ನನ್ ಮನ

ಟೆಕ್ ಕನ್ನಡ - ಸಂಯುಕ್ತ ಕರ್ನಾಟಕ ಅಂಕಣ - ಫೆಬ್ರವರಿ ೧೦, ೨೦೧೨ ರಿಂದ

2012-02-11T00:08:00.004+05:30

ಸಾಮಾನ್ಯನಿಗೆ ತಂತ್ರಜ್ಞಾನವನ್ನು ಕನ್ನಡದಲ್ಲಿ ತಲುಪಿಸಲು ಮತ್ತೊಂದು ಹೆಜ್ಜೆ - ಟೆಕ್ ಕನ್ನಡ

ಇಂದಿನಿಂದ ಸಂಯುಕ್ತ ಕರ್ನಾಟಕದಲ್ಲಿ ಅಂಕಣ ರೂಪ ಪಡೆಯುತ್ತಿದೆ.

ಸಾಮಾಜಿಕ ಜಾಲತಾಣ - ಯಾಕೆ ಕಡಿವಾಣ

2012-02-10T23:45:00.001+05:30

ಫೆಬ್ರವರಿ ಮೊದಲ ವಾರದ ಸುಧಾ ವಾರಪತ್ರಿಕೆಯಲ್ಲಿ ಪ್ರಕಟವಾದ ನನ್ನ ಲೇಖನ. http://sudhaezine.com. ಸುಲಭವಾಗಿ ಓದಲು ಈ ಕೆಳಗಿನ ಚಿತ್ರದ ಮೇಲೆ ಕ್ಲಿಕ್ ಮಾಡಿ.

ಕನ್ನಡ ಕಂಪ್ಯೂಟರ್ ಪದಕೋಶ ಅವಲೋಕನ ಕಾರ್ಯಗಾರ

2012-01-31T23:15:00.001+05:30

FUEL Initiative for Kannada, a set on Flickr.

Press Release
ಕನ್ನಡ ಕಂಪ್ಯೂಟರ್ ಪದಕೋಶ ಅವಲೋಕನ ಕಾರ್ಯಗಾರ
ಕನ್ನಡ ತಂತ್ರಾಂಶಗಳ ಅನುವಾದದಲ್ಲಿ ಬಳಸಬೇಕಿರುವ ಪದಗಳಲ್ಲಿ ಏಕರೂಪತೆ ಕಾಯ್ದುಕೊಳ್ಳಲು ಉದ್ಧೇಶಿಸಲಾದಂತಹ ಅವಲೋಕನ ಕಾರ್ಯಗಾರವನ್ನು ಜನವರಿ ೨೮ ಹಾಗು ೨೯ ರಂದು FUEL ಪರಿಯೋಜನೆಯ ಅಡಿಯಲ್ಲಿ ಬೆಂಗಳೂರಿನ ಸೆಂಟರ್ ಫಾರ್ ಇಂಟರ್ನೆಟ್ ಆಂಡ್ ಸೊಸೈಟಿಯಲ್ಲಿ (ಸಿಐಎಸ್) ಆಯೋಜಿಸಲಾಗಿತ್ತು. ಈ ಸಂದರ್ಭದಲ್ಲಿ, ಗಣಕದಲ್ಲಿ ಹೆಚ್ಚಾಗಿ ಬಳಸಲಾಗುವ ಪರ್ಯಾಯ ಕನ್ನಡ ಪದಗಳ ಅವಲೋಕಿಸುವ ಸಲುವಾಗಿ ಕನ್ನಡ ಸಮುದಾಯದ ಮೂಲಕ ಅವಲೋಕನ ನಡೆಸಲಾಯಿತು. ಕಂಪ್ಯೂಟರ್ ತಂತ್ರಾಂಶಗಳ ಕನ್ನಡ ಅನುವಾದದಲ್ಲಿನ ಗೊಂದಲ ಹಾಗು ಏಕರೂಪತೆಯ ಕೊರತೆಯನ್ನು ನೀಗಿಸುವ ಉದ್ಧೇಶದಿಂದ ಸಂಚಯ (sanchaya.net) ತಂಡವು ಈ FUEL ಕನ್ನಡ ಕಾರ್ಯಗಾರವನ್ನು ರೆಡ್‌ ಹ್ಯಾಟ್‌ನ ನೆರವಿನಿಂದ ಹಮ್ಮಿಕೊಂಡಿತ್ತು.
ಭಾಷಾಶಾಸ್ತ್ರಜ್ಞರು, ಅನುವಾದಕರು ಹಾಗು ಬಳಕೆದಾರರು ಮುಂತಾಗಿ ಸುಮಾರು ೧೫ ಜನರು ಪಾಲ್ಗೊಂಡ ಎರಡು ದಿನಗಳ ಈ ಕಾರ್ಯಗಾರದಲ್ಲಿ ಸುಮಾರು ೫೭೮ ಪದ/ಪದಗುಚ್ಛಗಳ ಪ್ರಸ್ತುತ ಅನುವಾದವನ್ನು ಅವಲೋಕಿಸಿ, ಅದರಲ್ಲಿನ ತಪ್ಪುಗಳನ್ನು ತಿದ್ದಿ ಒಂದು ಶಿಷ್ಟ ಗಣಕ ಪದಕೋಶವನ್ನು ಸಿದ್ಧಗೊಳಿಸಲಾಯಿತು. ರೆಡ್‌ ಹ್ಯಾಟ್‌ನ ಶಂಕರ ಪ್ರಸಾದ್ ಎಲ್ಲರನ್ನೂ ಸ್ವಾಗತಿಸಿ, ಕಂಪ್ಯೂಟರ್ ಪದಕೋಶದಲ್ಲಿ ಶಿಷ್ಟತೆಯ ಅಗತ್ಯಗಳನ್ನು ವಿವರಿಸಿದರು. ನಂತರ ಮಾತನಾಡಿದ ಕನ್ನಡ ಗಣಕ ಪರಿಷತ್ತಿನ ಕಾರ್ಯದರ್ಶಿಯಾದಂತಹ ಜಿ ಎನ್ ನರಸಿಂಹ ಮೂರ್ತಿಯವರು ಈ ನಿಟ್ಟಿನಲ್ಲಿ ಹಿಂದೆ ನಡೆದ ಕೆಲಸಗಳು ಹಾಗು ಮುಂದಿನ ಕಾರ್ಯಗಳ ಕುರಿತು ಮಾತನಾಡಿದರು. ಇದರಲ್ಲಿ ಖ್ಯಾತ ಕಿರುತೆರೆಯ ನಟಿ ಜಯಲಕ್ಷ್ಮಿ ಪಾಟೀಲ್, ಬನವಾಸಿ ಬಳಗದ ಸದಸ್ಯರು, ಕಣಜದಲ್ಲಿ ಕೆಲಸ ಮಾಡುತ್ತಿರುವವರು, ತಂತ್ರಜ್ಞರು, ಗೂಗಲ್ ಸಂಸ್ಥೆಯಲ್ಲಿನ ಈ ಹಿಂದಿನ ಅನುವಾದಕರು, ಪತ್ರಕರ್ತರು, ಭಾಷಾತಂತ್ರಜ್ಞರು ಮುಂತಾದವರು ಭಾಗವಹಿಸಿದ್ದರು.
ಲೋಕಲೈಸೇಶನ್ ಅಥವ ಪ್ರಾದೇಶೀಕರಣ ಎನ್ನುವುದು ಒಂದು ಉತ್ಪನ್ನವನ್ನು ನಿರ್ದಿಷ್ಟ ಪ್ರದೇಶ ಅಥವ ಭಾಷಾ ಪರಿಸರಕ್ಕೆ ಹೊಂದಿಕೊಳ್ಳುವಂತೆ ಪರಿವರ್ತಿಸುವ ಮಾಡುವ ಕೆಲಸವಾಗಿದೆ. ಪ್ರಾದೇಶೀಕರಣವು ಹೆಚ್ಚು ಸಂಕೀರ್ಣವಾದಂತೆಲ್ಲಾ ಮತ್ತು ಹಲವು ಉಪಕರಣಗಳನ್ನು ಒಳಗೊಂಡಂತೆಲ್ಲಾ ಅನುವಾದ ಮತ್ತು ಪದಕೋಶದ ಶಿಷ್ಟತೆಯು ಎದುರಾಗುತ್ತಾ ಹೋಗುತ್ತದೆ. ಆದ್ದರಿಂದ, ಈ ಸಂದರ್ಭದಲ್ಲಿ ಆ ರೀತಿಯ ಒಂದು ಕಾರ್ಯಗಾರವು ಅಗತ್ಯ ಹಾಗು ಪ್ರಮುಖವೆನಿಸುತ್ತದೆ. ಇಂದಿನ ತಂತ್ರಜ್ಞಾನ ಕ್ರಾಂತಿಯು ನಮ್ಮ ಕರ್ನಾಟಕದ ಪ್ರತಿ ಮೂಲೆಯನ್ನು ತಲುಪಲು ಅದು ಏಕರೂಪವಾದ ಪದಗಳೊಂದಿಗೆ ಕನ್ನಡದಲ್ಲಿ ಲಭ್ಯವಾಗಿಸುವುದು ಅನಿವಾರ್ಯ.
ಸ್ಥಳೀಯ ಬಳಕೆದಾರರು ತಂತ್ರಜ್ಞಾನವನ್ನು ಸುಲಭವಾಗಿ ಬಳಸಲು ನೆರವಾಗಲು FUEL ಪರಿಯೋಜನೆಯು ಒಂದು ಶಿಷ್ಟವಾದ ಹಾಗು ಏಕರೂಪವಾದ ಪಾರಿಭಾಷಿಕ ಪದಕೋಶವನ್ನು ಒದಗಿಸುತ್ತದೆ. ಈಗಾಗಲೆ ಸುಮಾರು ೯ ಭಾರತೀಯ ಭಾಷೆಗಾಗಿ ಈ ಬಗೆಯ ಕಾರ್ಯವು ನಡೆದಿದ್ದು, ಕನ್ನಡದ ಕಂಪ್ಯೂಟರ್ ಪದಕೋಶವು ೧೦ನೆಯದ್ದಾಗಿದೆ.

Via Flickr:
Workshop on the standardization of Kannada Computing Terminology - at Center for Internet & Society, Bangalore

28th and 29th January 2012

More Info can be found at :

ಕನ್ನಡ ಕಂಪ್ಯೂಟರ್ ಪದಕೋಶ ಅವಲೋಕನ ಕಾರ್ಯಗಾರ | ಸಂಚಯ bit.ly/w1Kwib

ಅಂತರ್ಜಾಲದಲ್ಲಿ ಕೋಲಾಹಲ

2012-01-30T08:48:00.000+05:30

೨೯ ಭಾನುವಾರ, ಜನವರಿ ೨೦೧೨ ರ ಉದಯವಾಣಿ ಸಾಪ್ತಾಹಿಕ ಸಂಪದದಲ್ಲಿ ಪ್ರಕಟವಾದ ನನ್ನ ಲೇಖನ:

ವ್ಯಂಗ್ಯಚಿತ್ರ ಕೃಪೆ: ಉದಯವಾಣಿ

ಮಾಹಿತಿ ವಿನಿಮಯ ಮಾಡಿಕೊಳ್ಳಲುಇಂಟರ್‌ನೆಟ್ ೨೧ನೆಯ ಶತಮಾನದಆಧುನಿಕ ಜಗತ್ತಿಗೆ ಹೇಳಿ ಮಾಡಿಸಿದವೇದಿಕೆ. ಮುಕ್ತವಾಗಿ,ಸರಾಗವಾಗಿ ಯಾವುದೇವಿಷಯವನ್ನು ಮೊಬೈಲ್,ಕಂಪ್ಯೂಟರ್,ಲ್ಯಾಪ್‌ಟಾಪ್,ಟ್ಯಾಬ್ಲೆಟ್ ಇತ್ಯಾದಿಗಳಮುಖೇನ ಕೈಬೆರಳಿನ ಕೆಲವೇಕ್ಲಿಕ್‌ಗಳಲ್ಲೇ ಜಗತ್ತಿನ ಎಲ್ಲರಕಂಪ್ಯೂಟರ್ ಪರದೆಗಳ ಮೇಲೆಮೂಡಿಸಬಹುದು. ಪಠ್ಯ,ಬ್ಲಾಗ್,ಸುದ್ದಿ,ದೃಶ್ಯ,ಶ್ರಾವ್ಯ,ಚಿತ್ರ ಹೀಗೆ ಹತ್ತುಹಲವು ಮಾದರಿಯಲ್ಲಿ ಇಂಟರ್‌ನೆಟ್‌ನಮಾಹಿತಿ ನಮಗೆ ಲಭ್ಯ.ಈ ಮಾಹಿತಿ ಬಂದದ್ದಾದರೂಎಲ್ಲಿಂದ? - ನಾವುದಿನನಿತ್ಯ ಇಂಟರ್‌ನೆಟ್‌ನಲ್ಲಿಕಾಣುವ ಎಲ್ಲ ವಿಷಯಗಳು ಆಯಾವೆಬ್‌ಸೈಟ್ನದ್ದೇ ಅಥವಾ ‘ಪೈರಸಿ’ಯೋ?

ಈ ಪ್ರಶ್ನೆಗೆ ಉತ್ತರಿಸುವಮುನ್ನ ಇಂಟರ್‌ನೆಟ್ ಅನ್ನುಅರಿಯುವ ಒಂದು ಸಣ್ಣ ಪ್ರಯತ್ನಮಾಡೋಣ. ಮಿಲಿಟರಿಸಂಬಂಧಿತ ವಿಷಯಗಳನ್ನು ಒಂದುಪ್ರದೇಶದಿಂಡ ಮತ್ತೊಂದು ಪ್ರದೇಶಕ್ಕೆರವಾನಿಸುವಾಗ ತಗುಲುತ್ತಿದ್ದಸಮಯವನ್ನು ಕಡಿಮೆ ಮಾಡಲು ಅಮೇರಿಕಾದಲ್ಲಿಹುಟ್ಟಿದ ‘ಆರ್ಪಾನೆಟ್'(ARPANET) ಎಂಬ ಕಂಪ್ಯೂಟರ್‌ಗಳನ್ನುಒಂದಕ್ಕೊಂದು ಸಂಪರ್ಕದಲ್ಲಿರುವಂತೆಮಾಡುವ ತಂತ್ರಜ್ಞಾನ,ಇಂದು ಬೃಹದಾಕಾರದಲ್ಲಿಬೆಳೆದು ನಮಗೆಲ್ಲ ‘ಇಂಟರ್‌ನೆಟ್’ ಅಥವ ‘ಅಂತರ್ಜಾಲ'ಎಂದೇ ಚಿರಪರಿಚಿತವಾಗಿದೆ.ಮಾಹಿತಿ ವಿನಿಮಯವೇಮುಖ್ಯವಾದ ಇಂಟರ್‌ನೆಟ್ ಜಗತ್ತಿನಅತಿದೊಡ್ಡ ವಿಶ್ವಕೋಶ.ಎಲ್ಲ ವಿಷಯಗಳಮಾಹಿತಿಗಳನ್ನು ಸುಲಭವಾಗಿ ಯಾರುಬೇಕಾದರೂ ಹಂಚಿಕೊಳ್ಳುವ ಮುಕ್ತವೇದಿಕೆ ಇದಾಗಿದೆ.

ವಿಜ್ಞಾನ,ತಂತ್ರಜ್ಞಾನಗಳುಜನರ ಕೈಗೆ ಎಟುಕುವಂತಾದ ತಕ್ಷಣನಾವು ಅದರ ಉಪಯೋಗ ಹಾಗೂ ದುರುಪಯೋಗಎರಡನ್ನೂ ಕಾಣಲು ಸಾಧ್ಯವಾಗುತ್ತದೆ.ಇಂಟರ್‌ನೆಟ್ ಮಾನವನಿಗೆತನ್ನ ದಿನಚರಿಯನ್ನು ಊರು ಕೇರಿಗಳಆಚೆಗೆ, ದೇಶವಿದೇಶಗಳ ಗಡಿಯಾಚೆಗೂ ವಿಸ್ತರಿಸಿತನ್ನ ಪ್ರಪಂಚವನ್ನು ಹಿರಿದಾಗಿಸಿಕೊಳ್ಳುವದಿಕ್ಕನ್ನು ತೋರಿಸಿತು.ಒಂದು ಊರಿನ ಮೂಲೆಮೂಲೆಗಳಲ್ಲೂ ಕಂಡು ಬರುವ ಕಿರಾಣಿಅಂಗಡಿಗಳಂತೆ ಇಂಟರ್‌ನೆಟ್‌ನಲ್ಲಿಡಾಟ್ ಕಾಮ್ ಕಂಪೆನಿಗಳು ತಮ್ಮವೆಬ್‌ಸೈಟ್ ಅಥವಾ ಜಾಲತಾಣಗಳನ್ನುತೆರೆದು ಮಾಹಿತಿ ವಿನಿಮಯಕ್ಕೆಮೀಸಲಾದ ಜಾಗದಲ್ಲಿ ವ್ಯಾಪರವಹಿವಾಟುಗಳಿಂದ ಹಿಡಿದು ಬ್ಯಾಂಕಿಂಗ್,ಅನ್ವೇಷಣೆ,ವಿದ್ಯಾಭ್ಯಾಸ,ಮನರಂಜನೆ ಮುಂತಾದಎಣಿಸಲಾಗದಷ್ಟು ಜೀವನದ ಭಾಗಗಳಿಗೆತಂತ್ರಜ್ಞಾನದ ಟಚ್ ಕೊಟ್ಟರು.ಜೊತೆ ಜೊತೆಗೆ ಬೆಳೆದಮೊಬೈಲ್ ಮತ್ತು ಕಂಪ್ಯೂಟರ್ ಗಳುಅಂಗೈಅಗಲದ ಪರದೆಯ ಮೇಲೆ ವಿಶ್ವದರ್ಶನವನ್ನುಮಾಡಿಸಲು ಅಣಿಯಾದವು.ಮಹಾಭಾರತದ ಕಥೆಯಲ್ಲಿನಕೃಷ್ಣನ ನೆನಪಾಗುತ್ತಿಲ್ಲವೇ?ಯಶೋಧೆ ಕೂಪದಲ್ಲಿಮಣ್ಣನ್ನು ತಿನ್ನುತ್ತೀಯ ಎಂದಾಗಇಲ್ಲ ನೋಡು ಎಂದು ತನ್ನ ಬಾಯನ್ನೇತೆರೆದು ವಿಶ್ವದರ್ಶನ ಮಾಡಿಸಿದಆ ಗೋಪಾಲ ಈ ತಂತ್ರಜ್ಞಾನದ ಯುಗದಲ್ಲಿಮೊಬೈಲ್ ಹೊಕ್ಕಿದನೇ?

ವ್ಯಾಪಾರ ವಾಣಿಜ್ಯಗಳಿಂದಾಚಗೆಇಂಟರ್‌ನೆಟ್ ಅಂದರೆ ಅದು ಸಾಮಾನ್ಯಮನುಷ್ಯನ ಪ್ರಪಂಚ.ತನ್ನ ಸುಖದುಖ:ಗಳನ್ನುತನ್ನ ಬ್ಲಾಗ್ ಬರಹಗಳಿಂದಲೂ,ತಾನು ಮೊಬೈಲ್,ಕ್ಯಾಮೆರಾದಿಂದ ತೆಗೆದಚಿತ್ರಗಳು, ವಿಡಿಯೊಇತ್ಯಾದಿಗಳ ಜೊತೆ ಇರುವ ಮತ್ತುಇಲ್ಲದ ಗೆಳೆಯರ ಜೊತೆಗೆ ಹೊಸಗೆಳೆಯರನ್ನು ಪಡೆಯುತ್ತ ತನ್ನ‘ನೆಟ್‌ವರ್ಕ್’ ಬೆಳೆಸಿಕೊಳ್ಳಲುಹಂಬಲಿಸುವ ಎಲ್ಲರಿಗೂ ಇಂಟರ್‌ನೆಟ್ತನ್ನ ‘ಸೋಸಿಯಲ್ ಮೀಡಿಯಾ’ ಎಂಬತಂತ್ರಜ್ಞಾನದ ತಂತ್ರಾಂಶಗಳಆವಿಷ್ಕಾರದಿಂದ ಮರಳುಮಾಡುತ್ತದೆ.ಬರೀ ಈ-ಮೈಲ್ಮತ್ತು ಚಾಟ್‌ಗಳನ್ನು ಮಾಡುತ್ತಿದ್ದ,ಅದೇ ವಿಜ್ಞಾನದ ದೊಡ್ಡಆವಿಷ್ಕಾರ ಎಂದು ಹೇಳುತ್ತಾ,ವಿದೇಶದಲ್ಲಿರುವನಿಮ್ಮ ಗೆಳೆಯರನ್ನು ಸುಲಭವಾಗಿಸಂಪರ್ಕಿಸಿ ಎನ್ನುವ ಪಾಠವನ್ನುಹೇಳುತ್ತಿರುವಾಗಲೇ.ನನ್ನೆಲ್ಲ ಗೆಳೆಯಗೆಳೆತಿಯರು ನನ್ನ ಅಂಗೈನ ಈ ಬ್ಲಾಕ್ಬೆರಿ, ಆಂಡ್ರಾಯ್ಡ್, ಐ-ಫೋನ್ಎಂಬ ಮಾಯಪೆಟ್ಟಿಗೆಗಳಲ್ಲಿ ಸಾಮಾಜಿಕಜಾಲತಾಣಗಳಲ್ಲಿ,ಸಾಮಾಜಿಕ ಸಮುದಾಯಗಳಲ್ಲಿದಿನನಿತ್ಯವೂ,ಪ್ರತಿಗಳಿಗೆಯೂನಮ್ಮೊಂದಿಗಿದ್ದಾರೆ ಎಂಬ ಮಾತನ್ನುಈಗ ಎಲ್ಲರೂ ನಿಸ್ಸಂಕೋಚವಾಗಿಹೇಳುತ್ತಾರೆ. ‘ಪ್ರಪಂಚಚಿಕ್ಕದಾಗಿದೆ’ ‘ನೀ ಎಲ್ಲೋದ್ರೂಇಲ್ಲೇ ಬರ್ತೀಯಾ’ ಎಂಬ ಮಾತುಗಳುಈಗ ಸಾಮಾನ್ಯನಿಗೂ ಸಾಮಾನ್ಯ.

