬೋದು
‍ಸುತ್ತಾಡ್ಬೋದು... ನಾನು ಸ್ಕೂಲಿಗೆ ಹೋಗ್ತೀನಿ.. ಅವರಿಗೂ ಕಾಸ್ ಕೊಡ್ಬೇಕು ಅಲ್ವಾ ಅಪ್ಪಾ?
...‍‍
ಹಗಲು‍ ಸಂಜೆ ಎನ್ನದೇ ದೀನ ದೃಷ್ಟಿಯ ಜೊತೆಗೆ
‍ಸಹಾಯ ಕೇಳುವ ಆ ಕೈಗಳು... ಕೆಲವೊ‍ಮ್ಮೆ ಒಂದೇ ಒಂದು
‍ಓ‍ಮಿಷ: ಅಪ್ಪಾ, ಅಜ್ಜಿ ಪಾಪ... ಮಮ್ಮಮ್ ಬೇಕಂತೆ ಕಾಸು ಕೊಡೋಣ್ವಾ?
‍ತಾತ, ಪಾಪ ಏನಾದ್ರೂ ಕೊಡಲಾ?
‍...
ಆ ದಯೆ - ಮುಗ್ದತೆಯ ಆಲೋಚನೆಯ ಸುತ್ತ ತಿರುಗಿ
ಈ‍ ಕಾರ್ಪೋರೇಟ್ ಜಗತ್ತಿನ ಸಿಮೆಂಟು ಗೋಡೆಗಳ ಮಧ್ಯೆ
‍ಎಲ್ಲವನ್ನೂ ಕೇಳಿಸಿಕೊಳ್ಳುವ ಅದೃಶ್ಯ ಕಿವಿಯಾಯಿತಲ್ಲ...
‍ಕೆಲಸಕ್ಕೆ ಮಾತ್ರ ಬಿಡುವು, ಸಮಯ‍, ಕಡೆಗೆ ಮಾ.. ಮಾ.. ಯಾವುದೂ ಇಲ್ಲ..