ಚಿಕ್ಕ ಪ್ರಪಂಚದಲ್ಲಿಒಬ್ಬ ವ್ಯಕ್ತಿ ಸೃಷ್ಟಿಸಿದ ಭಾವನೆ,ಆಕಾಂಕ್ಷೆ,ಕನಸುಗಳಿಗೆ ಬಣ್ಣಕಟ್ಟಲು ಅವನ ಸುತ್ತಲಿನ ವ್ಯಕ್ತಿಗಳು,ಗೆಳೆಯರು,ಹಿತವರು,ಹಿತಶತೃಗಳು ಇರುವಂತೆಇಂಟರ್‌ನೆಟ್‌ನಲ್ಲೂ ಕೂಡ ನಮ್ಮಬದುಕು ಬೆಳೆದು ಬಂದಿದೆ.ನೀವು ಬರೆದ ಲೇಖನಗಳನ್ನುಮೆಚ್ಚುವ ಎಲ್ಲರೂ ಅದನ್ನುಫೇಸ್‌ಬುಕ್‌ನ ಮೂಲಕ್ ಲೈಕ್ ಮಾಡುವಮುಖಾಂತರವೋ, ಇಲ್ಲಗೂಗಲ್ ಪ್ಲಸ್‌ನ +1ಮಾಡುವ ಮೂಲಕ ಹೊಗಳುತ್ತಾರೆ.ಮನುಷ್ಯನ ಮಾತಿಗಿಂತಈ ಯಾಂತ್ರಿಕ ಲೇಪಗಳು ಇಂದು'ವರ್ಚುಯಲ್’ಖುಷಿ ಕೊಡುತ್ತವೆ.ನೀವು ಇತರರೊಡನೆಹಂಚಿಕೊಂಡ ಮಾಹಿತಿ ಬಹಳ ಚೆನ್ನಾಗಿದ್ದರೆಅಥವಾ ಅದನ್ನು ನಿಜವಾಗಿಯೂ ತೆಗೆದುಓದಿದವರು ಅದರಲ್ಲಿನ ವಿಷಯವನ್ನುಮೆಚ್ಚಿಕೊಂಡರೆ, ಅದುಅವರ ಗೆಳೆಯರ ಗುಂಪಿಗೆ ರವಾನೆಯಾಗುತ್ತದೆ.ಅದಕ್ಕೂ ಮತ್ತೊಂದುಗುಂಡಿ ನಿಮ್ಮ ಸಾಮಾಜಿಕ ತಾಣದಲ್ಲಿ- ‘Share’. ಹೀಗೆಹಂಚಿಕೆಯಾದ ವಿಚಾರ ಹತ್ತಾರು,ಸಾವಿರಾರು ಮಂದಿಗೆಕ್ಷಣಾರ್ಧದಲ್ಲಿ ತಲುಪುತ್ತಾಹೋಗುತ್ತದೆ. ಇಲ್ಲಿಂದನಮ್ಮ ಮೊದಲ ಪ್ರಶ್ನೆಗೆ ಉತ್ತರಕಂಡುಕೊಳ್ಳುವ ಪ್ರಯತ್ನ ಶುರುಮಾಡಬಹುದು.

ಒಮ್ಮೆ ಇಂಟರ್‌ನೆಟ್‌ನಲ್ಲಿನೀವು ಹಂಚಿಕೊಂಡ ವಿಷಯ ಬೇರೆಯವರಬ್ಲಾಗಿಗೋ, ಪುಸ್ತಕಕ್ಕೋ,ಮತ್ಯಾರದೋ ಲೇಖನದಚಿತ್ರವಾಗಿಯೋ ಇತ್ಯಾದಿ ನಿಮಗೆಮುಂದೆ ಕಂಡರೆ ಆಶ್ಚರ್ಯಪಡಬೇಕಿಲ್ಲ.ಟಿ.ವಿಸೀರಿಯಲ್‌ಗಳು,ರಿಯಾಲಿಟಿ ಶೋಗಳು,ಸಿನೆಮಾಗಳು,ಅದೆಷ್ಟೋ ಕಾಪಿರೈಟ್ಮುರಿದ ಪುಸ್ತಕದ ಪೂರ್ಣ ವಿದ್ಯುನ್ಮಾನಪ್ರತಿಗಳು ಯಾವ ಕಾಯ್ದೆ ಕಾನೂನಿನಹಂಗಿಲ್ಲದೆ ಇಂದು ಹರಿದಾಡುತ್ತಿವೆ.ಇಂತಹ ಮಾಹಿತಿಯನ್ನುಹೊಂದಿರುವ ವೆಬ್‌ಸೈಟ್‌ಗಳ ಸಂಖ್ಯೆಕೂಡ ಯಥೇಚ್ಚವಾಗಿ ಬೆಳೆಯುತ್ತಿದೆ.ಇದು ಕಂಟೆಟ್ ಪೈರಸಿಅಥವಾ ಮಾಹಿತಿ ಚೋರತನದ ಒಂದು ಮುಖ.ಒಮ್ಮೆ ಇಂಟರ್‌ನೆಟ್‌ನಲ್ಲಿಕಂಡ ಚಿತ್ರ ಅಥವಾ ಮಾಹಿತಿಯನ್ನುತಮ್ಮ ಕೆಲಸಕ್ಕೆ ಉಪಯೋಗವಾಗುವಂತೆಬಳಸಿಕೊಳ್ಳುವ ಜಾಣತನ ಹೆಚ್ಚುತ್ತಿದೆ.ಅದೇ ಸಮಯದಲ್ಲಿ ಮೂಲಮಾಹಿತಿ ಪಡೆದದ್ದಾದರೂ ಎಲ್ಲಿಂದಎಂದು ನಮೂದಿಸುವ ಕನಿಷ್ಠ ಪ್ರಜ್ಞೆಯೂ,ಅದರ ಬಗ್ಗೆ ಚಿಂತಿಸುವಕಿಂಚಿತ್ತು ವ್ಯವದಾನವೂ ಶರವೇಗದಜಗತ್ತಿನಲ್ಲಿ ಇಲ್ಲವಾಗಿದೆ.ಕೃತಿಚೌರ್ಯದ ಬಗ್ಗೆಸಾಹಿತ್ಯ ಕ್ಷೇತ್ರದಲ್ಲಿ ಆಗಬಹುದಾದಚರ್ಚೆಗಳಿಗಿಂತಲೂ ದೊಡ್ಡ ಚರ್ಚೆಗಳುಇಂಟರ್‌ನೆಟ್‌ನಲ್ಲಿ ಆಗಬಹುದಾದರೂತಂತ್ರಜ್ಞಾನದ ಜಾಣತನದಿಂದಮುಚ್ಚಬಹುದಾದ ಕುರುಹುಗಳನ್ನುಕೆದಕಿ ತೆಗೆಯುವುದು ಅಷ್ಟುಸುಲಭವಲ್ಲ.

ಹಾಗಿದ್ದರೆ ಇಂಟ‌ರ್‌ನೆಟ್‌ನಲ್ಲಿಇರುವುದೆಲ್ಲವೂ ಪೈರಸಿಯ ಸರಕೇಎಂದರೆ, ಇಲ್ಲ!ಅದು ನಿಜವಲ್ಲ.ಓಪನ್ ಕಾಂಟೆಂಟ್(Open Content) ಅಥವಾಓಪನ್ ‌ಕಲ್ಚರ್ (OpenCulture) ಮುಕ್ತ ಮಾಹಿತಿಅಥವಾ ಮುಕ್ತ ಸಂಸ್ಕೃತಿಯನ್ನುಬೆಳೆಸಿಕೊಂಡು ಬಂದಿರುವಇಂಟರ್‌ನೆಟ್‌ನಲ್ಲಿ ಸಮುದಾಯಗಳುಒಟ್ಟಿಗೆ ಕುಳಿತು ಕಟ್ಟಿದ ಮಾಹಿತಿಯಭಂಡಾರವಾದ ವಿಕಿಪೀಡಿಯದಂತಹವೆಬ್‌ಸೈಟುಗಳೂ ಇವೆ.ಪ್ರತಿಯೊಂದೂ ವೆಬ್‌ಸೈಟ್ಕೂಡ ತನ್ನಲ್ಲಿರುವ ಮಾಹಿತಿಯಕಾಪಿರೈ‌ಟ್ ಅಥವ ಕೃತಿಸಾಮ್ಯದಬಗ್ಗೆ ಮಾಹಿತಿಯನ್ನು ಹೊಂದಿರುತ್ತದೆ.ಅನೇಕ ಸಾಮಾಜಿಕ ತಾಣಗಳಪ್ರೈವಸಿ ಪಾಲಿಸಿ ಇತ್ಯಾದಿಗಳು,ಯಾವುದೇ ಬಳಕೆದಾರಅಪ್ಲೋಡ್ ಮಾಡಿದ ಮಾಹಿತಿ ಯಾವಲೈಸೆನ್ಸ್‌ನಡಿ ಇತರರಿಗೆಲಭ್ಯಎಂಬುದನ್ನು ಬಿಂಬಿಸುತ್ತವಲ್ಲದೆ,ಬಳಕೆದಾರನಿಗೆ ಅದನ್ನುಅಪ್ಲೋಡ್ ಮಾಡುವಾಗಲೇ ಅದರ ಲೈಸೆನ್ಸ್‌ಅನ್ನು ಕೂಡ ಆಯ್ಕೆ ಮಾಡಿಕೊಳ್ಳುವಜವಾಬ್ದಾರಿಯನ್ನು ಕೊಡುತ್ತವೆ.ಇದೇನೇ ಇದ್ದರೂ ಎಲ್ಲಕೃತಿಸಾಮ್ಯದ ವಿಷಯಗಳನ್ನು ಗಾಳಿಗೆತೂರಿಬಿಟ್ಟು ಮಾಹಿತಿ ತನ್ನದೇಎಂದು ಮತ್ತೊಬ್ಬರು ವಿಷಯವನ್ನುಹಂಚಿಕೊಂಡಾಗ ಮಾತ್ರ ಪೈರಸಿಯ ಭೂತಬೆನ್ನು ಹತ್ತುತ್ತದೆ.

ಬರೀ ಪೈರಸಿ ಅಷ್ಟೇ ಅಲ್ಲದೆಇದಕ್ಕಿಂತ ಎಷ್ಟೋ ವಿಕೃತಿಗಳೂಕೂಡ ಇಂಟರ್‌ನೆಟ್‌ನ ಮತ್ತೊಂದುಮುಖದಲ್ಲಿ ಕಾಣುತ್ತವೆ.ಮಾಹಿತಿ ಹಂಚಿಕೆ ಸುಲಭಸಾಧ್ಯ, ಟ್ವಿಟರ್,ಫೇಸ್‌ಬುಕ್ ಗಳುಮೊಬೈಲ್‌ನಂತಹ ಕಿರುಗಾತ್ರದಗೆಜೆಟ್‌ಗಳಲ್ಲಿ ಸಿಗಲು ಸಾಧ್ಯವಾದದ್ದೇಬಂತು ಚಿಕ್ಕಪುಟ್ಟ ಮಕ್ಕಳಿಂದಹಿಡಿದು ಬಿಗ್ ಬಿ ಅಮಿತಾಬ್ಬಚ್ಚನರಂತಹ ದೊಡ್ಡ ನಟರೂ,ಶಶಿತರೂರ್‌ರಂತಹರಾಜಕಾರಣಿಗಳು, ಬರ್ಕಾದತ್ ರಂತಹ ಜರ್ನಲಿಸ್ಟ್‌ಗಳುಟಿ.ವಿಪರದೆಯ ಹೊರಗೆ ಜನಸಾಮಾನ್ಯರಸಂಪರ್ಕದಲ್ಲಿರಲು ಸಾಧ್ಯವಾಯಿತು.ಒಂದೆಡೆ ತಮ್ಮಸೆನ್‌ಸೇಷನಲ್ ಕೆಲಸಗಳಿಂದಮನೆಮಾತಾಗಿದ್ದ ಇದೇ ಜನ ತಮ್ಮಸಣ್ಣ ಪುಟ್ಟ ಕಾಮೆಂಟುಗಳನ್ನುಸೋಸಿಯಲ್ ಮೀಡಿಯಾಗಳಿಂದ ತೂರಿಬಿಟ್ಟುಕಷ್ಟಕ್ಕೆ ತಗುಲಿಕೊಂಡದ್ದಿದೆ.ಅದೇ ರೀತಿ ಗ್ಲಾಮರ್ಲೋಕದಲ್ಲಿ ಮಿನುಗುತ್ತಿದ್ದತಾರೆಗಳು ಇಂಟರ್‌ನೆಟ್ ಮತ್ತುಇತರೆ ತಂತ್ರಜ್ಞಾನಗಳಿಂದಬೆತ್ತಲಾದದ್ದೂ ಇದೆ.ಕ್ಯಾಮೆರಾ ಕಾರ್ಯಾಚರಣೆಗೆಇಳಿದ ಅದೆಷ್ಟೋ ಜನ ದೊಡ್ಡದೊಡ್ಡವರಬಣ್ಣ ಬದಲು ಮಾಡಿದರೆ,ಅದೇ ವಿಷಯ ನಿಮಿಷಮಾತ್ರದಲ್ಲಿ ಎಸ್.ಎಮ್.ಎಸ್, ಎಂ.ಎಂ.ಎಸ್ಗಳ ಜೊತೆಗೆ ವಿಶ್ವದ ಎಲ್ಲರನ್ನೂತಲುಪುತ್ತದೆ. ಕೋಮುಗಲಭೆ,ಜಾತಿವಾದಗಳುಇತ್ಯಾದಿಗಳಿಗೂ ಇದೇ ತಂತ್ರಜ್ಞಾನಬೆಂಕಿಗೆ ತುಪ್ಪ ಸುರಿದಂತೆ.ಇದೇ ಸರದಿ ಮುಂದುವರಿದಂತೆಮತ್ತೊಮ್ಮೆ ಇಡೀ ದೇಶದ ಜನರನ್ನುಭ್ರಷ್ಟಾಚಾರದ ವಿರುದ್ದ ಕೂಡದನಿಯೆತ್ತುವಂತೆ ಎಲ್ಲರನ್ನೂಸಂಘಟಿಸುವ ಶಕ್ತಿ ಕೂಡ ಇದಕ್ಕಿದೆ.ಸರ್ಕಾರದೊಡನೆಸಂಪರ್ಕವಿರಿಸಿಕೊಳ್ಳಲು ಬಯಸುವಅನೇಕರಿಗೆ ಇದುವರೆಗೂ ಸರ್ಕಾರಹೇಳಿದ್ದನ್ನು ಮಾತ್ರ ಕೇಳುವಅವಕಾಶವಿತ್ತು.ಪ್ರಜಾಪ್ರಭುತ್ವದಲ್ಲಿಜನರ ಅಭಿಪ್ರಾಯಗಳನ್ನು ಕೇಳದೇಹೋದ ಸರ್ಕಾರಗಳಿಗೆ ಪ್ರಜೆಗಳೂಕೂಡ ತಮ್ಮ ಮಾತನ್ನು ಕೇಳುವಂತೆಮಾಡಿದ್ದು ಇಂಟರ್‌ನೆಟ್.

ಜಗತ್ತಿನಾದ್ಯಂತ ಇಂದುಇಂಟರ್‌ನೆಟ್ ಲೋಕದ ಒಳಿತು ಕೆಡುಕುಗಳಚರ್ಚೆ. ನ್ಯಾಯದತಕ್ಕಡಿಯಲ್ಲಿ ಇಲ್ಲಿನ ತಪ್ಪಿತಸ್ಥರನ್ನುಶಿಕ್ಷಿಸುವ ತವಕ ಎಲ್ಲರಿಗೂಇದ್ದಂತಿದೆ. ಪ್ರತಿಯೊಂದೂದೇಶವೂ ತನ್ನದೇ ಆದ ಸೈಬರ್ಕಾಯ್ದೆಗಳನ್ನು ಕಾಲಕ್ಕೆ ತಕ್ಕಂತೆತರುವ ತಯಾರಿಯಲ್ಲಿವೆ.ಇವುಗಳ ಮುಖ್ಯ ಉದ್ದೇಶಇಂಟರ್‌ನೆಟ್‌ನಲ್ಲಿ ಹರಿದಾಡುವವಿಷಯಗಳನ್ನು ಹದ್ದುಬಸ್ತಿನಲ್ಲಿಡುವುದು.ಪೈರಸಿಯ ತಡೆ ಅದರಲ್ಲಿಒಂದು ಭಾಗ ಮಾತ್ರ.

ಅಮೇರಿಕಾ ಸಂಯುಕ್ತಸಂಸ್ಥಾನ ಸ್ಟಾಪ್ ಆನ್ಲೈನ್ ಪೈರಸಿ ಆಕ್ಟ್ (SOPA )ಮತ್ತುಪ್ರೊಟೆಕ್ಟ್ ಐ.ಪಿ ಆಕ್ಟ್ (PIPA )ಕಾಯ್ದೆಗಳನ್ನು ಇಂಟರ್‌ನೆಟ್ ಪ್ರೈರಸಿ ಮತ್ತುಆರ್ಥಿಕ ಕ್ರಿಯಾಶೀಲತೆಗೆವಿಘ್ನತರಬಲ್ಲ,ಕೃತಿಚ್ಯಾರ್ಯಇತ್ಯಾದಿ ಕಾರ್ಯಗಳನ್ನು ತಡೆಗಟ್ಟಲುತನ್ನ ಸೆನೆಟ್‌ನಲ್ಲಿ ಮಂಡಿಸಿದೆ.ಭಾರತದಲ್ಲೂಕೂಡ ಐ.ಪಿಪ್ರೊಟೆಕ್ಟ್ ಆಕ್ಟ್ ತರುವ ಸಲುವಾಗಿನಮ್ಮ ಕೇಂದ್ರ ಸರ್ಕಾರದ ಮಂತ್ರಿಕಪಿಲ್ ಸಿಬಿಲ್ ಕಾರ್ಯಾರಂಭಿಸಿದ್ದಾರೆ.ಈಗಾಗಲೇಫೇಸ್‌ಬುಕ್, ಗೂಗಲ್, ಯಾಹೂ ನಂತಹದೊಡ್ಡದೊಡ್ಡ ಕಂಪೆನಿಗಳನ್ನುಕರೆದು ಮಾತನಾಡಿಸುವ ಇವರ ಈ ನಡೆದೇಶದಾದ್ಯಂತ ದಿಕ್ಕಾರದ ಉತ್ತರವನ್ನುಕೂಡ ಕಂಡಿದೆ.ಅದರಂತೆಯೇಅಮೇರಿಕಾದ ನಡೆ ಕೂಡ ವಿಶ್ವದಾದ್ಯಂತಇಂಟರ್‌ನೆಟ್ ಬಳಕೆದಾರರ ಆಕ್ರೋಶಕ್ಕೆಗುರಿಯಾಗಿದೆ.

ಇಂಟರ್‌ನೆಟ್‌ನಲ್ಲಿಯಮಾಹಿತಿಯನ್ನು ಸಂರಕ್ಷಿಸುವ ಈಕಾಯ್ದೆಗಳಿಗೇಕೆ ಹೀಗೆ ವಿರೋಧಎಂದಿರಾ? ಮುಕ್ತಮಾಹಿತಿ ವಿನಿಮಯ ವೇದಿಕೆಯಾದಇಂಟರ್‌ನೆಟ್ ಸರ್ಕಾರಗಳ ಹಿಡಿತದಲ್ಲಿಬಂದು ವಾಕ್ ಸ್ವಾತಂತ್ರ್ಯ ನಮಗೆಕೊಟ್ಟಿರುವ ‘ಎಲ್ಲ ಪ್ರಜೆಗಳೂತಮ್ಮ ಅನಿಸಿಕೆಗಳನ್ನು ಮುಕ್ತವಾಗಿ’ಹಂಚಿಕೊಳ್ಳುವ ಸ್ವಾತಂತ್ರ್ಯವನ್ನುಕಿತ್ತುಕೊಂಡತಾಗುತ್ತದೆ ಎಂಬುದುಇಂತಹ ವಿರೋಧಗಳ ಅಭಿಪ್ರಾಯ.ಯಾವುದೇ ಒಂದು ದೇಶದಸರ್ಕಾರ ತನ್ನ ಪ್ರಜೆಗಳು ಇಂತದ್ದೊಂದುವಿಷಯ ಅಥವಾ ಮಾಹಿತಿಯನ್ನು ನೋಡಬಾರದುಅಥವಾ ಪಡೆಯಬಾರದು ಎಂದು ಭಾವಿಸಿತನ್ನ ಸೈಬರ್ ಕಾಯ್ದೆಯಡಿ ಅಂತಹವಿಷಯಗಳನ್ನು ಹಂಚಿಕೊಳ್ಳುವಜಾಣತಾಣಗಳನ್ನು ನಿರ್ಬಂಧಿಸಿದರೆಏನಾಗಬಹುದು ಯೋಚಿಸಿ.ಮುಕ್ತವಾಗಿ ಯಾವುದೇವಿಷಯಗಳ ಮಾಹಿತಿಯನ್ನು ಹಂಚಿಕೊಳ್ಳುವಎಲ್ಲ ತಾಣಗಳು,ವಿಶ್ವದಾದ್ಯಂತ ಅನೇಕಭಾಷೆಗಳಲ್ಲಿ ಸಂಗ್ರಹಿಸಲ್ಪಟ್ಟವಿಕಿಪೀಡಿಯಾದಂತಹ ವಿಶ್ವಕೋಶಗಳುನಮ್ಮಿಂದ ದೂರವಾದರೆ,ಜಗತ್ತಿನ ಜ್ಞಾನದಹರಿವಿನ ಗತಿಯೇನು? ಈಜಿಪ್ಟ್‌ನಲ್ಲಿಇತ್ತೀಚೆಗೆ ಆದ ಕ್ರಾಂತಿಗೆ ಪ್ರಭಲಅಸ್ತ್ರ ಇಂಟರ್‌ನೆಟ್‌ನ ಸಾಮಾಜಿಕತಾಣಗಳು. ಅಲ್ಲಿನಸರ್ಕಾರ ತಕ್ಷಣ ಇಡೀ ದೇಶದ ಇಂಟರ್‌ನೆಟ್ಸಂಪರ್ಕವನ್ನೇ ಕಡಿದು ಹಾಕಿತು.ಬೆಳಕುಕಂಡ ಜನರಿಗೆಆ ಬೆಳಕಿನ ಕೊಂಡಿಯನ್ನೇ ಇದರಿಂದಕಿತ್ತಂತಾಯಿತು, ಆದರೆಆ ಒಂದು ಸಣ್ಣ ಬೆಳಕು ತನ್ನ ಪ್ರಭೆಯನ್ನುಆಗಲೆ ಬೀರಿತ್ತೆನ್ನಿ.

ಇರಲಿ, ಯಾವುದೇಕಾಯ್ದೆ ಕಾನೂನಿನ ಮೂಲಕವೇಇಂತದ್ದಕ್ಕೆ ಉತ್ತರ ಕಂಡುಕೊಳ್ಳಬಹುದುಎಂದೇ ಆದಲ್ಲಿ, ನಮ್ಮಬೆಂಗಳೂರಿನ ಯುವಕನೊಬ್ಬ ಪುಣೆಯಜೈಲಿನಲ್ಲಿ ೨ ವರ್ಷ ತಾನುಇಂಟರ್‌ನೆಟ್‌ನಲ್ಲಿ ಮಾಡಿಲ್ಲದತಪ್ಪಿಗಾಗಿ ಶಿಕ್ಷೆಗೆ ಗುರಿಯಾದದ್ದನ್ನುಮರೆಯಲು ಸಾಧ್ಯವೇ?ಶಿವಾಜಿಯವರನ್ನುಹೀಯಾಳಿಸಿ ಬರೆಯಲಾಗಿತ್ತು ಅದೂಈತನಿಂದ ಎಂದು ಸೈಬರ್ ಪೋಲೀಸರುಎರ್‌ಟೆಲ್ ಮೂಲಕ ಪಡೆದ ದತ್ತಾಂಶಗಳಮಾಹಿತಿ ಹಿಡಿದು ಈತನನ್ನು ಮಾನಸಿಕಮತ್ತು ದೈಹಿಕ ಚಿತ್ರಹಿಂಸೆಗೆಗುರಿಪಡಿಸಿದ್ದು ನೆನಸಿಕೊಂಡರೆ,ಇಂಟರ್‌ನೆಟ್‌ನಮಾಹಿತಿಯ ಆಗರದಲ್ಲಿರುವ ಪ್ರತಿಯೊಂದೂಪದಗಳಿಗೂ ಅದನ್ನು ಬರೆದ ಮೂಲವ್ಯಕ್ತಿಯಚಹರೆಯನ್ನು ಗುರುತಿಸಲು ನಿಜವಾಗಲೂಸಾಧ್ಯವೇ, ಅಂತಹತಂತ್ರಜ್ಞಾನವೇ ಮಾನವನ ಕೈನಲ್ಲಿಇಲ್ಲದಿರುವಾಗ ತಪ್ಪಿತಸ್ಥರನ್ನುಗುರುತಿಸುವ ವಿಚಾರ ಹಾಗು ಇಂತಹತಪ್ಪುಗಳು ಮತ್ತೆ ಆಗದಂತೆ ತಡೆಯುವುದುನಿಜಕ್ಕೂ ಸಾಧ್ಯವೇ ಎಂಬ ಪ್ರಶ್ನೆಬಾರದಿರದು.

ಹಾಗಿದ್ದಲ್ಲಿ,ಇದಕ್ಕೆಲ್ಲ ಪರಿಹಾರವೇಇಲ್ಲವೇ? ನಮ್ಮಕ್ರಿಯಾಶೀಲ ಬರವಣಿಗೆಗಳು,ಚಟುವಟಿಕೆಗಳು,ಸಿನೆಮಾ, ಸಂಗೀತ,ಕಲೆ ಇತ್ಯಾದಿ ಬೇರೆಯವರಹೆಸರಿನಲ್ಲಿ ಹರಿದಾಡುತ್ತಾಇನ್ಯಾರಿಗೋ ಉಪಯೋಗವಾಗುತ್ತಲೇಹೋಗುವುದೇ ಎಂಬ ಪ್ರಶ್ನಾರ್ಥಕಚಿನ್ಹೆ ನಿಮ್ಮ ಮುಖದ ಮೇಲೆಬಂದಿರಲಿಕ್ಕೂ ಸಾಕು.ಪೂರ್ಣ ಪರಿಹಾರಎಂಬುದಕ್ಕಿಂತ ಇದೆಲ್ಲ ವಿಷಯಗಳಿಗೂಹಂತಹಂತವಾಗಿ ನಾವುಉತ್ತರವನ್ನುಕಂಡುಕೊಳ್ಳಬೇಕಿದೆ.ಮೊದಲು ತಂತ್ರಜ್ಞಾನದಬಳಕೆಯ ಬಗ್ಗೆ ಹೆಚ್ಚಿನ ಮಾಹಿತಿಯನ್ನುಬಳಕೆದಾರರು ಪಡೆದುಕೊಳ್ಳಬೇಕಿದೆ.ಆನ್‌ಲೈನ್ ಜಗತ್ತಿನಲ್ಲಿಕೀಲಿಮಣೆ ಕುಟ್ಟುತ್ತಾ ಸಾಗುವುದಷ್ಟೇಅಲ್ಲ, ಅಲ್ಲಿತಾವು ಸೇರಿಸುವ ಮಾಹಿತಿಯನ್ನುಸುರಕ್ಷಿತಗೊಳಿಸಿಕೊಳ್ಳುವುದು,ಅದರ ಜವಾಬ್ದಾರಿಯನ್ನುಹೊರುವುದನ್ನೂ ಕೂಡ ನಾವುಕಲಿತುಕೊಳ್ಳಬೇಕಿದೆ.ಬೇರೆಯವರ ಕಲೆ,ಸಾಹಿತ್ಯ,ಸಂಸ್ಕೃತಿ,ಮಾಹಿತಿ ಇತ್ಯಾದಿಗಳನ್ನುನಮ್ಮ ಬಳಕೆಗೆ ತೆಗೆದುಕೊಳ್ಳುವಮುಂಚೆ ಮೂಲ ಕರ್ತೃವಿನ ಒಪ್ಪಿಗೆಪಡೆಯುವುದನ್ನು ರೂಢಿಸಿಕೊಳ್ಳಬೇಕಿದೆ.ನಿಜಜೀವನದಲ್ಲಿಅಳವಡಿಸಿಕೊಳ್ಳಬೇಕಾಗಿರುವಮಾನವೀಯತೆಯನ್ನು ಇಂಟರ್‌ನೆಟ್‌ನವರ್ಚುಅಲ್ ವರ್ಲ್ಡ್‌ನಲ್ಲಿಯೂಅಳವಡಿಸಿಕೊಳ್ಳಬೇಕಿದೆ.

FUEL - ಕನ್ನಡ ತಾಂತ್ರಿಕ ಪದಕೋಶದ ಏಕೀಕರಣಕ್ಕೊಂದು ಕಾರ್ಯಾಗಾರ

2012-01-27T11:23:00.000+05:30

ಈಗ್ಗೆ ಸುಮಾರು ೮-೧೦ ವರ್ಷಗಳ ಹಿಂದೆ ಆರಂಭಗೊಂಡ ಉಚಿತ ಹಾಗು ಮುಕ್ತ ತಂತ್ರಾಂಶಗಳ ಕನ್ನಡ ಅನುವಾದವು ಈಗ ಒಂದು ಗಮನಾರ್ಹ ಹಂತಕ್ಕೆ ತಲುಪಿದೆ ಎಂದೇ ಹೇಳಬಹುದು. ಇದರಲ್ಲಿ ತೊಡಗಿಕೊಂಡಿರುವ ಕನ್ನಡ ಸಮುದಾಯದ ಗಾತ್ರ ಬಹಳ ದೊಡ್ಡದಾಗಿರದಿದ್ದರೂ ಸಹ, ತಂತ್ರಾಂಶಗಳ ನಿರ್ದಿಷ್ಟ ಆವೃತ್ತಿಯ ಬಿಡುಗಡೆಯ ಪೂರ್ವದಲ್ಲಿ ಈ ಸಮುದಾಯದಲ್ಲಿ ಕೊಂಚ ಮಟ್ಟಿನ ಚಟುವಟಿಕೆಯನ್ನು ಕಾಣಬಹುದಾಗಿರುತ್ತದೆ. ಹೀಗೆ ಉತ್ಸುಕರಾಗಿರುವವರಲ್ಲಿ ಹೆಚ್ಚಿನವರು ಮೊದಲ ಬಾರಿಗೆ ತಂತ್ರಾಂಶ ಸಂಬಂಧಿ ಅನುವಾದ ಕೆಲಸದಲ್ಲಿ ತೊಡಗಿಕೊಂಡಿರುತ್ತಾರೆ. ಇವರಿಗೆ ಎದುರಾಗುವ ಪ್ರಮುಖ ಸಮಸ್ಯೆಯೆಂದರೆ ಕೆಲವು ಇಂಗ್ಲೀಷ್ ಪದ ಅಥವ ಪದಗುಚ್ಛಗಳಿಗೆ ಸನ್ನಿವೇಶಕ್ಕೆ ಅನುಗುಣವಾದ ಸೂಕ್ತವಾದ ಪರ್ಯಾಯ ಕನ್ನಡ ಪದ ದೊರೆಯದೆ ಇರುವುದು. ಇಂತಹ ಸಂದರ್ಭಗಳಲ್ಲಿ ಇವರು ತಮಗೆ ತೋಚಿದ ಯಾವುದೊ ಒಂದು ಪದವನ್ನು ಬಳಸಿದಾಗ ಆ ತಂತ್ರಾಂಶವನ್ನು ಬಳಸುವ ಬಳಕೆದಾರರಿಗೆ ಸಹ ಗೊಂದಲ ಉಂಟಾಗಿ, ಅದರ ಇಂಗ್ಲೀಷ್‌ನ ಆವೃತ್ತಿಗೆ ಮರಳುವ ಸಾಧ್ಯತೆ ಇರುತ್ತದೆ.

ಇದನ್ನು ಪರಿಹರಿಸಲು, ಇಂತಹ ಅನುವಾದ ಕಾರ್ಯಗಳಲ್ಲಿ ಬಳಸಬಹುದಾದ ಒಂದು ಶಿಷ್ಟ ಪದಕೋಶವು ಲಭ್ಯವಿರಬೇಕಾಗುತ್ತದೆ. ಎಲ್ಲಾ ಅನ್ವಯಿಕಗಳಲ್ಲಿ ಏಕಪ್ರಕಾರದ ಪರ್ಯಾಯ ಕನ್ನಡ ಪದ/ಪದಗುಚ್ಛವನ್ನು ಬಳಸುವುದಲ್ಲಿ, ಸಾಮಾನ್ಯ ಜನರಿಗೆ ಅಂತಹ ಅನ್ವಯಿಕ ತಂತ್ರಾಂಶವು ಬಳಕೆಗೆ ಸುಲಭವಾಗುತ್ತದೆ. ಇದರಿಂದಾಗ ಅನುವಾದದ ಉದ್ಧೇಶವು ನೆರವೇರುವುದರ ಜೊತೆಗೆ ಉಚಿತ ಹಾಗು ಮುಕ್ತ ತಂತ್ರಾಂಶಗಳ ಜನಪ್ರಿಯತೆಯೂ ಸಹ ಹೆಚ್ಚುವ ಸಾಧ್ಯತೆ ಇರುತ್ತದೆ. ಈ ಕೆಲಸಕ್ಕಾಗಿ, ತಂತ್ರಾಂಶಗಳ ಅನುವಾದದಲ್ಲಿ ಪದೇ ಪದೆ ಬಳಸಲಾಗುವ ಪದಗಳ (FUEL-Frequently Used Entries in Localization) ಒಂದು ಶಿಷ್ಟ ಕೋಶವನ್ನು ಮಾಡಬೇಕಿದೆ. ಈಗಾಗಲೆ ಸುಮಾರು ೫೦೦ ಕ್ಕೂ ಮಿಕ್ಕ ಇಂತಹ ಪದ/ಪದಗುಚ್ಛಗಳನ್ನು ಗುರುತಿಸಲಾಗಿದ್ದು , ಮುಂದಿನ ಹಂತದದಲ್ಲಿ ಇವುಗಳ ಪರಿಶೀಲನೆಯ ಕಾರ್ಯ ಆಗಬೇಕಿದೆ. ಇದಕ್ಕಾಗಿ ಕೆಲವು ಭಾಷಾಶಾಸ್ತ್ರಜ್ಞರು, ಅನುವಾದಕರು, ಪತ್ರಕರ್ತರು, ಗಣಕತಂತ್ರಜ್ಞರು ಒಂದೆಡೆ ಕಲೆತು ಈ ಪದಗಳನ್ನು ಅವಲೋಕಿಸಬೇಕಿದೆ. ಒಟ್ಟಿನಲ್ಲಿ ಒಮ್ಮತದಿಂದ ಒಂದು ಶಿಷ್ಟತೆಯನ್ನು ರೂಪಸುವ ಅಗತ್ಯವಿದೆ. ಈ ಕಾರ್ಯಕ್ಕಾಗಿ ಸುಮಾರು ೨ ದಿನ ತಗಲುವ ಸಾಧ್ಯತೆ ಇರುವುದರಿಂದ, ಉಚಿತ ಹಾಗು ಮುಕ್ತ ತಂತ್ರಾಂಶದ ಕನ್ನಡ ಸಮುದಾಯವಾದ ಸಂಚಯದ (sanchaya.net) ವತಿಯಿಂದ ಈ ಜನವರಿ ೨೮, ೨೯ ರಂದು ಬೆಂಗಳೂರಿನ ದೊಮ್ಮಲೂರಿನಲ್ಲಿರುವ ಸಿ ಐ ಎಸ್‌ನಲ್ಲಿ (ಸೆಂಟರ್ ಫಾರ್ ಇಂಟರ್ನೆಟ್ ಆಂಡ್ ಸೊಸೈಟಿ) ಸಿಐಎಸ್ ಹಾಗು ರೆಡ್‌ ಹ್ಯಾಟ್‌ನ (Red Hat) ನೆರವಿನೊಂದಿಗೆ FUEL-ಕನ್ನಡ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದೇವೆ.

FUEL ಕುರಿತು ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ಕಾಣಬಹುದು: www.fuelproject.org ಹಾಗು https://fedorahosted.org/fuel/

ಸಂಕ್ರಾಂತಿ ಸಂಭ್ರಮ

2012-01-15T22:27:00.001+05:30

(Click on the image to read it easily | ಓದಲು ಸುಲಭವಾಗುವಂತಾಗಲು ಚಿತ್ರದ ಮೇಲೆ ಕ್ಲಿಕ್ ಮಾಡಿ)

Sankranti Wishes 2012, a photo by omshivaprakash on Flickr.

ಛಾಯಾಗ್ರಹಣ - ಪವಿತ್ರ ಎಚ್ .(http://phjot.com)
Via Flickr:
Makara Sankranti - Festival of harvesting - en.wikipedia.org/wiki/Makar_Sankranti

Image for this greeting in Kannada is contributed my wife @pavithra.chihan ;) thanks dear...

After all that hardwork, now we see the grain in storage and it gives us enough food to lead life for next year - hence we rejoice

Its a day to take rest for those who sweat in fields taking care of each and every seed they sow - hence we rejoice

The sun laughs at us and takes a turn to bring a new start after bringing extreme changes in climates such as heat and rain - hence we rejoice

Lots of sweets called huggi and its a festival / Suggi , we decorate animals who worked hard in fields, we spend the day playing day and night - hence we rejoice...

ಹೆಜ್ಜೆ - ಕನ್ನಡ ಮತ್ತು ತಂತ್ರಜ್ಞಾನದ ಜೊತೆ ಜೊತೆಗೆ

2012-01-13T08:33:00.000+05:30

ಎಲ್ಲರಿಗೂ ಕನ್ನಡಕ್ಕಾಗಿ ಏನಾದರೂ ಮಾಡಬೇಕು ಎನಿಸುವುದು ಸಹಜ. ಆದರೆ ನಮ್ಮಲ್ಲನೇಕರಿಗೆ ನಾನೇನು ಮಾಡಬಲ್ಲೆ ಎಂಬ ಪ್ರಶ್ನೆ ಕಾಡಿದರೆ, ಮತ್ತಿನ್ನಿತರರಿಗೆ ಎಲ್ಲಿಂದ ಕೆಲಸ ಶುರುಮಾಡಲಿ ಎಂಬ ಪ್ರಶ್ನೆ. ಅದನ್ನೂ ಮೀರಿದರೆ ನನಗೆ ಕಂಪ್ಯೂಟರ್ ಅಷ್ಟುಗೊತ್ತಿಲ್ಲ ನಾನು ಇದರಲ್ಲಿ ಕೆಲಸ ಮಾಡ್ಲಿಕ್ಕೆ ಸಾಧ್ಯ ಇಲ್ಲ ಎಂದು ಕೈಕಟ್ಟಿ ಕೂರುತ್ತೇವೆ.

ಯಾವುದೇ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ಕನ್ನಡಿಗರು ತಮ್ಮ ಹವ್ಯಾಸ, ಉದ್ಯೋಗ ಇತ್ಯಾದಿಗಳ ಸುತ್ತಲೇ ಹತ್ತಾರು ವಿಷಯಗಳ ಮೂಲಕ ಭಾಷೆ ಹಾಗೂ ತಂತ್ರಜ್ಞಾನದ ಅಭಿವೃದ್ದಿಯ ನೆರವಿಗೆ ನಿಲ್ಲಬಹುದು. ಸಾಧ್ಯಾಸಾಧ್ಯತೆಗಳ ಇಂತಹ ಹತ್ತಾರು ವಿಷಯಗಳನ್ನು, ಪ್ರಾಯೋಗಿಕವಾಗಿ ಇಂತಹ ಕಾರ್ಯಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿರುವ ಅನೇಕ ಅನುಭವಿ ತಂತ್ರಜ್ಞರು ಅನುಭವಗಳನ್ನು ನಿಮ್ಮೊಡನೆ ಹಂಚಿಕೊಳ್ಳುತ್ತ ನೀವೂ ಅವರೊಂದಿಗೆ ಹೆಜ್ಜೆಯಿಡಲು ೨೨ನೇ ಜನವ ರಿ ೨೦೧೨ ರಂದು 'ಹೆಜ್ಜೆ' ವೇದಿಕೆ ಸಿದ್ದವಾಗುತ್ತಿದೆ.

ಇದು ಬರೀ ಮಾಹಿತಿತಂತ್ರಜ್ಞಾನ ಅಥವ ಐ.ಟಿ ಮಂದಿಗಲ್ಲ... ಯಾರುಬೇಕಾದರೂ ಭಾಗವಹಿಸಬಹುದು. ವಿಶೇಷವಾಗಿ ಮಹಿಳೆಯರು ಕೂಡ ತಂತ್ರಜ್ಞಾನದ ವಿಷಯದಲ್ಲಿ ಕೆಲಸ ಹೇಗೆ ಮಾಡಬಲ್ಲರು, ಸಹಾಯ ದೊರೆಯುತ್ತದೆಯೇ, ಅವರೂ ಸಮುದಾಯ ಕಟ್ಟುವ ನಿಟ್ಟಿನಲ್ಲಿ ಹೇಗೆ ಎಲ್ಲರೊಂದಿಗೆ ಹೆಜ್ಜೆ ಇಡಬಲ್ಲರು ಎಂಬುದನ್ನೂ ತಿಳಿಯಬಹುದು.

ನಮ್ಮೆಲ್ಲರ ನೆಚ್ಚಿನ ವಿಜ್ಞಾನ ಲೇಖಕ ಶ್ರೀ ನಾಗೇಶ್ ಹೆಗಡೆ, ವಸುದೇಂದ್ರ ಮುಂತಾದವರು ನಮ್ಮ ಜೊತೆಗಿದ್ದರೆ, ಕನ್ನಡದ ಮೊದಲ ಅಂತರ್ಜಾಲ ತಾಣ "ವಿಶ್ವಕನ್ನಡ.ಕಾಮ್" ರೂಪಿಸಿ ಗಣಕಿಂಡಿ, ಗ್ಯಾಜೆಟ್ ಲೋಕ ಇತ್ಯಾದಿಗಳ ಮೂಲಕ ದಿನನಿತ್ಯ ನಮ್ಮೊಡನೆ ಸಂಪರ್ಕದಲ್ಲಿರುವ ಡಾ| ಯು.ಬಿ ಪವನಜ ಕೂಡ ಬೆಂಬಲಕ್ಕಿದ್ದಾರೆ.

ಇನ್ನೂ ಹಲವಾರು ವಿಶೇಷಗಳು ಎಲ್ಲರಿಗೂ ಕಾದಿದೆ ಎನ್ನುತ್ತಾರೆ ಕಾರ್ಯಕ್ರಮ ಆಯೋಜಿಸುತ್ತಿರುವ "ಸಂಚಯ" ತಂಡ.

ಸಂಚಯ ತಂತ್ರಜ್ಞಾನವನ್ನು ಜನಸಾಮಾನ್ಯನೆಡೆಗೆ ಸುಲಭವಾಗಿ ತರಲು ತೆರೆಯ ಹಿಂಬದಿಯಲ್ಲಿ ಇದುವರೆಗೆ ಕೆಲಸ ಮಾಡುತ್ತಿದ್ದು, 'ಅರಿವಿನ ಅಲೆಗಳು'- ತಂತ್ರಜ್ಞಾನ, ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶ ಸಂಭಂದಿತ ಕನ್ನಡದ ಮೊದಲ ಇ-ಪುಸ್ತಕವನ್ನು ೨೦೧೧ರ ಸ್ವಾತಂತ್ರೋತ್ಸವಕ್ಕೆ ಕನ್ನಡಿಗರಿಗಾಗಿ ಹೊರತಂದಿತ್ತು.

ಕನ್ನಡಕ್ಕೆ ಏನಾದರೂ ಮಾಡುತ್ತೇನೆ ಎಂದರೆ ಸಾಲದು, ಎದ್ದು ಕಾರ್ಯೋನ್ಮುಖರಾಗಿ ಎಂದು ಎಲ್ಲರಿಗೂ ಹುರಿದುಂಬಿಸುತ್ತಿರುವ ಕಾರ್ಯಕ್ರಮದಲ್ಲಿ ...

ಮಾಹಿತಿ ತಂತ್ರಜ್ಞಾನ ಮತ್ತು ಕನ್ನಡ - ಇಂದು ಮತ್ತು ಮುಂದು

2011-12-13T12:35:00.000+05:30

ಗಂಗಾವತಿಯಲ್ಲಿ ನೆಡೆದ ೭೮ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಆಧುನಿಕ ಜಗತ್ತು ಮತ್ತು ಕನ್ನಡ ಗೋಷ್ಠಿಯಲ್ಲಿ ನಾನು ಮಾಡಿದ ಭಾಷಣದ ಪ್ರತಿ ಇಲ್ಲಿದೆ. ನನ್ನ ಅನುಭವವನ್ನು ಮತ್ತೊಂದು ಬ್ಲಾಗ್ ಫೋಸ್ಟ್ ನಲ್ಲಿ ಹಂಚಿಕೊಳ್ಳುತ್ತೇನೆ.

೭೮ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ ೨೦೧೧ ಗಂಗಾವತಿ, ಕೊಪ್ಪಳ

ಗೋಷ್ಠಿ - ಆಧುನಿಕ ಜಗತ್ತು ಮತ್ತು ಕನ್ನಡ

ವಿಷಯ - ಮಾಹಿತಿ ತಂತ್ರಜ್ಞಾನ ಮತ್ತು ಕನ್ನಡ - ಇಂದು ಮತ್ತು ಮುಂದು

--- --

ನಮಸ್ಕಾರ ಗಂಗಾವತಿ. ಮಾಹಿತಿ ತಂತ್ರಜ್ಞಾನ ಮತ್ತು ಕನ್ನಡ - ಇಂದು ಮತ್ತು ಮುಂದು, ಈ ವಿಷಯವನ್ನು ಮಂಡಿಸುವ ಮುನ್ನ ಒಂದು ಸಣ್ಣ ರಿಯಾಲಿಟಿ ಚೆಕ್. ತಂತ್ರಜ್ಞಾನ ನಮಗೆಲ್ಲಿ ಅರ್ಥವಾಗುತ್ತದೆ ಎನ್ನುವಿರಾ? ಕನ್ನಡದಲ್ಲಿ ವಿಷಯವನ್ನು ಪ್ರಸ್ತಾಪಿಸಿದಲ್ಲಿ ರಾಕೆಟ್ ತಂತ್ರಜ್ಞಾನವನ್ನೂ ಕೂಡ ನೀವು ಅರ್ಥ ಮಾಡಿಕೊಳ್ಳಬಲ್ಲಿರಿ. ಆದ್ದರಿಂದ ಚಿಂತೆ ಬೇಡ. ನಮ್ಮಲ್ಲಿ ಎಷ್ಟು ಜನರ ಬಳಿ ಮೊಬೈಲ್ ಫೋನ್ ಇದೆ? ಅದರಲ್ಲಿ ಕನ್ನಡ ಬರುತ್ತಾ? ಕನ್ನಡದಲ್ಲಿ ಎಸ್.ಎಂ.ಎಸ್ ಬರುತ್ತಾ? ನೀವು ಕನ್ನಡದಲ್ಲಿ ಕಳಿಸಿದ ಎಸ್.ಎಂ.ಎಸ್ ಬೇರೆಯವರ ಮೊಬೈಲ್ ನಲ್ಲಿ ಓದ್ಲಿಕ್ಕಾಗುತ್ತಾ? ಹೌದು / ಇಲ್ಲ ಎಂಬ ಉತ್ತರ ನಮ್ಮದು.

ಮಾಹಿತಿ ತಂತ್ರಜ್ಞಾನ ನಮ್ಮೆಲ್ಲರ ಜೀವನಗಳಲ್ಲಿ ಇಂದು ಹಾಸು ಹೊಕ್ಕಾಗಿದೆ. ಕಿಸೆಯಲ್ಲಿ ಕೂರುವ ಆ ಮೊಬೈಲ್ ಫೋನ್ ಕೂಡ ಮಾಹಿತಿ ತಂತ್ರಜ್ಞಾನದ ಮಹಾಪೂರವನ್ನು ನಿಮ್ಮ ಬೆರಳಂಚುಗಳಲ್ಲಿ ಹರಿಸುವ ಶಕ್ತಿಯನ್ನು ಹೊಂದಿದೆ. ಆದರೆ ಅದರಲ್ಲಿ ಕನ್ನಡ ಒಂದು ಪ್ರಶ್ನೆ. ಮೊಬೈಲ್‌ಗಳಿಂದ ಹಿಡಿದು ಹತ್ತಾರು ವಿಷಯಗಳಲ್ಲಿನ ಶಿಷ್ಟತೆ/ಸ್ಟಾಂಡರ್ಡ್ಸ್ ನ ಕೊರತೆಯಿಂದಾಗಿ ತಂತ್ರಜ್ಞಾನದಲ್ಲಿ ಕನ್ನಡದ ಬಳಕೆಗೆ ಬಹಳಷ್ಟು ತೊಡಕುಗಳಿವೆ. ಆದರೂ, ಕನ್ನಡ ಮಾಹಿತಿ ತಂತ್ರಜ್ಞಾನದ ಸುತ್ತ ಬೆಳದಿದೆ. ನಿಮಗೆ ಈ ವಿಷಯಗಳನ್ನು ಸುಲಭವಾಗಿ ವಿವರಿಸಲು ಒಂದೆರಡು ಕಥೆಗಳನ್ನು ಹೇಳುತ್ತೇನೆ.

ನಮ್ಮೆಲ್ಲರ ಮೆಚ್ಚಿನ ಪೂಚಂತೇ (ಪೂರ್ಣ ಚಂದ್ರ ತೇಜಸ್ವಿಯವರು) ವರ್ಷಾನುವರ್ಷಗಳ ಹಿಂದೆಯೇ ಕಂಪ್ಯೂಟರ್ ಬಳಸುತ್ತಿದ್ದರಂತೆ. ನಾನು ಕಾಲೇಜು ಮೆಟ್ಟಿಲನ್ನು ಹತ್ತಿ ಕಂಪ್ಯೂಟರ್ ಮುಂದೆ ಕೂರುವುದರೊಳಗೆ ಅವರು ಬಳಸುತ್ತಿದ್ದ ವಿಂಡೋಸ್ ‌ ತಂತ್ರಾಂಶದ ಆವೃತ್ತಿ ಮ್ಯೂಸಿಯಂ ಪೀಸ್ ಆಗಿದ್ದರೂ, ನಮಗದು ಹೊಸದು. ದಿನ ಕಳೆಯುತ್ತಿದ್ದಂತೆ ಕಂಪ್ಯೂಟರ್ ದಿನನಿತ್ಯದ ಆಟಿಕೆಯಾಯಿತು. ಮುಂದೊಮ್ಮೆ ಇದರಲ್ಲಿ ಕನ್ನಡ ಬರುವುದಿಲ್ಲವೇ ಎಂಬ ಪ್ರಶ್ನೆ. ಕುತೂಹಲ. ಕಂಪ್ಯೂಟರ್ ನಮ್ಮ ಜೀವನಕ್ಕೆ ಅಣಿ ಇಟ್ಟ ಮೊದಲ ದಿನಗಳಲ್ಲೇ ಪೂಚಂತೇ ಕನ್ನಡ ಓದಲು ಬರೆಯಲು ಸಾಧ್ಯ, ಅದು ಹೇಗೆ, ಎತ್ತ ಎಂಬ ಹತ್ತಾರು ವಿಷಯಗಳ ಬಗ್ಗೆ ಅಭ್ಯಸಿಸಿದ್ದರು. ಅನೇಕರನ್ನು ಒಟ್ಟುಗೂಡಿಸಿ ಕನ್ನಡಕ್ಕೆ ಬೇಕಾದ ತಂತ್ರಜ್ಞಾನ, ತಂತ್ರಾಂಶ, ಫಾಂಟುಗಳು ಇತ್ಯಾದಿ ಕೆಲಸಗಳಿಗೆ ಮುನ್ನುಡಿ ಬರೆದರು. ಈಗ ವಿಂಡೋಸ್, ಲಿನಕ್ಸ್ ಜೊತೆಗೆ ಮೊಬೈಲ್ ನಲ್ಲೂ ಕನ್ನಡ ಓದುವ ಮತ್ತು ಬರೆಯುವ ಸಾಧ್ಯತೆಗಳಿವೆ. ಯುನಿಕೋಡ್‌ನ ಶಿಷ್ಟತೆಯನ್ನು ಬಳಸಿ ಕನ್ನಡದಲ್ಲಿ ವ್ಯವಹರಿಸಿದರೆ, ಎಲ್ಲರೂ ಕನ್ನಡದ ಸವಿಯನ್ನು ಸುಲಭವಾಗಿ ಸವಿಯಬಹುದು ಎಂಬುದನ್ನು ನಾವೂ, ಸರ್ಕಾರ ಇಬ್ಬರೂ ಅರಿತುಕೊಂಡಿದ್ದೇವೆ.

ಕಳೆದ ಕೆಲವು ವರ್ಷಗಳ ಕೆಳಗೆ ೭೮ ವರ್ಷದ ಯುವಕರೊಬ್ಬರು... ತಂತ್ರಜ್ಞಾನದ ಮೂಲಕ ಕನ್ನಡದ ಬಳಕೆಗೆ ಬಹಳ ಉತ್ಸುಕರಾಗಿ ಕೆಲಸ ಮಾಡುತ್ತಿರುವುದು, ನನ್ನ ಹಾಗೂ ನನ್ನ ಗೆಳೆಯರ ಕಣ್ಣಿಗೆ ಬಿತ್ತು. ಸರ್ಕಾರಿ ಕೆಲಸದಿಂದ ನಿವೃತ್ತಿಯ ಬಳಿಕ ಇವರಿಗೆ ತಮ್ಮ ಜೊತೆ ಕೆಲಸ ಮಾಡುತ್ತಿದ್ದ ಅನೇಕರ ಕಂಪ್ಯೂಟರೀಕರಣದ ದಿನಗಳ ನೆನಪು. ರಾಶಿ ರಾಶಿ ಕಡತಗಳನ್ನು ಕೀಲಿಮಣೆಯಿಂದ ದಿನವಿಡೀ ಕುಟ್ಟುತ್ತಿದ್ದ ಜನರ ಕೈ ಬೆರಳುಗಳ ನೋವು ನಿವಾರಿಸುವ ಬಗೆ ಹೇಗೆ ಎಂಬ ಪ್ರಶ್ನೆ ತಲೆಯಲ್ಲಿ ಮೂಡಿದ್ದರೂ, ಸುಮ್ಮನೆ ಕೂರಲಿಲ್ಲ. ಇಂಟರ್ನೆಟ್ ನ ಮೂಲಕ ತಮ್ಮ ಪ್ರಶ್ನೆಗೆ ಉತ್ತರ ಹುಡುಕಲು ಪ್ರಾರಂಭಿಸಿದರು. ಕಡತಗಳನ್ನು ಸ್ಕ್ಯಾನರ್ ಮೂಲಕ ಸ್ಕ್ಯಾನ್ ಮಾಡಿ ಕಂಪ್ಯೂಟರ್ ಗೆ ಅದು ರವಾನೆಯಾದ ನಂತರ, ಅವನ್ನು ನಮಗೆ ಬೇಕಾದ ರೂಪದಲ್ಲಿ ಕ್ರೂಡೀಕರಿಸಲು ಸಾಧ್ಯವೇ ಎಂಬ ಒಂದು ಸಣ್ಣ ಅಧ್ಯಯನವನ್ನು ಪ್ರಾರಂಭಿಸಿದರು. ೭೮ ವಯಸ್ಸು, ಹಲವು ಹೃದಯಾಘಾತ, ಕಣ್ಣಿಗೆ ಮತ್ತು ಕಿವಿಗೆ ಮುಪ್ಪಿನ ನಂಟು. ಆದರೂ ಪ್ರಶ್ನೆಗಳಿಗೆ ಉತ್ತರವನ್ನು ಹುಡುಕುವ ಛಲ. ಛಲಬಿಡದ ತಿವಿಕ್ರಮನಂತೆ ಕನ್ನಡಕ್ಕೆ ಓ.ಸಿ.‌ಆರ್ ಮಾಡಬಲ್ಲೆನೇ ಎಂಬ ಸಾಧ್ಯಾಸಾಧ್ಯತೆಗಳ ಜೊತೆ ಸೆಣೆಸಲಾರಾಂಭಿಸಿದರು. ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶದ ಅರಿವು ಮತ್ತು ಅದರ ಸುತ್ತಲಿನ ಸಮುದಾಯ ತನ್ನ ಆಸೆಯನ್ನು ನೆರವೇರಿಸಿಕೊಳ್ಳಲು ಸಹಾಯ ಮಾಡಬಲ್ಲದು ಎಂಬ ವಿಶ್ವಾಸವಿದ್ದ ಇವರನ್ನು ಕಂಡು ಮೊದಲ ಬಾರಿಗೆ ನಮಗೂ ಆಶ್ಚರ್ಯ, ಸಂತಸ ಹಾಗೆಯೇ ಒಳಗೊಳಗೇ ತುಸು ಬೇಸರ. ಕನ್ನಡದ ತಂತ್ರಜ್ಞಾನದ ಬೆಳವಣಿಗೆಗೆ ಮಾಡಬೇಕಿರುವುದು ಏನು ಎಂಬ ಉತ್ತರ ಇವರಲ್ಲಿತ್ತು. ವಯಸ್ಸಿನಲ್ಲಿ ಚಿಕ್ಕವರಾದರೂ ನಾವುಗಳು ಅವರಿಗೆ ಸಹಾಯ ಮಾಡಬಲ್ಲೆವು ಎಂದೆಣಿಸಿ ತಮ್ಮ ಅರಿವನ್ನು ಹಂಚಿಕೊಂಡಿದ್ದಲ್ಲದೇ, ನಮ್ಮಿಂದ ಆಗಬಹುದಾದ ಕಾರ್ಯಗಳನ್ನು ಕೂಲಂಕುಷವಾಗಿ ವಿವರಿಸಿ ಹೇಳಿದರು. ಎಲ್ಲ ಕನ್ನಡಿಗರಿಗೂ ಬೇಕಾದ ಕನ್ನಡ ಓ.ಸಿ.‌ಆರ್ (ನುಡಿ ಜಾಣ) ತಂತ್ರಜ್ಞಾನವನ್ನು ಸಂಪೂರ್ಣ ಕಾರ್ಯರೂಪಕ್ಕೆ ತರಲು ಏನೆಲ್ಲ ಮಾಡಬೇಕು, ಹೇಗೆ ಎಂಬುದನ್ನು ಚರ್ಚಿಸಿದರು. ಕೆಲಸದ ಒತ್ತಡದ ಮಧ್ಯೆ ನಾವುಗಳು ಈ ಯೋಜನೆಗೆ ನಮ್ಮ ಕೈಲಾದಷ್ಟು ತಾಂತ್ರಿಕ ವಿವರ, ಸಹಾಯಗಳನ್ನು ಹಂಚಿಕೊಳ್ಳಲು ಅನುವು ಮಾಡಿಕೊಟ್ಟರು.

ನಾನು ಈಗ ಹೇಳಿದ ಎರಡು ಕತೆಗಳು, ಕನ್ನಡ ಮತ್ತು ತಂತ್ರಜ್ಞಾನದ ಎರಡು ಮಜಲುಗಳನ್ನು ನಿಮ್ಮ ಮುಂದೆ ಇಡುತ್ತವೆ. ಪೂಚಂತೇ ಯವರ ಕಾಲದಿಂದಲೇ ಕನ್ನಡವನ್ನು ಓದಲು ಬರೆಯಲು ಸಾಧ್ಯವಾಯಿತು. ಇಂದು ನಾವು ಕನ್ನಡದಲ್ಲೇ ಕಂಪ್ಯೂಟರ್ ಮೂಲಕ ವ್ಯವಹರಿಸುವುದು ಸಾಧ್ಯವಿದೆ. ದೈನಂದಿನ ಕಾರ್ಯಚಟುವಟಿಕೆಗಳಲ್ಲಿ, ಇಂಟರ್ನೆಟ್ ಮೂಲಕ ಹರಟುವಾಗ, ಪತ್ರವ್ಯವಹಾರ ನೆಡೆಸುವಾಗ, ವಾಣಿಜ್ಯ, ಸರ್ಕಾರಿ ಹಾಗೂ ಇತರೆ ಕಾರ್ಯಚಟುವಟಿಕೆಗಳಲ್ಲಿ ಕನ್ನಡದ ಬಳಕೆ ಆಗುತ್ತಿದೆ. ಅನೇಕ ತಂತ್ರಾಂಶಗಳು ಕನ್ನಡಕ್ಕೆ ಲಿಪ್ಯಂತರವಾಗಿವೆ. ಫೈರ್‌ಫಾಕ್ಸ್, ಗೂಗಲ್ ಕ್ರೋಮ್, ಲಿಬ್ರೆ ಆಫೀಸ್, ಲಿನಕ್ಸ್ ನ ಕೆಲವು ತಂತ್ರಾಂಶಗಳು ಇತ್ಯಾದಿ ಕನ್ನಡದಲ್ಲಿ ಲಭ್ಯವಿವೆ. (translatation). ಕನ್ನಡವನ್ನು ಕಂಪ್ಯೂಟರ್‌ನಲ್ಲಿ ಬರೆಯಲು ಹತ್ತು ಹಲವಾರು ಸಾಧನಗಳು ಮತ್ತು ವಿಧಾನಗಳು ಪ್ರಸ್ತುತ. ಕನ್ನಡ ಮುದ್ರಣ ರಂಗದಲ್ಲಿ ಬೆಳದು ಬಂದ ದಾರಿ, ನಂತರ ಅದು ಕಂಪ್ಯೂಟರ್ ಅನ್ನು ಹೊಕ್ಕು ತನ್ನದೇ ಕೀಬೋರ್ಡ್ ಲೇಔಟ್ ಇತ್ಯಾದಿಗಳನ್ನು ಕೆ.ಪಿ ರಾವ್ ಅವರಿಂದ ಮೊದಲುಗೊಂಡು ಬಹುವಾಗಿ ಬೆಳದಿದೆ. ಕಂಪ್ಯೂಟರ್ ಅನ್ನು ಚಾಲೂ ಮಾಡಿದ ತಕ್ಷಣವೇ ಕನ್ನಡದಲ್ಲಿ ಪ್ರವೇಶ ಪದ ಕೇಳುವ ಸುಂದರ ಪರದೆ ನಿಮ್ಮ ಮುಂದೆ ಬರುತ್ತದೆ. ಕನ್ನಡದಲ್ಲಿ ಸಾವಿರಾರು ಬ್ಲಾಗುಗಳಿವೆ. ಗಂಗಾವತಿಗೆ ಬರುವ ಮುಂಚೆಯೇ ಇಲ್ಲಿ ನೆಡೆದಿರುವ ತಯಾರಿ ಇತ್ಯಾದಿಗಳನ್ನು ಕನ್ನಡದಲ್ಲಿ ಚಿತ್ರ ಸಮೇತ ಗಂಗಾವತಿಯ ಕನ್ನಡಿಗರೇ ಜಗತ್ತಿಗೆ ರವಾನಿಸಿದ್ದಾರೆ. ಕನ್ನಡ ವಿಕಿಪೀಡಿಯಾದಲ್ಲಿ ಕನ್ನಡಿಗರು ಕನ್ನಡಿಗರಿಗಾಗಿ ೧೧ ಸಾವಿರಕ್ಕೂ ಹೆಚ್ಚಿನ ಲೇಖನಗಳನ್ನು ಸಂಪಾದಿಸಿದ್ದಾರೆ. ಜನರೇ ಸಂಪಾದಿಸಿದ ಪದಕೋಶ ೧ಲಕ್ಷ ೫೦ ಸಾವಿರ ಪದಗಳನ್ನು ಹೊಂದಿದ್ದು ವಿಕಿಪೀಡಿಯಾದ ವಿಕ್ಷನರಿಯಲ್ಲಿ ಲಭ್ಯವಿದೆ. ಕನ್ನಡ ಪತ್ರಿಕೆಗಳು, ವಿದ್ವಾಂಸರು, ಸಿನಿಮಾ ನಟ/ನಟಿಯರು, ರಾಜಕಾರಣಿಗಳು, ಇಂಟರ್ನೆಟ್ ನಲ್ಲಿ ಸೋಶಿಯಲ್ ಮೀಡಿಯಾ ಬಳಸುವ ಇತರ ಕನ್ನಡಿಗರೊಂದಿಗೆ ಸೇರಿಕೊಂಡಿದ್ದು, ಕನ್ನಡವನ್ನು ಕನ್ನಡಿಗ ತಾನಿರುವಲ್ಲಿಯೇ ಅನುಭವಿಸುವಂತೆ ಮಾಡಿದ್ದಾರೆ. ಫೇಸ್‌ಬುಕ್, ಅರ್ಕುಟ್ , ಗೂಗಲ್ ಹೀಗೇ ಯಾವುದೇ ಪುಟವಿರಲಿ ಅವುಗಳನ್ನೆಲ್ಲ ಕನ್ನಡಕ್ಕೆ ತರಲೇ ಬೇಕು ಎಂದೆಣಿಸಿ ಕನ್ನಡದ ಕಂಪನ್ನು ಪಸರಿಸುವ ಬಳಗಗಳೂ ನಿಮಗೆ ಇಲ್ಲಿ ಸಿಗಬಹುದು.

ಆದರೆ, ಭಾಷೆ ಬೆಳೆದಂತೆ ತಂತ್ರಜ್ಞಾನದ ಬೆಳವಣಿಗೆ ಭಾಷೆಯ ಜೊತೆ ಬೆಳದಿಲ್ಲ ಎಂಬುದನ್ನು ಎರಡನೆಯ ಕತೆ ನಿಮ್ಮ ಮುಂದಿಡುತ್ತದೆ. ಸರ್ಕಾರಿ ನೌಕರನೊಬ್ಬ, ತನ್ನ ಕಚೇರಿಯಲ್ಲಿ ಸಹವರ್ತಿಗಳು ಪಡುತ್ತಿದ್ದ ಕಷ್ಟವನ್ನು ನಿವಾರಿಸಲು ತಾನೇ ಖುದ್ದಾಗಿ ಉತ್ತರ ಹುಡುಕಲು ಹೊರಟಿದ್ದೇಕೆ? ಮುಕ್ತ ಮತ್ತು ಸ್ವತಂತ್ರ ತಂತ್ರಾಂಶ, ಅದರ ಸುತ್ತಲಿನ ಸಮುದಾಯ ಇವೆಲ್ಲ ಏಕೆ? ಸರ್ಕಾರ ಇದರತ್ತ ಕಣ್ಣು ಹಾಯಿಸಿಲ್ಲವೇ? ಕನ್ನಡಕ್ಕೆ ಇಂತದೊಂದು ಬಹುಮುಖ್ಯ ತಂತ್ರಜ್ಞಾನ ಇಲ್ಲದಿರಲು ಕಾರಣವಾದರೂ ಏನು? ಇದನ್ನು ಅಭಿವೃದ್ಧಿ ಪಡಿಸಬಲ್ಲ ಯಾವುದೇ ಕಂಪೆನಿ, ದೇಶದ ಸಿಲಿಕಾನ್ ವ್ಯಾಲಿ ಬೆಂಗಳೂರಿನಲ್ಲಿಯೂ ಇಲ್ಲವೇ? ಸಮುದಾಯಕ್ಕೆ ಸಂಬಂಧಪಟ್ಟ ಯೋಜನೆಗಳಿಗೆ ಯಾರ ಮನವೊಲಿಸಬೇಕಾಗಿದೆ? ಭಾಷೆಯ ಬೆಳವಣಿಗೆಗೆ ಅದರ ಸುತ್ತಲಿನ ಪರಿಸರ, ಸಾಹಿತ್ಯ, ಸಂಸ್ಕೃತಿಯ ಜೊತೆಗೆ ತಂತ್ರಜ್ಞಾನದ ಬೆಳವಣಿಗೆಯೂ ಆಗಬೇಕಲ್ಲ? ವರ್ಷವರ್ಷ ಅದೆಷ್ಟೋ ಜನ ಇಂಜಿನಿಯರ್‌ಗಳನ್ನು ದೇಶಕ್ಕೆ ನೀಡುತ್ತಿರುವ ಕಾಲೇಜುಗಳಲ್ಲಿ ಇಂತದ್ದೊಂದು ಸಂಶೋದನೆಯನ್ನು ನೆಡೆಸುವ ಸಣ್ಣ ಯೋಚನೆ ಬರಲಿಲ್ಲವೇಕೆ? ಕನ್ನಡವನ್ನು ಕಂಪ್ಯೂಟರಿನಲ್ಲಿ ಓದಲು, ಬರೆಯಲು ಕಲಿತ ನಂತರ ನಿಮಗೂ ಇಂತಹ ಅನೇಕ ಸವಾಲುಗಳು ಕಾಡಬಹುದು ಮತ್ತು ಕಾಡಬೇಕು.

ಆದರೆ, ಅವುಗಳ ಅಭಿವೃದ್ಧಿಯ ಹಾದಿ, ಸಧ್ಯದ ಪರಿಸ್ಥಿತಿಯನ್ನು ಕಂಡರೆ ಹೆದರಿ ಓಡುವವರೇ ಜಾಸ್ತಿ. ಇಲ್ಲವಾದಲ್ಲಿ, ಅದನ್ನು ಮತ್ತೊಂದು ಪ್ರಯೋಗ ಶಾಲೆಯ ಶಿಶುವಾಗಿ, ಹಣ ಚೆಲ್ಲುವ ಕುದುರೆಯನ್ನಾಗಿ ಮಾಡುವವರೇ .

ಬಹಳಷ್ಟು ಪ್ರಶ್ನೆಗಳು ನಮ್ಮನ್ನು ಮತ್ತೆ ಮತ್ತೆ ಕಾಡುತ್ತವೆ. ಅದರ ಮಧ್ಯದಲ್ಲೇ ನಮ್ಮ ಕನ್ನಡ ತಂತ್ರಜ್ಞಾನದ ಹಾದಿಯಲ್ಲಿ ಮುನ್ನೆಡೆಯಲು ಹತ್ತಾರು ದಾರಿಗಳೂ ತೆರೆದುಕೊಳ್ಳುತ್ತಿವೆ. ಉತ್ತರಗಳೂ ಇವೆ. ಅದರ ಒಂದು ಉತ್ತರ ಸ್ವತ: ಕನ್ನಡಿಗರೇ ಆಗಿದ್ದಾರೆ. ಉದಾಹರಣೆಗೆ :

ಕನ್ನಡದಲ್ಲಿ ಇಂಟರ್ನೆಟ್ ಪುಟಗಳನ್ನು ಆಲಿಸಲಿಕ್ಕೆ ಸಾಧ್ಯವಾದದ್ದು ಶಿವಮೊಗ್ಗದ ತಜ್ಞ ಶ್ರೀಧರ್ ಅವರಿಂದ. ತಮ್ಮ ಅಂಧತ್ವಕ್ಕೆ ಉತ್ತರ ಹುಡುಕಿಕೊಳ್ಳಲು ಹೊರಟು, ಸಫಲರಾಗಿ ತಮ್ಮ ಫಲಶ್ರುತಿಯನ್ನು GPL ಲೈಸೆನ್ಸಿನಡಿ ಬಿಡುಗಡೆ ಮಾಡಿರುವುದು ಇತ್ತೀಚಿನವಿಶ್ವ ಕನ್ನಡ ಸಮ್ಮೇಳನದ ಸಮಯದಲ್ಲಿ ಬೆಳಕಿಗೆ ಬಂತು. ಅದನ್ನೇ ಈಗ ಕರ್ನಾಟಕ ಸರ್ಕಾರದ ಕಣಜ ಯೋಜನೆಯಲ್ಲಿ ಬಳಸಿಕೊಂಡಿರುವುದು. ಇಂತದ್ದೊಂದು ತಂತ್ರಜ್ಞಾನದ ಸಂಶೋಧನೆ ಕನ್ನಡಕ್ಕಾಗಿ ೨೦೦೨ರ
ಆಸುಪಾಸಿನಲ್ಲೇ ನೆಡೆದರೂ, ಅದರ ಫಲಶ್ರುತಿಯನ್ನು ಇದುವರೆಗೂ ನಾವು ಪಡೆಯದಿದ್ದದ್ದು ಕನ್ನಡದ ದುರಾದೃಷ್ಟವೇ ಸರಿ.

ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶಗಳು ಜನರ ಬೇಡಿಕೆಗೆ ಅನುಗುಣವಾಗಿ, ಜನರಿಂದಲೇ ಜನರಿಗಾಗಿ ಅಭಿವೃದ್ಧಿ ಪಡಿಸಲಾದಂತಹವು. ಪರಿಣಿತರ ತಂಡಗಳು ತಂಡೋಪತಂಡವಾಗಿ, ಸಮುದಾಯದ ಮುಖೇನ ಇಂತಹ ಯೋಜನೆಗಳನ್ನು ಕೈಗೆತ್ತಿಕೊಳ್ಳುತ್ತಾರೆ. ಇಂತಹ ಯೋಜನೆಗಳ ಫಲಿತಾಂಶಗಳು ಸಮುದಾಯಕ್ಕೆ ಯಾವಾಗಲೂ ದೊರೆಯಲಿ ಎಂಬ ಉದ್ದೇಶದಿಂದ ಅವುಗಳನ್ನು ಜನರಲ್ ಪಬ್ಲಿಕ್ ಲೈಸೆನ್ಸ್ (GPL) ಪರವಾನಗಿಯಡಿ ಬಿಡುಗಡೆ ಮಾಡಲಾಗುತ್ತದೆ. ಈ ತಂತ್ರಾಂಶಗಳನ್ನು ಉಚಿತವಾಗಿ ಪಡೆಯಬಹುದಾದ್ದರಿಂದ ನಮಗೆ ತಂತ್ರಾಂಶ ಪೈರಸಿಯ ಭೂತದಿಂದ ದೂರ ಇರಲು ಸಾಧ್ಯವಾಗುತ್ತದೆ. ಇಲ್ಲವಾದಲ್ಲಿ ಸಂಕಷ್ಟಕ್ಕೆ ಸಿಲುಕುವ ಸಾಧ್ಯತೆಗಳಿವೆ. ಈ ಕತೆ ಕೇಳಿ.

ಮೊನ್ನೆ ಮೈಸೂರಿನ ಕೆಲವು ಡಿ.ಟಿ.ಪಿ ಕೇಂದ್ರಗಳ ಮೇಲೆ ಐ.ಟಿ ಕಂಪೆನಿಗಳ ದಾಳಿ ನೆಡೆಯಿತು. ಪುಸ್ತಕ, ಛಾಯಾಚಿತ್ರಗಳ ಸಂಸ್ಕರಣೆ ಮತ್ತು ಪರಿಷ್ಕರಣೆಗೆ ಬೇಕಾದ ತಂತ್ರಾಂಶಗಳನ್ನು ಪರವಾನಗಿ ಪಡೆಯದೆ ಬಳಸುತ್ತಿದ್ದುದ್ದು ಈ ದಾಳಿಗೆ ಮುಖ್ಯ ಕಾರಣ.

ಡಿ.ಟಿ.ಪಿ/ಮುದ್ರಣ ವ್ಯವಸ್ಥೆಗೆ ಬೇಕಾದ ತಂತ್ರಜ್ಞಾನ ಕೆಲವೊಮ್ಮೆ ಲಕ್ಷಾಂತರ ರೂಪಾಯಿ ಬಂಡವಾಳವನ್ನು ಬಯಸುತ್ತದೆ. ಕೇವಲ ಸಾವಿರಗಳಲ್ಲಿ ದೊರೆಯುವ ಆಪರೇಟಿಂಗ್ ಸಿಸ್ಟಂಗಳನ್ನೇ ಕೊಳ್ಳಲು ಹಿಂಜರಿದು ಪೈರಸಿಯ ಮೊರೆ ಹೋಗುವ ನಾವುಗಳು, ಲಕ್ಷಾಂತರ ರೂಪಾಯಿ ಕೊಟ್ಟು ಫೋಟೊಶಾಪ್, ಕೋರಲ್ ಡ್ರಾ ನಂತಹ ತಂತ್ರಾಂಶಗಳನ್ನು ಕೊಳ್ಳುತ್ತಿದ್ದೇವೆಯೇ? ಇಲ್ಲ . ಹಾಗಿದ್ದಲ್ಲಿ ಇವುಗಳಿಗೆ ಪರ್ಯಾಯ ತಂತ್ರಾಂಶಗಳು ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶಗಳು. ಅವುಗಳ ಸ್ಥಿತಿಯೂ ಆಷ್ಟೇನೂ ಚೆನ್ನಾಗಿಲ್ಲ. ಗಿಂಪ್, ಇಂಕ್‌ಸ್ಪೇಸ್ , ಲಿಬ್ರೆ ಅಥವಾ ಓಪನ್ ಆಫೀಸ್‌ಗಳಲ್ಲಿ ಕನ್ನಡವನ್ನು ಬಳಸಬಹುದಾದರೂ ಡಿ.ಟಿ.ಪಿಗೆ ಬೇಕಾದ ಸ್ಕ್ರೈಬಸ್ ಎಂಬ ತಂತ್ರಾಂಶದಲ್ಲಿ ಕನ್ನಡ ಬಳಸಲಿಕ್ಕೆ ಸಾಧ್ಯವಿಲ್ಲ. ಹೀಗೆ ಪಟ್ಟಿ ಮಾಡುತ್ತಾ ಹೋದಲ್ಲಿ ಕನ್ನಡಿಗ ತನ್ನ ದಿನನಿತ್ಯದ ಕೆಲಸಗಳಿಗೆ ಬಳಸಲು ಬೇಕಿರುವ ತಂತ್ರಜ್ಞಾನದ ಮತ್ತು ತಂತ್ರಾಂಶಗಳ ದೊಡ್ಡ ಪಟ್ಟಿಯೇ ನಮ್ಮ ಮುಂದೆ ಬರುತ್ತದೆ.

ಕನ್ನಡ ಡಿಕ್ಷನರಿ - ಸ್ಪೆಲ್‌ಚೆಕ್ - ಗ್ರಾಮರ್ ಚೆಕ್ - ಟೆಕ್ಸ್ ಟು ಸ್ಪೀಚ್ - ಸ್ಪೀಚ್ ಟು ಟೆಕ್ಸ್ಟ್ (ವ್ಯಾಕರಣ ಸಂಸ್ಕರಣೆಗೆ ಸಂಬಂಧಪಟ್ಟ ತಂತ್ರಾಂಶಗಳು) - ಭಾಷೆಗೆ ಇವು ಬಹುಮುಖ್ಯ. ಲಕ್ಷಾಂತರ ಪದಗಳ ಭಂಡಾರ ನಮ್ಮ ಕನ್ನಡ. ಅವುಗಳ ಉಪಯೋಗವಾಗಬೇಕಾದ್ದು ದೈನಂದಿನ ಬದುಕಿನಲ್ಲಿ. ಕನ್ನಡಿಗ ಟೈಪಿಸುವಾಗ. ಇಂದಿನ ದಿನದಲ್ಲಿ ಕಂಪ್ಯೂಟರ್ ನಲ್ಲಿ ವ್ಯವಹರಿಸುವ ಕನ್ನಡಿಗ, ಕನ್ನಡವನ್ನು ಮರೆಯದಿರುವಂತೆ ಮಾಡಲು ಕನ್ನಡ ನಿಘಂಟು, ಪದಗಳು ಮತ್ತು ವಾಕ್ಯಗಳನ್ನು ಪರೀಕ್ಷಿಸುವ ತಂತ್ರಜ್ಞಾನ, ಸುಲಭವಾಗಿ ಯಾರು ಬೇಕಾದರೂ ಕನ್ನಡ ಓದಲು ಮತ್ತು ಬರೆಯಲು - ಸಾಧ್ಯವಾಗಿಸುವ ತಂತ್ರಾಂಶಗಳು ಕಂಪ್ಯೂಟರಿನಲ್ಲಿ ಇರಬೇಕಿದೆ. ಇವುಗಳನ್ನು ಅಭಿವೃದ್ಧಿಪಡಿಸುವ ಕೆಲಸ ನಮ್ಮಿಂದ ಸಾಧ್ಯ. ಕನ್ನಡಿಗರ ಸಮುದಾಯ ಅನೇಕ ಗುಂಪುಗಳು, ಬಣಗಳು ಇತ್ಯಾದಿಯಾಗಿ ಒಡೆದಿದೆ. ಎಲ್ಲರಿಗೂ ಕನ್ನಡದ ಮೇಲೆ ಪ್ರೀತಿಯೇ. ಆದರೆ ತಂತ್ರಜ್ಞಾನದ ಮಟ್ಟಿಗೆ ಕನ್ನಡ ಬೆಳೆಯದಿದ್ದರೆ, ಮುಂದೊಂದು ದಿನ ಕನ್ನಡವನ್ನು ಮರೆಯ ಬೇಕಾದೀತು.

ನ್ಯಾಚುರಲ್ ಲ್ಯಾಂಗ್ವೇಜ್ ಪ್ರಾಸೆಸಿಂಗ್ - ಅಂದರೆ ಸಹಜ ಭಾಷಾ ಪರಿಷರಣೆಯ ತಂತ್ರಜ್ಞಾನ ಅಭಿವೃದ್ಧಿ ಗೊಂಡಲ್ಲಿ ಮೇಲೆ ಹೇಳಿದ ಓ.ಸಿ.ಆರ್, ಕೈ ಲಿಪಿ ಪರಿಶೋಧಕ, ವ್ಯಾಕರಣದ ತಂತ್ರಾಂಶಗಳು ಇತ್ಯಾದಿಗಳು ನಮ್ಮೆದುರಿಗೆ ಬರುತ್ತವೆ.

ನಮ್ಮಲ್ಲಿ ಅದೆಷ್ಟೋ ಸಾಫ್ಟ್ವೇರ್ ಕಂಪೆನಿಗಳಿವೆ. ಅದರಲ್ಲಿ ಅದೆಷ್ಟೋ ಕಂಪೆನಿಗಳು ಕನ್ನಡಿಗರದ್ದೇ. ಅಲ್ಲಿ ಕೆಲಸ ಮಾಡುವ ಕನ್ನಡಿಗರ ಸಂಖ್ಯೆಯೂ ಬಹಳವಿದೆ. ಜೊತೆಗೆ, ಎಂಜಿನಿಯರಿಂಗ್, ಸ್ನಾತಕೋತ್ತರ ಪದವಿ, ಕಲೆ, ಸಾಹಿತ್ಯ, ಭಾಷೆ, ಇತಿಹಾಸ ಹೀಗೆ ವೈವಿಧ್ಯಮಯ ವಿಷಯಗಳ ಬಗ್ಗೆ ಅಧ್ಯಯನ ನೆಡೆಸುತ್ತಿರುವ ಲಕ್ಷಾಂತರ ಮಂದಿ ವಿದ್ಯಾರ್ಥಿಗಳಿದ್ದಾರೆ. ಎಲ್ಲರೂ ತಿಂಗಳಿಗೊಮ್ಮೆ ಒಂದೆರಡು ತಾಸು ಕನ್ನಡಕ್ಕೆ ಸಮಯ ನೀಡಬಹುದಲ್ಲವೇ? ನೀಡಿದಲ್ಲಿ ವಿಶ್ವದಲ್ಲೇ ಅತಿದೊಡ್ಡ ಸಮುದಾಯದ ಶಕ್ತಿ ಕನ್ನಡ ಭಾಷೆಯ ತಾಂತ್ರಿಕ ಬೆಳವಣಿಗೆಗೆ ನಿಂತತಾಗುತ್ತದೆ.

ನಮ್ಮೆಲ್ಲರ ಹೆಮ್ಮೆಯ ಸಾಹಿತಿಗಳು, ಲೇಖಕರು, ಭಾಷಾ ತಂತ್ರಜ್ಞರು, ಅಧ್ಯಾಪಕರು ಮತ್ತು ಪುಸ್ತಕ ಪ್ರೇಮಿಗಳ ಸಮುದಾಯ ಕಂಪ್ಯೂಟರೀಕೃತ ಡಿಕ್ಷನರಿ ಇತ್ಯಾದಿಗಳಲ್ಲಿ ತಮ್ಮನ್ನು ತಾವೇ ಸ್ವಇಚ್ಚೆಯಿಂದ, ನಿಸ್ವಾರ್ಥಸೇವೆಗೆ ತೊಡಗಿರುವ ಕನ್ನಡಿಗರಿಗೆ ೧.೫೦ ಲಕ್ಷ ಪದಗಳ ದೊಡ್ಡ ಕೋಶವನ್ನೇ ಹೊಂದಿರುವ ವಿಕ್ಷನರಿ (ವಿಕಿಪೀಡಿಯಾದ ಮತ್ತೊಂದು ಯೋಜನೆ ), ವ್ಯಾಕರಣ ಸಂಬಂಧಿತ ತಂತ್ರಾಂಶ ಯೋಜನೆಗಳಲ್ಲಿ ತಂತ್ರಜ್ಞಾನ ತಿಳಿದ ಯುವಜನಾಂಗದ ಜೊತೆಗೆ ಬೆರೆತು ಸಹಕರಿಸಬಹುದು. ಇತ್ತೀಚೆಗೆ ಗೂಗಲ್ ತನ್ನ ವೆಬ್‌ಸೈಟ್ ನಲ್ಲಿ ಬಿಡುಗಡೆಗೊಳಿಸಿದ ಕನ್ನಡ ಟ್ರಾನ್ಸ್ಲೇಷನ್ ‌ನಲ್ಲಿ ಕಂಡುಬರುತ್ತಿದ್ದ ತೊಂದರೆಗಳನ್ನು ತಪ್ಪಿಸಲು, ನಾವೆಲ್ಲ ಒಟ್ಟಿಗೆ ಕೂತು ಅಭಿವೃದ್ಧಿ ಪಡಿಸಬಹುದಾದ ತಂತ್ರಾಂಶ, ಪದಗುಚ್ಛಗಳು ಇತ್ಯಾದಿಗಳನ್ನು ಬಹುರಾಷ್ಟ್ರೀಯ ಕಂಪೆನಿಗಳಿಗೆ ಒಂದೆಡೆ ಅಧಿಕೃತವಾಗಿ ಸಿಗುವಂತೆ ಮಾಡುವ ಮೂಲಕ ಎಲ್ಲರೂ ಮತ್ತೆ ಮತ್ತೆ ಅದೇ ಅಭಿವೃದ್ಧಿಕಾರ್ಯಗಳನ್ನು ಮಾಡುವುದನ್ನು ತಡೆದು ಮುಂದೆ ಹೆಜ್ಜೆ ಇಡುವಂತೆ ಮಾಡಲು ಸಹಕಾರಿಯಾಗುತ್ತದೆ.

ಕನ್ನಡ ನಾಡಿನ ಸರ್ಕಾರಿ, ಸರ್ಕಾರೇತರ ಸಂಘ ಸಂಸ್ಥೆಗಳಲ್ಲಿ ಕನ್ನಡ ಬಳಕೆ - ತಂತ್ರಜ್ಞಾನದ ಅವಶ್ಯಕತೆ ಎಲ್ಲರಿಗೂ ಇದ್ದದ್ದೇ. ಕರ್ನಾಟಕದ ಸಂಘ ಸಂಸ್ಥೆಗಳು ತಮಗೆ ಬೇಕಿರುವ ತಂತ್ರಜ್ಞಾನ ಮತ್ತು ತಂತ್ರಾಂಶಗಳ ಬೇಡಿಕೆಯನ್ನು ಪೂರೈಸುವ ಕಂಪೆನಿಗಳಿಗೆ ಆಡಳಿತ ಭಾಷೆ ಕನ್ನಡದಲ್ಲೇ ಅವು ಕೆಲಸ ಮಾಡಬೇಕು ಎಂದು ಆಗ್ರಹಿಸಬಹುದು. ಅಥವಾ ಶಾಲೆ, ಕಾಲೇಜು, ವಿಶ್ವವಿದ್ಯಾನಿಲಯಗಳ ಮಟ್ಟದಲ್ಲಿ, ಕನ್ನಡ ಭಾಷೆಗೆ ಬೇಕಿರುವ ತಂತ್ರಜ್ಞಾನ ಮತ್ತು ತಂತ್ರಾಂಶಗಳ ಅಭಿವೃದ್ಧಿಗೆ ಸ್ಪರ್ಧೆಗಳನ್ನು ಆಯೋಜಿಸಿ ಎಂ. ಐ.ಟಿ , ಹಾರ್ವರ್ಡ್ , ಸ್ಟಾಂಡ್‌ಫೋರ್ಡ್ ಇತ್ಯಾದಿ ವಿದೇಶೀ ವಿಶ್ವವಿದ್ಯಾನಿಲಯಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗಿರುವ ಸ್ಪರ್ಧಾಥ್ಮಕ ಜಗತ್ತನ್ನು ಸೃಷ್ಟಿಸಬಹುದು. ಇದರಿಂದ ಉಪಯೋಗ ಕನ್ನಡಿಗರಿಗೇ. ನಮ್ಮ ನೆಲದಲ್ಲೇ ಅತ್ಯಾಧುನಿಕ ತಂತ್ರಜ್ಞಾನ ಸೃಷ್ಟಿಗೆ ನಾವುಗಳೇ ಕಾರಣರಾಗುತ್ತೇವೆ. ನಮ್ಮಲ್ಲೂ ಗೂಗಲ್, ಆಫಲ್, ಮೈಕ್ರೋಸಾಫ್ಟ್ ನಂತಹ ಧೈತ್ಯ ಕಂಪೆನಿಗಳು ಮಾಡುತ್ತಿರುವ 'ಇನೋವೇಷನ್'ಗಳನ್ನೂ ನಾಚಿಸುವ ಆವಿಷ್ಕಾರಗಳನ್ನು ಹುಟ್ಟುಹಾಕುವ ಉದ್ಯಮಿಗಳು ಮುಂದೆಬರಬಹುದು. ಕರ್ನಾಟಕದ ಕನ್ನಡ ಜನತೆಗೆ ಹೆಚ್ಚಿನ ಉದ್ಯೋಗಾವಕಾಶ, ಕನ್ನಡದ ನೆಲದಲ್ಲಿ ಸಾಫ್ಟ್ವೇರ್ ತಂತ್ರಜ್ಞಾನ ಅಭಿವೃದ್ಧಿಗೆ ಇಳಿಯುವ ಕಂಪೆನಿಗಳಿಗೆ ಇಲ್ಲಿನ ನೆಲ ಜಲದ ಜೊತೆಗೆ ಭಾಷೆಯ ಬಗೆಗೂ ಸ್ವಲ್ಪ ಅಭಿಮಾನ ಬೆಳೆಸಿಕೊಳ್ಳುವ ವಾತಾವರಣ ಇದರಿಂದ ಸೃಷ್ಟಿಯಾಗಲಿದೆ.

ಯಾವುದೇ ಸರ್ಕಾರಿ ಹಾಗೂ ಸರ್ಕಾರೇತರ ಸಂಘಸಂಸ್ಥೆಗಳು, ಶಾಲಾ ಕಾಲೇಜುಗಳು, ವಿಶ್ವವಿದ್ಯಾನಿಲಯಗಳು ತಮಗೆ ಬೇಕಿರುವ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ಸ್ವಾವಲಂಬನೆಯನ್ನು ಕೂಡಾ ಹೊಂದಬಹುದು. ಕೇರಳದ ರಾಜ್ಯ ವಿದ್ಯುತ್ ನಿಗಮ ತನ್ನ ಕಾರ್ಯಚಟುವಟಿಕೆಗಳಿಗೆ ಬೇಕಾದ ತಂತ್ರಾಂಶವನ್ನು ೨೦೦೬ರಲ್ಲೇ ತನ್ನದೇ ತಾಂತ್ರಿಕ ವರ್ಗದಿಂದ ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶಗಳನ್ನು ಬಳಸಿಕೊಡು ಅಭಿವೃದ್ಧಿ ಪಡಿಸಿಕೊಂಡಿದೆ. ಕೇವಲ ೩೦ ಸಾವಿರಗಳನ್ನು ವ್ಯಯಿಸಿ ತನ್ನೆಲ್ಲ ಸಿಬ್ಬಂದಿಯನ್ನು ತರಬೇತುಗೊಳಿಸಿ, ಖಜಾನೆಯಿಂದ ತಂತ್ರಜ್ಞಾನ ಖರೀದಿಗೆ ಹರಿದು ಹೋಗಬಹುದಾಗಿದ್ದ ಕೋಟ್ಯಾಂತರ ರೂಪಾಯಿಗಳನ್ನು ಉಳಿಸಿಕೊಂಡಿದೆ. ಇದಕ್ಕಿಂತಲೂ ಹೆಚ್ಚಾಗಿ ೭-೮ ಕೋಟಿ ರೂಪಾಯಿಗಳ ಉಳಿತಾಯ ಕೇವಲ ಮುಕ್ತ ಮತ್ತು ಸ್ವತಂತ್ರ ತಂತ್ರಾಂಶಗಳನ್ನು ಬಳಸುವುದರಿಂದಲೇ ವಿದ್ಯುತ್ ನಿಗಮಕ್ಕೆ ಆಗುತ್ತಿದೆ. ನಷ್ಟದ ಲೆಕ್ಕಾಚಾರವನ್ನು ತೋರಿಸುವ ನಮ್ಮ ಕೆಲ ಸಂಘ ಸಂಸ್ಥೆಗಳು ಇದನ್ನು ಉದಾಹರಣೆಯನ್ನಾಗಿ ತೆಗೆದುಕೊಂಡು, ಕನ್ನಡದ ತಾಂತ್ರಿಕ ವರ್ಗಕ್ಕೆ ಹೊಸ ಸ್ತರದ ಕೆಲಸವನ್ನು ವಹಿಸುವುದರ ಜೊತೆಗೆ ಕೋಟ್ಯಾಂತರ ರೂಪಾಯಿ ಹಣದ ಪೋಲನ್ನು ತಡೆಯಬಹುದು.

ಸರ್ಕಾರವೂ ಕನ್ನಡ ಜನತೆ ಕನ್ನ್ನಡದಲ್ಲೇ ಬಳಸ ಬಹುದಾದಂತಹ ತಂತ್ರಾಂಶಗಳನ್ನು ಅಭಿವೃದ್ಧಿ ಪಡಿಸಲು, ಯುನಿಕೋಡ್ ಶಿಷ್ಟತೆಯನ್ನು ಅಳವಡಿಸಲು ಕನ್ನಡಿಗರ ಪರವಾಗಿ ಸುತ್ತೋಲೆಯನ್ನು ಹೊರಡಿಸುವುದರ ಮೂಲಕ ಮೈಕ್ರೋಸಾಫ್ಟ್ ಹಾಗೂ ಇತರೆ ಬಹುರಾಷ್ಟ್ರೀಯ ಸಂಸ್ಥೆಗಳು ಕನ್ನಡದಲ್ಲಿನ ತಾಂತ್ರಿಕ ದೋಷಗಳನ್ನು ಸರಿಪಡಿಸುವ ಒತ್ತಡ ಹೇರಲು ಸಾಧ್ಯವಿದೆ. ಈಗಾಗಲೇ ಖರೀದಿಸಿರುವ ತಂತ್ರಾಂಶಗಳಿಗೂ ಇದು ಅನ್ವಯವಾಗುವಂತೆ ಮಾಡಬಹುದು. ವೆಬ್, ಮೊಬೈಲ್, ನೆಟ್ ಬುಕ್, ಟಚ್‌ಪ್ಯಾಡ್ ಹೀಗೆ ದಿನೇ ದಿನೇ ಬದಲಾಗುತ್ತಿರುವ ತಂತ್ರಜ್ಞಾನಗಳಲ್ಲಿ ಒಮ್ಮತದ ಶಿಷ್ಟತೆಗಳನ್ನು / ಏಕರೂಪತೆಗಳನ್ನು ತರಲು ಸಮುದಾಯ ಹಾಗೂ ಪರಿಣಿತರ ಸಂಘಟನೆಗೆ ಮುಂದಾಗ ಬೇಕು , ಸ್ವಾಯತ್ತ ಸಮಿತಿಯ ರಚನೆಯಾಗಬೇಕು. ಇದು ವರ್ಷಾನು ವರ್ಷಗಳಿಂದ ಮುಂದು ಕಾಡುತ್ತಿರುವ ಯುನಿಕೋಡ್, ಮೊಬೈಲ್ ಹಾಗು ವೆಬ್ ನಲ್ಲಿನ ತೊಂದರೆ ಇತ್ಯಾದಿಗಳ ಶೀಘ್ರ ಪರಿಶೀಲನೆ ಮತ್ತು ಪರಿಹಾರಕ್ಕೆ ಮುಂದಾಗಲು ಸಹಾಯಕವಾಗುತ್ತದೆ. ಸರ್ಕಾರೀ ವೆಬ್‌ಸೈಟ್ ಗಳು ಯುನಿಕೋಡ್ ನಲ್ಲಿ ಬಂದರೆ ಸುಲಭವಾಗಿ ಅದು ಜನರನ್ನು ತಲುಪಲಿದೆ.

ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶ (ಓಪನ್ ಸೋರ್ಸ್) ತಂತ್ರಾಂಶಗಳ ಬಳಕೆಗೆ ಉತ್ತೇಜನ ನೀಡುವುದಲ್ಲದೆ. ಪ್ರಾಯೋಗಿಕ ಬಳಕೆಗೆ ಮತ್ತು ಕಲಿಕೆಗೆ ಮುನ್ನುಡಿ ಬರೆಯಬೇಕು. ಈ ಕೆಲಸಗಳು ಕನ್ನಡಿಗರ ಸಮುದಾಯಗಳನ್ನು ಒಳಗೊಂಡರೆ, ಸರ್ಕಾರದ ಕಾರ್ಯಗಳು ಸುಲಭವಾಗಿ, ವೇಗವಾಗಿ ನೆರವೇರುವ ಸಾಧ್ಯತೆಗಳಿವೆ. ಸಮುದಾಯ ಮಟ್ಟದಲ್ಲಿ ಕನ್ನಡ ನಾಡು, ನುಡಿಗೆ ಕೆಲಸಮಾಡುವವರ ಜೊತೆಗೆ ತಂತ್ರಜ್ಞಾನದ ಮೇಲೆಯೂ ಆಸಕ್ತಿವಹಿಸಿ ಕೆಲಸ ಮಾಡುವವರಿಗೆ ಮತ್ತು ಅಂತಹ ಸಮುದಾಯಗಳನ್ನು ಗುರುತಿಸಿ ತಂತ್ರಜ್ಞಾನ ಅಭಿವೃದ್ಧಿಗೆ ಬೇಕಾದ ಸಹಾಯ ಹಸ್ತ ಚಾಚುವುದು. ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶಗಳ ಅಳವಡಿಕೆ ಮತ್ತು ತಂತ್ರಾಂಶ ಅಭಿವೃದ್ಧಿಯನ್ನು ರೂಢಿಸಿಕೊಳ್ಳುವುದರಿಂದ ಜನ ಸಮುದಾಯಗಳನ್ನು ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ಭಾಗವಹಿಸುವಂತೆ ಮಾಡಬಹುದು. ಈ ಮೂಲಕ ಯುವಕರನ್ನು ಕನ್ನಡಕ್ಕೆ ಮಾಹಿತಿ ತಂತ್ರಜ್ಞಾನದ ಮೂಲಕ ಸೇವೆಸಲ್ಲಿಸಲು ಹುರಿದುಂಬಿಸಬಹುದು. ಹಳೆಯ, ಮತ್ತು ಇನ್ಮುಂದೆ ಉಪಯೋಗಕ್ಕೆ ಬಾರದ ತಂತ್ರಜ್ಞಾನಗಳ ಬಳಕೆಯನ್ನು ಕಾಲಕಾಲಕ್ಕೆ ತಡೆಗಟ್ಟಿ, ಅತ್ಯಾಧುನಿಕ ಮತ್ತು ಸುರಕ್ಷಿತ ತಂತ್ರಜ್ಞಾನಗಳನ್ನು ಆಡಳಿತದಲ್ಲಿ ಬಳಸಿಕೊಳ್ಳಲು ಕೂಡ ಸಮುದಾಯದೊಡಗಿನ ಬಾಂಧವ್ಯ ಸರ್ಕಾರಕ್ಕೆ ನೆರವಾಗಲಿದೆ.

ಜೊತೆಗೆ ಇತ್ತೀಚೆಗೆ ICAAN ತರಲಿಚ್ಚಿಸುತ್ತಿರುವ ಇಂಟರ್ನ್ಯಾಷನಲ್ ಡೊಮೈನ್ ನೇಮ್ (IDN) ನಲ್ಲಿ ಕನ್ನಡವಿಲ್ಲ. ಭಾರತೀಯ ಭಾಷೆಗಳ ಡೊಮೈನ್ ಹೆಸರುಗಳನ್ನು ಹೊರತರುವ ಮೊದಲ ಪಟ್ಟಿಯಲ್ಲಿ ಕನ್ನಡವಿದ್ದು, ನಂತರದ ಪಟ್ಟಿಗಳಲ್ಲಿ ಕನ್ನಡವನ್ನು ಕೈ ಬಿಡಲಾಗಿದೆ. ಕನ್ನಡ ತಂತ್ರಜ್ಞಾನ, ಭಾಷೆ ಇತ್ಯಾದಿಗಳ ಅಭಿವೃದ್ಧಿಗೆ ಎಲ್ಲ ಸಂಘಸಂಸ್ಥೆಗಳು ಒಟ್ಟಾಗಿ ಕೆಲಸ ಮಾಡುವಂತಿದ್ದಿದ್ದರೆ, ಇಂತಹ ಒಂದು ಅಚಾತುರ್ಯವನ್ನು ಮೊದಲ ಹಂತದಲ್ಲೇ ತಪ್ಪಿಸಬಹುದಿತ್ತೇನೋ.

ಕಮ್ಯೂನಿಟಿ ಪಾರ್ಟಿಸಿಪೇಷನ್ / ಸಮುದಾಯ ಸಹಭಾಗಿತ್ವ , ನಮಗೆ ಬೇಕಿರುವ ಸಾಫ್ಟವೇರ್ ನಾವೇ ಸೃಷ್ಟಿಸಿಕೊಳ್ಳುವುದು , ಅದನ್ನು ನಮ್ಮದೇ ಉದ್ಯೋಗಗಳಿಗೆ ಬಳಸಿಕೊಳ್ಳುವುದು, ಟೆಕ್ನಾಲಜಿಯನ್ನು ಬೆಳಸಿ ದೊಡ್ಡ ಕಂಪೆನಿಗಳಿಗೆ ಅದನ್ನು ಕನ್ನಡದ ನೆಲದಿಂದಲೇ ಕೊಡುವಂತೆ ಮಾಡುವುದು. ಜಿ.ಪಿ.ಎಲ್ ಲೈಸೆನ್ಸ್ ಮೂಲಕ ಕನ್ನಡಿಗರ ತಂತ್ರಜ್ಞಾನವನ್ನು ಕನ್ನಡಿಗರ ಕೈ ನಲ್ಲೇ ಇರುವಂತೆ ಮಾಡಿ ನಮ್ಮನ್ನು ನಾವೇ ಸದೃಡಗೊಳಿಸಿಕೊಳ್ಳುವುದು. ಒಡೆದು ಹಂಚಿಹೋಗಿರುವ ಕನ್ನಡದ ಅನೇಕ ಬಣಗಳು ಒಂದಾಗಿ , ಕನ್ನಡಕ್ಕೆ ಬೇಕಿರುವ ಮಾಹಿತಿ ಮತ್ತು ತಂತ್ರಜ್ಞಾನದ ಬಗ್ಗೆ ಒಕ್ಕೊರಲಿನ ದನಿ ಎತ್ತಿ, ಅವುಗಳ ಅಭಿವೃದ್ಧಿಗೆ ನಾಂದಿ ಹಾಡುವುದು. ಕನ್ನಡ ವಿಕ್ಷನರಿ - ವಿಕಿಪೀಡಿಯಾ ಗಳಂತಹ ಸಮುದಾಯ ಆಧಾರಿತ ಯೋಜನೆಗಳಲ್ಲಿ ಹೆಚ್ಚು ಹೆಚ್ಚು ತೊಡಗಿಸಿಕೊಂಡು, ಅದರ ಬಹುಮುಖ ಉಪಯೋಗವನ್ನು ಪಡೆಯುವುದು. ಹಳೆಯ ಪುಸ್ತಕಗಳು , ಕಾಪಿರೈಟ್ ಮುಗಿದ ಕನ್ನಡ ಪಠ್ಯ ಇತ್ಯಾದಿ , ಯುನಿವರ್ಸಿಟಿಯ ಯಾವುದೋ ಕಪಾಟಿನಲ್ಲಿರುವುದಕ್ಕಿಂತ ಅಮೇಜಾನ್ ಕಿಂಡಲಿನಲ್ಲಿ ದೊರೆಯುವ ಯಾವುದೋ ಶತಮಾನದ ಪುಸ್ತಕವಾದರೆ, ಕನ್ನಡಿಗ ತನ್ನ ಮೊಬೈಲ್ , ಕಂಪ್ಯೂಟರುಗಳಲ್ಲಿ ತನಗೆ ಬೇಕೆನಿಸಿದ ಸಾಹಿತ್ಯವನ್ನು ಅಭ್ಯಸಿಸಲು ಅನುವು ಮಾಡಿಕೊಟ್ಟಂತಾಗುತ್ತದೆ. ಗುಟೆನ್ ಬರ್ಗ್ ಪ್ರಾಜೆಕ್ಟ್ ನಂತಹ ಯೋಜನೆಗಳನ್ನು ಕನ್ನಡಿಗ ಕೈಗೆತ್ತಿ ಕೊಂಡು, ನಮ್ಮ ವಿಶ್ವವಿದ್ಯಾನಿಲಯಗಳಲ್ಲಿ ಮರುಮುದ್ರಣ ಕಾಣದೆ ಕಳೆದು ಹೋಗುತ್ತಿರುವ ಜ್ಞಾನದ ಆಗರವನ್ನು ಜಗತ್ತಿಗೆ ತೆರೆದಿಡಬಹುದು. ಹೀಗೆ ಹತ್ತು ಹಲವಾರು ವಿಧಗಳಲ್ಲಿ ಕನ್ನಡಿಗರು ಸಂಘಟಿತರಾಗಿ ತಮಗೆ ತಾವೇ ತಂತ್ರಜ್ಞಾನ ಮಟ್ಟದಲ್ಲಿ ಆಸರೆಯಾಗಬಹುದು.

ಈ ಸಂದರ್ಭದಲ್ಲಿ ನಿಮಗೊಂದು ಮಾಹಿತಿ - ಡಿಜಿಟಲ್ ಲೈಬ್ರರಿ ಆಫ್ ಇಂಡಿಯಾದ ವೆಬ್‌ಸೈಟ್‌ನಲ್ಲಿ ಇದುವರೆಗೂ ೨೫ ಸಾವಿರಕ್ಕೂ ಹೆಚ್ಚು ಕನ್ನಡ ಪುಸ್ತಕಗಳನ್ನು ಸ್ಕ್ಯಾನ್ ಮಾಡಿ ಹಾಕಲಾಗಿತ್ತು. ಆದರೆ ಇತ್ತೀಚೆಗೆ ಅದರ ಸಂಖ್ಯೆ ೩೩೦೦ ರ ಆಸು ಪಾಸಿಗೆ ಇಳಿದಿದೆ. ಕನ್ನಡಿಗರೇ ಇಂತಹ ಯೋಜನೆಗಳ ಲಾಲನೆ ಪಾಲನೆಗೆ ಮುಂದಡಿ ಇಟ್ಟರೆ ಇಂತಹ ನಷ್ಟಗಳನ್ನು ತಪ್ಪಿಸಬಹುದಲ್ಲವೇ?

ನಾವು ಒಟ್ಟಾಗ ಬೇಕು, ಮಕ್ಕಳಿಂದ ಹಿಡಿದು ಮುದುಕರವರೆಗೆ. ನಾವು ಉಪಯೋಗಿಸುವ ಗಡಿಯಾರದಿಂದಿಡಿದು ಟಚ್‌ಪ್ಯಾಡಿನವರೆಗೆ ಎಲ್ಲದರಲ್ಲೂ ಕನ್ನಡ ಕೆಲಸ ಮಾಡುತ್ತದೆಯೇ ಕೇಳಬೇಕು. ಇಲ್ಲವಾದಲ್ಲಿ ಅದನ್ನು ನಾವೇ ಅಳವಡಿಸುವ ಕೆಲಸ ಮಾಡಬೇಕು. ತಂತ್ರಜ್ಞಾನ ಕಲಿಕೆ ಕಲಿಯುವಷ್ಟು ದಿನ ಕಷ್ಟ ನಂತರ ಬಹಳ ಸುಲಭವೇ. ಕನ್ನಡಕ್ಕೆ ಬೇಕಾದ ತಂತ್ರಾಂಶಗಳು ಮತ್ತು ತಂತ್ರಜ್ಞಾನ ನುಡಿ, ಬರಹದಂತಹ ತಂತ್ರಾಂಶಗಳ ಚೌಕಟ್ಟನ್ನು ಮೀರಿದ್ದು. ಇವುಗಳನ್ನು ಅಭಿವೃದ್ದಿ ಪಡಿಸುವ ಜವಾಬ್ದಾರಿ ನಮ್ಮದು. ಕನ್ನಡಿಗರ ಸಮುದಾಯ ಇದಕ್ಕಾಗಿ ಯಾರನ್ನೋ ಕಾಯುತ್ತಾ ಕೂರುವುದರ ಬದಲು, ಮುಂದಡಿ ಇಡುವುದು ಒಳಿತು. ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶದ ಅದೆಷ್ಟೋ ಯೋಜನೆಗಳು ನಮ್ಮ ಭಾಷೆಗೆ ಬೇಕಿರುವ ತಂತ್ರಾಂಶಗಳ ಆಗರವನ್ನೇ ಒಂದಿವೆ. ಅವುಗಳನ್ನು ಕನ್ನಡಕ್ಕೆ ಒಗ್ಗಿಸಿಕೊಳ್ಳಬೇಕಷ್ಟೇ. ಕಂಪ್ಯೂಟರ್ ಕಲಿಯಬೇಕೆಂದಿರುವ ಹೊಸಬ ರಿಂದ ಹಿಡಿದು ತಂತ್ರಜ್ಞಾನ ನಿಪುಣರವರೆಗೆ ಎಲ್ಲರೂ ಒಂದಲ್ಲಾ ಒಂದು ಕೆಲಸವನ್ನು ವಹಿಸಿಕೊಂಡು, ಭಾಷಾ ತಂತ್ರಜ್ಞರು, ವಿದ್ವಾಂಸರು ಇತರರ ಜೊತೆಗೂಡಿ ಕನ್ನಡಕ್ಕೆ ಬೇಕಿರುವ ತಂತ್ರಾಂಶಗಳನ್ನು ಅಭಿವೃದ್ದಿ ಪಡಿಸಿಕೊಳ್ಳಬಹುದು ಮತ್ತು ಅವುಗಳ ಉಪಯೋಗವನ್ನೂ ಪಡೆಯಬಹುದು. ತಂತ್ರಜ್ಞಾನದಲ್ಲೂ ಸ್ವಾವಲಂಭನೆ ಹೊಂದಬಹುದು. ಮುಂಬರುವ ದಿನಗಳಲ್ಲಿ ಕನ್ನಡಕ್ಕೆ ಇಂತಹ ತಂತ್ರಜ್ಞಾನ ಇಲ್ಲ ಎಂದೆನ್ನದಿರುವ ದಿನವೂ ಬರಬಹುದು.

ಛಾಯಾಗ್ರಹಣ - ಪವಿತ್ರ ಹೆಚ್

೭೮ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ - ಗಂಗಾವತಿ

2011-11-30T23:01:00.001+05:30

೭೮ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ - ಗಂಗಾವತಿಯಲ್ಲಿ ಡಿಸೆಂಬರ್ ೯ ರಿಂದ ೧೧ರವರೆಗೆ ನೆಡೆಯಲಿದೆ. ಸಮ್ಮೇಳನದ ಆಮಂತ್ರಣ ಪತ್ರಿಕೆ ನಿಮಗಾಗಿ ಇಲ್ಲಿದೆ.

Open publication - Free publishing - More gangavati

ಹೆಲ್ಮೆಟ್ಟೂ - ಸೀಟ್ ಬೆಲ್ಟೂ - ವೈಪರ್ರು

2011-11-26T21:06:00.001+05:30

ದೋ ಅಂತ ಮಳೆ. ಚಳಿ ಚಳಿ ಅಂತ ನಡುಗ್ತಾ ಕುಂತ್ರೆ, ಸೀಟ್ ಬೆಲ್ಟ್ ಸಿಗದೆ ಹೋಯ್ತ್. ಉಫ್ ಅಲ್ಲೇ ಗೊತ್ತಾಯ್ತು, ಹೊಟ್ಟೆ ಹಸಿದಿದೆ ತಿನ್ಬೇಕು, ಇಲ್ಲಾಂದ್ರೆ ಇನ್ನೂ ಬುದ್ದಿ ಕೆಡುತ್ತೆ ಅಂತ... ಸರಿ ಗಣೇಶ್ ದರ್ಶನ್ ಕಡೆ ಮುಖ ಮಾಡಿದ್ರೆ, ಎನೂ ಕಾಣ್ತಿಲ್ಲಾ... ಕಣ್ಮುಂದೆ ಬರೀ ನೀರು. ಛೇ! ವೈಪರ್ ಹಾಕೋದಲ್ವಾ ಅಂದ್ರೆ... ಇದ್ದಕ್ಕಿದ್ದಂಗೆ ನಾಲ್ಕು ಚಕ್ರದ್ ಗಾಡಿ ಬಿಟ್ ಎರಡ್ ಚಕ್ರದ್ ಬಂಡಿ ಹತ್ತಿದ್ ನೆನಪ್ ಬಂದ್ ತಲೆ ಮೇಲ್ ಒಂದು ಕುಟ್ಕೊಂಡಿದ್ದಾಯ್ತು. ವಾರದ್ ಕೊನೆ ಮರೆವಿನ ಮನೆ.

ರಿಸೈಕಲ್ ಮಂತ್ರ ಮಾಡಿದ ಜಾದೂ

2011-11-21T23:40:00.001+05:30

Recycled rejoice with 'New Life'
Uploaded by omshivaprakash
ಹಳೆಯ ವಸ್ತುಗಳು ಅಟ್ಟ ಬಿಟ್ಟು ಇಳಿಯೋದೆ ಕಷ್ಟ ಬಿಡಿ. ಇನ್ನುಈ ರೀಸೈಕಲ್ ವಿಷಯ ಎತ್ತಿದ್ರೆ ಹತ್ತಾರು ಹಳೆಯ ವಿಷಯಗಳ ಬುತ್ತಿ ಬಿಚ್ಚಿಟ್ಟು, ಅಜ್ಜಿ ತಾತ ಮಾಡ್ತಿದ್ದ ರೀಸೈಕ್ಲಿಂ ಗ್ ನ ಪ್ರಚಾರವೇ ಆಗಿಹೋಗುತ್ತೆ .

ಇನ್ನು ಹೊಸ ಸುದ್ದಿ ಕೇಳೋಣ. ನಮ್ಮ ಸುತ್ತಮುತ್ತ ಈಗ ಸಾಮಾನ್ಯವಾಗಿ ಎಲ್ಲರ ಬಾಯಲ್ಲೂ ರೀಸೈಕ್ಲಿಂಗ್ ನದ್ದೇ ಪಾಠ. ಇದ್ದಕ್ಕಿದ್ದಂತೆ ಎಲ್ಲರೂ ಪರಿಸರ ಸಂರಕ್ಷ ಣೆ ಅಂತ ಮಾತಾಡ್ತಾ, ರೀಸೈಕಲ್ ಮಾಡಿ ಅಂತಿದಾರೆ ಅಲ್ವೇ? ಒಂದೆಡೆ ಬೆಂಗಳೂರು ರೀಸೈಕಲ್ ಹಬ್ಬ ಜೊತೆಗೆ , ಚಿತ್ರಕಲಾ ಪರಿಷತ್ , ನಂ೧ ಶಾಂತಿ ನಗರ್ ಸ್ಟುಡಿಯೋ, ಜಾಗ ಇತ್ತ ಮುಖಮಾಡಿ ನಿಂತರೆ ಕಸವನ್ನು ರಸ ಮಾಡಿ, ಮತ್ತದನ್ನು ನಿಮ್ಮ ಮನೆಯ ಮೂಲೆಯ ಜಾಗವನ್ನು ಅಲಂಕರಿಸಲು ತಮ್ಮ ಕೈಚಳಕ ತೋರಿಸುವ ಕಲೆಗಾರರು. ಪರಿಸರದ ಸ್ವಲ್ಪಕಸವನ್ನು ಖಾಲಿಮಾಡಿದ ಹಾಗೂ ಆಯ್ತು , ಜೊತೆಗೆ ಒಂದು ಬದುಕೂ ಆಯ್ತು. - ಈ ಹೊಸತು‌ ಮತ್ತು ಹಳತರ ನಡುವೆ ಇರುವ ವ್ಯತ್ಯಾಸಗಳೇನು? ಉತ್ತ ರ ನೀವೇ ಹುಡುಕೊಳ್ತೀರ ಅಲ್ವೇ?

ಸಿಟಿ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ಗಳು ಹ್ಯಾಕ್ ಆದದ್ದಾದರೂ ಹೇಗೆ?

2011-11-20T23:15:00.001+05:30

ಇತ್ತೀಚೆಗೆ ನ್ಯೂಯಾರ್ಕ್ ಟೈಮ್ಸ್ ನಲ್ಲೊಂದು ದೊಡ್ಡ ಸುದ್ದಿ. ೨ಮಿಲಿಯನ್ ಸಿಟಿಬ್ಯಾಂಕ್ ಗ್ರಾಹಕರ ಅಕೌಂಟುಗಳು, ಹೆಸರು, ಕ್ರೆಡಿಟ್ ಕಾರ್ಡುಗಳ ಸಂಖ್ಯೆ, ವಿಳಾಸ ಜೊತೆಗೆ ಇ-ಮೈಲ್ ಎಲ್ಲವೂ ಹ್ಯಾಕರ್‌ಗಳ ಕೈಗೆ ಸಿಕ್ಕಿವೆ ಎಂದು. ಇದು ಸಾಧ್ಯವಾದದ್ದಾದರೂ ಹೇಗೆ? ಇಲ್ಲಿದೆ ಒಂದು ಸಣ್ಣ ಇಣುಕು ನೋಟ.

ಸಿಟಿಬ್ಯಾಂಕ್ ಆನೈಲ್ ಖಾತೆಗೆ ಲಾಗಿನ ಆಗಿ ಬ್ರೌಸರ್‌ನ ಅಡ್ರೆಸ್ ಬಾರ್‌ನಲ್ಲಿ ಬರುವ ವಿಳಾಸವನ್ನು ಸೂಕ್ಷ್ಮವಾಗಿ ಗಮನಿಸಿದಾಗ ನಿಮ್ಮ ಅಕೌಂಟ್ ನಂಬರ್ ಅದರಲ್ಲಿ ಸುಲಭವಾಗಿ ಕಾಣಿಸುತ್ತದೆ. ಉದಾಹರಣೆಗೆ citibank.com/user/12345 . ಇಲ್ಲಿ ಕಂಡುಬರುವ ಸಂಖ್ಯೆಯನ್ನು ಮತ್ತೊಂದು ಸಂಖ್ಯೆಗೆ citibank.com/user/123456 ಬದಲಿಸಿದರೆ ನೀವು ಮತ್ತಾವುದೋ ಗ್ರಾಹಕನ ಖಾತೆಯನ್ನು ಹೊಕ್ಕಲು ಸಾದ್ಯ ಎಂಬ ಅಂಶವನ್ನು ಅರಿತ ತಂಡವೊಂದು ಸುಲಭವಾಗಿ ಮಿಲಿಯನ್ ಗಟ್ಟಲೆ ಗ್ರಾಹಕರ ಜೇಬನ್ನು ಹೊಕ್ಕಲು ಅಣಿಯಾಗಿವೆ.

ಮೇಲೆ ತಿಳಿದಷ್ಟು ವಿಷಯವಷ್ಟೇ ಗೊತ್ತಿದ್ದರೆ ಸಾಕು ಒಂದು ವೆಬ್‌ಸೈಟ್‌ನಿಂದ ತಮಗೆ ಬೇಕಿರುವ ಮಾಹಿತಿಗಳನ್ನು ಸುಲಭವಾಗಿ ಇಳಿಸಿಕೊಳ್ಳಲು ಸಣ್ಣ ಸ್ಕ್ರಿಪ್ಟ್ ಒಂದನ್ನು ಬರೆದು ಕೆಲಸವನ್ನು ಸರಾಗಗೊಳಿಸಿಕೊಳ್ಳಬಹುದು. ಕೆಲವು ವರ್ಷ ಇಂಟರ್ನೆಟ್ ನಲ್ಲಿ ಸುತ್ತಾಡಿರುವವನಿಗೆ ಇಂತದ್ದೊಂದು ಕೆಲಸ ನೀರು ಕುಡಿದಷ್ಟೇ ಸುಲಭ. ಮಕ್ಕಳು ಕೂಡಾ ಹ್ಯಾಕ್ ಮಾಡಬಲ್ಲಂತಹ ದೋಷವೊಂದನ್ನು, ಜಗತ್ತಿಗೇ ೨೪ ತಾಸು ಹಣಕಾಸು ವ್ಯವಸ್ಥೆ ನೀಡುವ ಬ್ಯಾಕಿಂಗ್ ಸಂಸ್ಥೆಯೊಂದು ತೆರೆದಿಟ್ಟದ್ದು ಬಹಳ ನಾಚಿಕೆಗೇಡಿನ ವಿಷಯವಾಗಿದೆ. ಜೊತೆಗೆ ಆನ್ಲೈನ್ ಬ್ಯಾಂಕಿಂಗ್ ಎಷ್ಟೇ ಸುರಕ್ಷಿತವಾಗಿದ್ದರೂ ಕೆಲವೊಂದು ಮನುಷ್ಯನ ಕಣ್ತಪ್ಪಿನಿಂದಾಗಿ ಆಗಬಹುದಾದ ಅಚಾತುರ್ಯ ಹೇಗೆ ೨೧ನೇ ಶತಮಾನದಲ್ಲಿ ವಿಶ್ವವನ್ನೇ ಅಲುಗಾಡಿಸಬಹುದೆಂಬುದನ್ನು ಈ ಘಟನೆ ತಿಳಿಸುತ್ತದೆ.

ದೊಡ್ಡ ದೊಡ್ಡ ವ್ಯಾವಹಾರಿಕ ಸಂಬಂದಗಳಿಗೆ ಇಂದು ಇಂಟರ್ನೆಟ್‌ನ ಅನೇಕ ತಾಣಗಳು ಆನ್‌ಲೈನ್ ಬ್ಯಾಂಕಿಗ್ ವ್ಯವಸ್ಥೆಯನ್ನು ಬಳಸುತ್ತವೆ. ಹೀಗೆ ಆನ್‌ಲೈನ್ ಬ್ಯಾಂಕಿಂಗ್ ವ್ಯವಸ್ಥೆ ಬಳಸುವಾಗ ಅನೇಕ ಸುರಕ್ಷತಾ ಮುನ್ನೆಚ್ಚರಿಕೆಗಳನ್ನು ತೆಗೆದು ಕೊಳ್ಳಬೇಕಾಗುತ್ತದೆ. PCI DSS (Payment Card Industry Data Security Standard) ಎಂಬ ಇನ್ಮಾರ್ಮೇಷನ್ ಸ್ಟಾಂಡರ್ಡ್‌ಗಳಿಗೆ ಅನುಗುಣವಾಗಿ ತಮ್ಮ ತಾಣಗಳನ್ನು ಸುರಕ್ಷತೆಯ ಕವಚಕ್ಕೆ ಒಳಪಡಿಸಬೇಕಾಗುತ್ತದೆ. ಆದರೆ ಬ್ಯಾಂಕಿನ ತಾಣವೇ ಈ ನಿಯಮಗಳನ್ನು ಪಾಲಿಸದಿದ್ದಲ್ಲಿ ಬ್ಯಾಂಕನ್ನು ನಂಬಿದ ಗ್ರಾಹಕನ ಸ್ಥಿತಿ ನೇಣುಗಂಬಕ್ಕೆ ತಂತಾನೇ ಕೊರಳುಕೊಟ್ಟಂತಾಗುತ್ತದೆ.

ಇತ್ತೀಚೆಗೆ ಆರ್.ಬಿ.ಐ ಭಾರತದ ಎಲ್ಲ ಬ್ಯಾಂಕುಗಳ ಆನ್ಲೈನ್ ಹಾಗೂ ಎ.ಟಿ.ಎಮ್ ವ್ಯವಹಾರಗಳಿಗೆ ಒದಗಿಸುವ ಗುಪ್ತಪದ ಬಳಕೆಯಿಂದಿಡಿದು ಅದರ ಬಳಕೆಯ ಮೇಲೂ ಕೂಡ ಹತ್ತಾರು ಮುನ್ನೆಚ್ಚರಿಕೆಯ ಕ್ರಮಗಳನ್ನು ಕೈಗೊಂಡಿದೆ. ಪ್ರತಿ ವ್ಯವಹಾರಕ್ಕೊಮೆ ನಿಮ್ಮ ಪಾಸ್ವರ್ಡ್ ಬಳಸುವುದು ಅಗತ್ಯವಾಗಿದೆ. ಪ್ರತಿ ಆನ್ಲೈನ್ ವ್ಯವಹಾರದ ಸಮಯದಲ್ಲಿ ಎಸ್.ಎಮ್.ಎಸ್ ಅಥವಾ ಇ-ಮೈಲ್ ಮೂಲಕ ತಮ್ಮ ವ್ಯವಹಾರ ಖಾತ್ರಿ ಪಡಿಸಿಕೊಳ್ಳುವ ಸೌಲಭ್ಯ ನೀಡುವಂತೆ ಬ್ಯಾಂಕುಗಳನ್ನು ಒತ್ತಾಯಿಸಲಾಗಿದೆ.

ಇದೆಲ್ಲದರ ಸಲುವಾಗಿ ಬ್ಯಾಂಕುಗಳ ಸರ್ವರ್ ಅಥವಾ ಮೂಲ ದತ್ತಾಂಶ ಬೇರೆಯವರ ಕೈಗೆ ಸಿಕ್ಕರೂ, ಖಾತೆಗಳಲ್ಲಿ ನೆಡೆಯುವ ವ್ಯವಹಾರಗಳನ್ನು ತತ್ತಕ್ಷಣ ಅದರ ಹಕ್ಕುದಾರರು ತಿಳಿದುಕೊಳ್ಳುವ ಸಾಧ್ಯತೆ ಇದೆ. ಇಂತಹ ಯಾವುದೇ ಘಟನೆಗೆ ನೀವು ಬಲಿಪಶುವಾದಲ್ಲಿ ಹೆದರುವ ಅವಶ್ಯಕತೆ ಇಲ್ಲ. ನೇರವಾಗಿ ಬ್ಯಾಂಕಿನ ಗ್ರಾಹಕರ ವಿಭಾಗಕ್ಕೆ ಕರೆ ಮಾಡಿ ಸುದ್ದಿ ಮುಟ್ಟಿಸಿ ಆಗಬಹುದಾದ ಹೆಚ್ಚಿನ ತೊಂದರೆಯಿಂದ ಇತರರನ್ನು ರಕ್ಷಿಸಲೂ ಇದು ಸಹಾಯವಾಗಬಲ್ಲದು.

ಹ್ಯಾಕರ್‌ಗಳಿರಲಿ ಬಿಡಿ:- ಆನ್‌ಲೈನ್ ಬ್ಯಾಂಕಿಂಗ್‌ನ ಸುರಕ್ಬತೆಯ ಬಗ್ಗೆ ಇಷ್ಟೆಲ್ಲಾ ತಿಳಿದುಕೊಂಡ ನಂತರ ನಿಮ್ಮ ಮನಸ್ಸಿನಲ್ಲಿ ಒಂದು ಪ್ರಶ್ನೆ ಬಂದಿರಬೇಕಲ್ಲಾ? ಈ ಹ್ಯಾಕರ್‌ಗಳು ಇರುವುದಾದರೂ ಎತಕ್ಕೋ ಎಂದು... ಇರಲಿ ಬಿಡಿ, ಅವರಿಗೆ ಲಾಭವೋ, ತೊಂದರೆಯೋ ಯಾವುದೋ ಒಂದು ತಂತ್ರಾಂಶ, ಸಂಸ್ಥೆಯ ತಂತ್ರಜ್ಞಾನದ ನಿಜರೂಪವನ್ನು ಹೊರಹಾಕಲಿಕ್ಕೆ ಸಾಮಾನ್ಯ ಜನರಂತೆಯೇ ಇದ್ದರೂ ತಮ್ಮ ಅತಿಬುದ್ದಿಶಕ್ತಿ ಅಥವಾ ತಮ್ಮ ಅತಿಯಾದ ಕೌತುಕದ ಮನೋಭಾವದಿಂದ ಎಲ್ಲವನ್ನೂ ನೋಡುವ ಹ್ಯಾಕರ್ ನಾವು ಮಾಡುವ ವ್ಯವಹಾರವನ್ನೇ ಮತ್ತೊಂದು ವಿಧಾನದಲ್ಲಿ ಮಾಡುವ ನೈಪುಣ್ಯತೆ ಹೊಂದಿರುತ್ತಾನಷ್ಟೇ. ತನ್ನ ಈ ಕೈಚಳಕದಿಂದ ಸಿಕ್ಕ ಮಾಹಿತಿಯ ಬಗ್ಗೆ ಸಾಮಾನ್ಯವಾಗಿ ಜನರ ಬಳಿ ನಿಜ ಉಸುರುವ ಈ ಹ್ಯಾಕರ್‌ಗಳು ವಿಶ್ವಕ್ಕೆ ಎಚ್ಚರಿಕೆಯ ಗಂಟೆ ಇದ್ದ ಹಾಗೆ.

Cracker ಗಳೂ ಇದ್ದಾರೆ :- ಇವರು ಹ್ಯಾಕರ್‌ಗಳಂತೆಯೇ ಆದರೆ ತಮ್ಮ ಕೈಗೆ ಸಿಕ್ಕ ಮಾಹಿತಿಯನ್ನು ದುರ್ಬಳಕೆ ಮಾಡಿಕೊಳ್ಳುವುದೇ ಇವರ ಕಾಯಕ. ಇವರಿಗೆ ನಾವುಗಳೇ ಎಚ್ಚರಿಕೆ ಗಂಟೆ ಬಾರಿಸಬೇಕು.

ಜೂನ್ ೬ ೨೦೧೧ ರಂದು ಬರೆದಿಟ್ಟಿದ್ದ ಲೇಖನ

ನೆನಪಿನ ಹಾಳೆಗಳಿಂದ

2011-11-19T16:04:00.001+05:30

ಛಾಯಾಗ್ರಹಣ - ಪವಿತ್ರ

ಬೆಳಕ ಪ್ರಭಾವಳಿ ಈ - ದೀಪಾವಳಿ

2011-10-29T09:46:00.001+05:30

ಡಿಜಿಟಲ್ ಬೀಗಕ್ಕೆ ನಕಲಿ ಕೀಲಿಕೈ

2011-08-28T10:17:00.000+05:30

ಆಗಸ್ಟ್ ೨೭ ರಂದು ಪ್ರಜಾವಾಣಿಯ ಅಂತರಾಳದಲ್ಲಿ ಪ್ರಕಟಗೊಂಡ ಲೇಖನ.

ಭಾರತ ಸರ್ಕಾರ ತನ್ನ ಎಲ್ಲಾ ಪೌರರ ವಿವರಗಳುಳ್ಳ ಅತಿ ದೊಡ್ಡ ದತ್ತಸಂಚಯ (ಡೇಟಾ ಬೇಸ್) ಒಂದನ್ನು ರೂಪಿಸಲು ಹೊರಟಿದೆ. ಇದನ್ನು ಆನ್‌ಲೈನ್‌ನಲ್ಲಿ ಬಳಸಲು ಅನುಕೂಲವಾಗುವಂತೆ ವ್ಯವಸ್ಥೆ ಮಾಡುತ್ತೇವೆಂದು ಅದು ಹೇಳಿಕೊಂಡಿದೆ. ಅದು 1024 ಬಿಟ್‌ಗಳ ಎನ್ಕ್ರಿಪ್ಷನ್ ಮೂಲಕ ಇದನ್ನು ಸಾಧಿಸುತ್ತೇನೆಂದು ಹೇಳಿಕೊಂಡಿದೆ.

`ಎನ್ಕ್ರಿಪ್ಷನ್` ಎಂಬುದು ಒಂದು ರೀತಿಯಲ್ಲಿ ಡಿಜಿಟಲ್ ಬೀಗ ಹಾಕುವ ಕ್ರಿಯೆ. ಈ ಬೀಗವನ್ನು ತೆರೆಯಲು ಅದಕ್ಕೆ ಅಗತ್ಯವಿರುವ ಕೀ ಬೇಕಾಗುತ್ತದೆ. ನಮ್ಮ ವೈಯಕ್ತಿಕ ವಿವರಗಳಿರುವ ದತ್ತಾಂಶವನ್ನು ಹೀಗೆ ಬೀಗ ಹಾಕಿ ಇಡಲಾಗಿರುತ್ತದೆ. ಇದನ್ನು ನೋಡಲು ಅಧಿಕೃತ ಕೀ ಹೊಂದಿರುವವರಿಗಷ್ಟೇ ಸಾಧ್ಯ.

ಸಾಮಾನ್ಯ ಇ-ಮೇಲ್ ಖಾತೆಯಿಂದ ಆರಂಭಿಸಿ ಬ್ಯಾಂಕ್ ಖಾತೆಗಳ ತನಕ ಎಲ್ಲಾ ಡಿಜಿಟಲ್ ಸವಲತ್ತುಗಳಲ್ಲಿ ಈ ಬಗೆಯ ಎನ್ಕ್ರಿಪ್ಷನ್ ತಂತ್ರಜ್ಞಾನ ಬಳಕೆಯಾಗುತ್ತಿದೆ.

ತೀರಾ ಇತ್ತೀಚಿನವರೆಗೆ 1024 ಬಿಟ್‌ಗಳ `ಎನ್ಕ್ರಿಪ್ಷನ್` ಅತ್ಯಂತ ಸುರಕ್ಷಿತ ಎಂದು ಭಾವಿಸಲಾಗುತ್ತಿತ್ತು. ಆದರೆ ಈಗ ಅದನ್ನೂ ಕಳ್ಳರು ಸುಲಭದಲ್ಲಿ ತೆರೆಯುತ್ತಾರೆಂಬುದು ಸಾಬೀತಾಗಿದೆ.

ಕಳ್ಳರ ತಂತ್ರಗಳನ್ನು ಅರಿಯುವ ಮುನ್ನ ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಅರ್ಥ ಮಾಡಿಕೊಳ್ಳೋಣ. ಸಂದೇಶ ಕಳಿಸುವ ಮತ್ತು ಪಡೆಯುವ ಕಂಪ್ಯೂಟರುಗಳ ಮೊದಲು ದತ್ತಾಂಶ ಸುರಕ್ಷತೆಯನ್ನು ಪರೀಕ್ಷಿಸಿಕೊಳ್ಳುತ್ತವೆ.

ನಿಮ್ಮ ಕಂಪ್ಯೂಟರ್ ಬ್ರೌಸರ್‌ನಲ್ಲಿ ಬ್ಯಾಂಕಿನ ಯುಆರ್‌ಎಲ್ ಟೈಪಿಸಿದಾಗ ಬ್ಯಾಂಕ್‌ನ ವೆಬ್‌ಸೈಟ್ ನಿಮಗೆ ಕಾಣಿಸುತ್ತದೆ. ಇದಕ್ಕೂ ನಿಮ್ಮ ಕಂಪ್ಯೂಟರ್‌ನ ಬ್ರೌಸರ್ ನೀವು ಟೈಪಿಸಿದ ತಾಣದಿಂದ ಬಂದ ಸಂದೇಶಗಳು ಅದೇ ಬ್ಯಾಂಕಿನ ಸರ್ವರ್ ನಿಂದ ಬಂದದ್ದೇ ಎಂದು ಪರೀಕ್ಷಿಸುತ್ತದೆ.

ಮೊದಲಿಗೆ ನೀವು ಕಳಿಸಿದ ಸಂದೇಶಕ್ಕೆ ಬಂದ ಉತ್ತರದಲ್ಲಿನ ಸರ್ವರ್ ಸರ್ಟಿಫಿಕೇಟ್ ಅನ್ನು ನಿಮ್ಮ ಬ್ರೌಸರ್ ಪರೀಕ್ಷಿಸುತ್ತದೆ. ಇದರಿಂದ ನೀವು ನಿಜವಾದ ಬ್ಯಾಂಕ್ ವೆಬ್‌ಸೈಟ್‌ಗೇ ಪ್ರವೇಶಿಸುತ್ತಿದ್ದೀರಾ ಎಂಬುದು ತಿಳಿಯುತ್ತದೆ. ಇಲ್ಲವಾದಲ್ಲಿ ನಿಮ್ಮ ಬ್ರೌಸರ್‌ನ ಅಡ್ರೆಸ್ ಬಾರ್‌ನಲ್ಲಿ ತೆರೆದಿರುವ ಬೀಗದ ಚಿತ್ರ ತೋರಿಸುವ ಮೂಲಕ ಎಚ್ಚರಿಕೆ ನೀಡಲಾಗುತ್ತದೆ. ನಂತರ ಅದು ಸರಿಯಾದ ವೆಬ್‌ಸೈಟ್‌ನಿಂದ ಬಂದದ್ದೇ ಆದಲ್ಲಿ `ಎನ್ಕ್ರಿಪ್ಷನ್`ನ ಮಾದರಿಯನ್ನು ಅರಿಯಲು ಯತ್ನಿಸುತ್ತದೆ.

ಎರಡೂ ಕಂಪ್ಯೂಟರುಗಳು `ಎನ್ಕ್ರಿಪ್ಷನ್`ನ ಗೌಪ್ಯ ಭಾಷೆಯಲ್ಲಿ ಸಂವಹನ ನೆಡೆಸಲು ಸಾಧ್ಯವಿದ್ದಲ್ಲಿ ನಿಮ್ಮ ಬ್ರೌಸರ್ ಮತ್ತು ಬ್ಯಾಂಕ್ ಸರ್ವರ್ ನಡುವೆ ವಿಶಿಷ್ಟ ಸಂದೇಶಗಳನ್ನು ವಿನಿಮಯ ಮಾಡಿಕೊಳ್ಳುತ್ತವೆ. ಈ ವಿಶಿಷ್ಟ ಸಂದೇಶಗಳನ್ನು ಕಂಪ್ಯೂಟರ್ ತಮ್ಮಲ್ಲಿ ಈಗಾಗಲೇ ಇರುವ ವಿಶೇಷ ಕೀಗಳನ್ನು ಬಳಸಿಯೇ ತೆರೆದು ನೋಡಬೇಕಾಗುತ್ತದೆ.

ಇದು ಸರಿಯಾಗಿ ಕಾರ್ಯನಿರ್ವಹಿಸುವುದಕ್ಕೆ ಅಗತ್ಯವಿರುವ ಪ್ರಮಾಣೀಕರಣಗಳನ್ನು ನೀಡುವ ಸಂಸ್ಥೆಗಳಿವೆ. ಇದುವರೆಗೆ ಇಂಟರ್ನೆಟ್‌ನಲ್ಲಿರುವ ಪ್ರತಿಯೊಂದು ತಂತ್ರಜ್ಞಾನ, ತಂತ್ರಾಂಶಕ್ಕೂ ಮತ್ತು ಅದರ ಸುರಕ್ಷತೆಗೂ ಧಕ್ಕೆ ತರುವ ಇನ್ನೂ ಉತ್ಕಷ್ಟ ತಂತ್ರಜ್ಞಾನಗಳು, `ಎನ್ಕ್ರಿಪ್ಷನ್` ತಂತ್ರಜ್ಞಾನಗಳನ್ನು ಮುರಿದು ಗೌಪ್ಯ ತಂತ್ರಾಂಶಗಳನ್ನು ಓದಬಲ್ಲ ತಂತ್ರಾಂಶಗಳೂ ಬಂದಿವೆ, ಬರುತ್ತಲೇ ಇವೆ.

2010ರ ನಂತರ ಕಂಪ್ಯೂಟರ್ ನ ಸಾಮರ್ಥ್ಯದ ಬೆಳವಣಿಗೆ ಇತ್ಯಾದಿಗಳನ್ನು ಆಧರಿಸಿ ನೋಡಿದರೆ 2011 ರಲ್ಲಿ ಇಂತಹ ಸರ್ಟಿಫಿಕೇಟ್‌ಗಳಲ್ಲಿರುವ ಎನ್ಕ್ರಿಪ್ಷನ್ ಕೀಗಳ ಸುರಕ್ಷತೆಯನ್ನು ಮುರಿದು ಸರ್ವರ್ ಮತ್ತು ಗ್ರಾಹಕರ ನಡುವೆ ನಡೆಯುತ್ತಿರುವ ಸಂದೇಶಗಳ ವಿವರಗಳನ್ನು ಬ್ರೂಟ್ ಫೋರ್ಸ್ (ಒಂದು ಲೈಬ್ರರಿಯಲ್ಲಿರ ಬಹುದಾದ ಪದಗಳನ್ನೆಲ್ಲ ಒಂದರಮೇಲೊಂದು ಪ್ರಯೋಗಿಸಿ ಗೌಪ್ಯ ಸಂದೇಶಗಳನ್ನು ಮುರಿಯುವ ತಂತ್ರ) ಇತ್ಯಾದಿ ತಂತ್ರಗಳಿಂದ ತಿಳಿಯಲು ಸಾಧ್ಯವಿದೆ ಎಂದು ಅನೇಕ ಐ.ಟಿ ಸೆಕ್ಯೂರಿಟಿ ಕಂಪೆನಿಗಳು, ಸೆಕ್ಯೂರಿಟಿ ಪ್ರಾಧಿಕಾರಗಳು ಹೇಳಿವೆ.

ವ್ಯಕ್ತಿಯ ವೈಯಕ್ತಿಕ ವಿವರಗಳುಳ್ಳ ದತ್ತ ಸಂಚಯವೊಂದನ್ನು ಅನೇಕ ಸಾರ್ವಜನಿಕ, ಖಾಸಗಿ ಪ್ರಾಧಿಕಾರಿಗಳು ನೋಡುವಂಥ ವ್ಯವಸ್ಥೆಯೊಂದಕ್ಕೆ ಹಳೆಯ ತಲೆಮಾರಿನ `ಎನ್ಕ್ರಿಪ್ಷನ್` ತಂತ್ರಜ್ಞಾನವನ್ನು ಬಳಸುತ್ತೇವೆಂದು ಹೇಳುತ್ತಿರುವುದು ನಿಜಕ್ಕೂ ಭಯ ಹುಟ್ಟಿಸುತ್ತದೆ.

ಡಿಜಿಟಲ್ ರೂಪದಲ್ಲಿ ಒಂದು ಮಾಹಿತಿಯನ್ನು ಸಂಗ್ರಹಿಸಿ ಅದನ್ನು ಕಂಪ್ಯೂಟರ್‌ಗಳ ಜಾಲದಲ್ಲಿ ಬಳಕೆಗೆ ಅಳವಡಿಸಿದ ಕ್ಷಣವೇ ಅದು ಸುರಕ್ಷಿತವಾಗಿರುವುದಿಲ್ಲ ಎಂಬುದು ನಿಜ. ಇದಕ್ಕೆ ಸಂಬಂಧಿಸಿದಂತೆ ಅನೇಕ ಉದಾಹರಣೆಗಳನ್ನು ನೀಡುತ್ತಾ ಹೋಗಬಹುದು. ಎಲ್ಲದಕ್ಕಿಂತ ಉತ್ತಮ ಉದಾಹರಣೆ ಎಂದರೆ ವಿಕಿಲೀಕ್ಸ್.

ಅಮೆರಿಕದ ರಕ್ಷಣಾ ಇಲಾಖೆಯ ಸುಪರ್ದಿಯಲ್ಲಿರುವ ಸರ್ವರ್‌ನಿಂದಲೇ ಮಾಹಿತಿಗಳ ಸೋರಿಕೆ ಸಾಧ್ಯವಾಗುವುದಾದರೆ ಉಳಿದ ಯಾವ ದತ್ತ ಸಂಚಯವೂ ಸುರಕ್ಷಿತವಲ್ಲ ಎಂದೇ ಅರ್ಥ. ಪೌರತ್ವವನ್ನು ನಿರ್ಧರಿಸುವಂಥ ದತ್ತ ಸಂಚಯವನ್ನು ಹೀಗೆ ಬಳಕೆಗೆ ಬಿಡುವುದು ಬಹುದೊಡ್ಡ ಸಮಸ್ಯೆಗಳನ್ನು ಸೃಷ್ಟಿಸಬಹುದು.

ಹಳೆಯ ನೆನಪುಗಳು ಮತ್ತು ಹೊಸತು ಕನಸುಗಳು

2011-08-22T11:48:00.000+05:30

ಛಾಯಾಗ್ರಹಣ - ಪವಿತ್ರ

ವಿಶ್ವ ಛಾಯಾಗ್ರಾಹಕರ ದಿನಕ್ಕೊಂದು ಚಿತ್ರಕವನ

2011-08-20T19:31:00.000+05:30

ಬಾಂದವ್ಯದ ಸಂವಹನ - ಗೆಳೆತನ

2011-08-07T10:44:00.003+05:30

ಛಾಯಾಗ್ರಹಣ - ಪವಿತ್ರ

ಯುವ ಕನ್ನಡ ಬರಹಗಾರರೇ ಇದನ್ನು ಓದಿ

2011-07-03T12:11:00.003+05:30

ಅವಧಿಯಲ್ಲಿ :-

ನಾಗೇಶ್ ಹೆಗಡೆ ಪ್ರಶ್ನೆ: ಈಗ ಹೇಳಿ, ನಾನು ಯಾರಿಗಾಗಿ ಬರೆಯಬೇಕು?
--
ನನ್‌ಮನದ ಅನಿಸಿಕೆ:-
ಬರವಣಿಗೆ ಮತ್ತು ಭಾಷೆಯ ಮೇಲಿನ ಪ್ರೀತಿ ಇದ್ದು, ತನ್ನ ಜನರ ಹಾಗೂ ತನ್ನ ನೆಲದ ಗೆಲುವನ್ನು ಮೊದಲು ತನ್ನ ಭಾಷೆಯಲ್ಲಿ ಪ್ರಕಟಿಸುವ ಬರಹಗಾರರು ಯಾವುದನ್ನು ರೂಢಿಸಿಕೊಳ್ಳಬೇಕು ಹಾಗೂ ಏಕೆ ಬರೆಯಬೇಕು, ಹೇಗೆ ಬರೆಯಬೇಕು ಎಂಬುದನ್ನು ನಾಗೇಶ್ ಹೆಗಡೆಯವರಿಗಿಂತ ಬೇರೆಯವರಿಗೆ ಹೇಳಲಿಕ್ಕೆ ಬರುವುದು ಕಷ್ಟ. ವಿಜ್ಞಾನ ಹಾಗೂ ತಂತ್ರಜ್ಞಾನದ ವಿಷಯಗಳನ್ನು ಅರ್ಥವಾಗುವ ರೀತಿಯಲ್ಲಿ ಹೇಳಿಸಿಕೊಳ್ಳುವ ಮತ್ತದನ್ನು ಇತರರಿಗೆ ಅರ್ಥವಾಗುವಂತೆ ಹೇಳುವ ಬೆರಳೆಣಿಕೆಯ ಜನರು ಮುಂದೆ ಸಿಗುತ್ತಾರೋ ಎಂಬ ಸಂದಿಗ್ದ ಪರಿಸ್ಥಿತಿಯ ಅರಿವು ಈಗಲಾದರೂ ನಮ್ಮಲ್ಲಾಗುವುದೆ? ಯುವ ಬರಹಗಾರರಿಗೆ ವಿಜ್ಞಾನ ಆಸಕ್ತರಿಗೆ ಈ ಬರಹ ತಲುಪುವುದು ಅವಶ್ಯಕ ಜೊತೆಗೆ ಈ ವಿಷಯದ ಸುತ್ತ ಚರ್ಚೆ, ಕಾರ್ಯಾಗಾರಗಳು ಹಾಗೂ ಕೆಲವು ಬರಹಗಾರರನ್ನು ತಮ್ಮಲ್ಲೇ ಸೃಷ್ಟಿಸಿಕೊಳ್ಳುವಂತಹ ಸ್ವಯಂಕಾರ್ಯಪ್ರವೃತ್ತವಾಗಬಲ್ಲ ಶಕ್ತಿಗಳು ಪ್ರಾರಂಭವಾಗಬೇಕಾದ್ದು ಕೂಡ ಅಷ್ಟೇ ಅವಶ್ಯ. ಮತ್ತೆ ಈ ಕೆಲಸ ಯಾವುದೋ ಸಂಘ, ಸಂಸ್ಥೆ ಅಥವಾ ಸರ್ಕಾರದ ಕಾಗದದಲ್ಲಿಯೋ ಅಥವಾ ಪತ್ರಿಕೆಗಳ ಕಾಲಂಗಳಲ್ಲಿ ಬಂದಿಯಾಗುವುದರಿಂದ ನಮಗೆ ಈ ಪ್ರಶ್ನೆ ಪ್ರಶ್ನೆಯಾಗಿಯೇ ಉಳಿವುದು ನಿಶ್ಚಿತ.

ಎರಡು ಚಕ್ರಗಳ ಪ್ರೀತಿ

2011-05-29T23:39:00.000+05:30

ಪ್ರಜಾವಾಣಿಯ ಸಾಪ್ತಾಹಿಕ ಪುರವಣಿಯಲ್ಲಿ ೨೯ನೇ ಮೇ ೨೦೧೧ ರಂದು ಪ್ರಕಟವಾದ ಲೇಖನ.

ಈ ಸೈಕಲ್ ನನ್ನ ಬದುಕಿನೊಂದಿಗೆ ಬೇರುಬಿಡಲು ಆರಂಭಿಸಿದ್ದು, ನನ್ನ ಪುಟ್ಟ ಗೆಳೆಯನೊಬ್ಬನ ಸಹಾಯದಿಂದ ಮನೆಯ ಹಿಂದಿನ ಸೈಕಲ್ ಶಾಪ್‌ನಲ್ಲಿ `ಬಾಡಿಗೆ ಸೈಕಲ್~ ಪಡೆದು ಕಲಿಯಲಿಕ್ಕೆ ಶುರುಮಾಡಿದಾಗ.

ನನಗಿಂತ ಚಿಕ್ಕವನಿದ್ದ ಆತ ದಿನಾ ಸೈಕಲ್ ಹೊಡೆದು ಬಂದು ಅಂಗಡಿಯಲ್ಲಿ ಚಾಕೋಲೇಟ್ ತಿಂದು ಹೋಗುತ್ತಿದ್ದ. `ಅವನು ನನಗೆ ಸೈಕಲ್ ಕಲಿಸೋದಾ~ ಅನ್ನಿಸಿದರೂ ಪ್ರಶ್ನಿಸದೆ ಅವನೊಡನೆ ಸೈಕಲ್ ಕಲಿಯಲು ಶುರುಮಾಡಿದ್ದಾಯ್ತು.

ಚೋಟುದ್ದ ಇದ್ದ ಅವನು ನನ್ನ ಹಿಡಿಯಲಿಕ್ಕೆ ಕಷ್ಟಪಟ್ಟರೂ ಪಟ್ಟು ಬಿಡದೆ ಸೈಕಲ್ ಹತ್ತಿಸಿದ. ಒಂದು ದಿನ ನನ್ನ ಸೈಕಲ್ ಹತ್ತಿಸಿ ಇಳಿಜಾರಿನ ಒಂದು ರಸ್ತೆಯಲ್ಲಿ ಕೈಬಿಟ್ಟ.

`ಅವನು ಇದ್ದಾನಲ್ಲ~ ಅನ್ನುವ ಧೈರ್ಯದ ಮೇಲೆ ಸೈಕಲ್ ತುಳಿಯುತ್ತಿದ್ದೆ. ಕೊನೆಗೆ ವಾಪಸ್ ತಿರುಗಿಸಿಕೊಳ್ಳಲು ಬ್ರೇಕ್ ಹಾಕಿ ನಿಲ್ಲಿಸಿದಾಗಲೇ ಗೊತ್ತಾದದ್ದು- `ನಾನೇ ಸೈಕಲ್ ಓಡಿಸಬಲ್ಲೆ~ ಎಂದು. ಹೀಗೆ ಒಬ್ಬ ಚಿಕ್ಕ ಹುಡುಗ ನನಗೆ ಸೈಕಲ್ ಕಲಿಸಿದ ಗುರುವಾದ. `ಇನ್ನು ಮುಂದೆ ನೀನೇ ಓಡಿಸ್ಕೊ~ ಮಾಯವಾದ.

`ಮನೆಗೆ ಬಂದು ನಾನೇ ಸೈಕಲ್ ಓಡಿಸೋಕೆ ಶುರು ಮಾಡಿದ್ದೀನಿ~ ಎಂದು ಸಾರಿ ಹೇಳಿದವನೇ, `ಈಗ ನಂದೇ ಒಂದು ಸೈಕಲ್ ಬೇಕು~ ಅಂತ ಒಂದೇ ಉಸಿರಿನಲ್ಲಿ ಹೇಳಿದ್ದಾಯಿತು. ವಾರದ ಕೊನೆಯಲ್ಲಿ ಸೈಕಲ್ ಬೇಟೆಗೆ ಹೋಗೋದು ಅಂತ ನಿಶ್ಚಯವಾಯ್ತು.

ಅಪ್ಪನ ಸೈಕಲ್ ಸರ್ವೀಸ್ ಮಾಡಿಕೊಡುತ್ತಿದ್ದ ಸೈಕಲ್ ಶಾಪ್‌ನಲ್ಲಿ ಕಂಡ ಕೆಂಪು ಮತ್ತು ಬಿಳಿಯ ರಂಗಿನ ಉದ್ದನೆಯ ಸೀಟಿನ ಸೈಕಲ್ಲು ಭಾನುವಾರ ಕಣ್ಣಿಗೆ ಬಿದ್ದುದ್ದಷೇ ಅಲ್ಲ ಕೈಗೂ ಬಂತು. ಐದನೇ ಕ್ಲಾಸಿನಲ್ಲಿದ್ದರಿಂದ ಅದರ ಜೊತೆಗಿದ್ದ ಮೂರನೇ ಚಕ್ರ ಬೇಡವೆಂದು ಆಲ್ಟ್ರೇಷನ್ ಮಾಡಿಸಿದ್ದಾಯ್ತು. ಮನೆಗೆ ತಂದು ನಾನೇ ಸೀಟಿನ ಅಳತೆ ಹೆಚ್ಚು ಕಡಿಮೆ ಮಾಡಿಕೊಂಡದ್ದಾಯ್ತು.

ಅಪ್ಪ ಅಮ್ಮನಿಗೆ ಕೆಲಸದಲ್ಲಿ ಸಹಾಯ ಮಾಡಲು ಮನೆಯ ನಾಲ್ಕು ಗೋಡೆ ಬಿಟ್ಟು ಸ್ವಲ್ಪ ಹೊರಗೆ ತಿರುಗಲು ಸೈಕಲ್ ಸಂಗಾತಿಯಾಯ್ತು. ಸ್ಕೂಲಿನ ನಂತರ ಆಡಲಿಕ್ಕೆ ಆಟಿಕೆಯಾಯ್ತು. ಹಿಂದಿನ ದಶಕಗಳಲ್ಲಿ ಸೈಕಲ್‌ನಲ್ಲಿ ಬಳಸುತ್ತಿದ್ದ ಎಣ್ಣೆಯ ದೀಪವನ್ನು ಅಟ್ಟದ ಮೇಲಿಂದ ಇಳಿಸಿ ಒರೆಸಿ ಚೊಕ್ಕ ಮಾಡಿ ಸೈಕಲ್‌ಗೆ ಫಿಟ್ ಮಾಡಿ ನೋಡಿದವರನ್ನು ಆಶ್ಚರ್ಯ ಪಡಿಸಿಯಾಯಿತು. ಹೈಸ್ಕೂಲ್ ಮೆಟ್ಟಿಲು ಹತ್ತುವುದರೊಳಗೆ ಆ ಸಣ್ಣ ಸೈಕಲ್ ಬದಲಿಸಿ ಸ್ವಲ್ಪ ದೊಡ್ಡದು ಕೊಂಡೆ.

ಹಿರಿಯನಾದ್ದರಿಂದ ಜವಾಬ್ದಾರಿಗಳೂ ಹೆಚ್ಚಿದವು. ಎರಡು ಏರಿಯಾ ದಾಟಿ ಹೋಗಬೇಕಿದ್ದ ಶಾಲೆಯ ರಸ್ತೆ ಸವೆಸಲಿಕ್ಕೆ 9ನೇ ತರಗತಿಗೆ ಬರುವುದರೊಳಗೆ ಅಪ್ಪನ ಹಳೆಯ ದಪ್ಪನೆಯ ತೂಕದ ಸೈಕಲ್ ಮೂಲೆ ಸೇರಿ, ನನಗೆ ಎಂತಲೇ ಹೊಸ ಹೀರೋ ಸೈಕಲ್ ಕೊಂಡದ್ದಾಯ್ತು. ಓದುತ್ತಲೇ ಬೆಳಗಿನ ಜಾವ ಐದರಿಂದ ಶುರುವಾಗುತ್ತಿದ್ದ ಜೀವನದ ಬಂಡಿ ಸೈಕಲ್‌ನ ಎರಡು ಚಕ್ರಗಳ ಮೇಲೆ ನಡೆಯಲಾರಂಭಿಸಿತು.

ಮೊದಲಿಂದಲೇ ಸೈಕಲ್ ತರುತ್ತಿದ್ದ ಜೊತೆಗಾರರ ನಡುವೆ ಬೀಗಿ ನಡೆಯುವಂತೆ ನನ್ನ ಹೊಸ ಹೀರೋ ಸೈಕಲ್ ಮಾಡಿತ್ತು.

ಇಷ್ಟರಲ್ಲಾಗಲೇ ಮನೆಗೆ ಮೋಟಾರ್ ಸೈಕಲ್‌ನ ಆಗಮನ. ಬಜಾಜ್‌ನ ಮೇಲೇರಿ ದೇಶ ಸುತ್ತುವಾಸೆ. ಸೈಕಲ್ ಮೂಲೆಗುಂಪಾಯ್ತು. ಕೊನೆಕೊನೆಗೆ ಮಾಯವೂ ಆಯ್ತು. ಇಷ್ಟೆಲ್ಲಾ ಇದ್ದರೂ ~ಗೇರ್ ಸೈಕಲ್~ ಇರಲಿಲ್ಲ, ತುಳಿಯಲಿಲ್ಲ ಅನ್ನೊ ಆಸೆ ಮಾತ್ರ ಮನಸ್ಸಿನ ಒಂದು ಬದಿಯಿಂದ ಹೋಗಿರಲೇ ಇಲ್ಲ.

ಇಂದು ಬೆಂಗಳೂರಿನ ಪಾದಚಾರಿಗಳು ಚಲಿಸುವುದಿರಲಿ ನಿಲ್ಲಲೂ ಸಾಧ್ಯವಿಲ್ಲ. ಯಾವುದೇ ಸಮಯದಲ್ಲಿ ಜೀವ ಬಾಯಿಗೆ ಬಂದೀತು. ದಿನ ರಾತ್ರಿ ಎನ್ನದೆ ಶಿಫ್ಟುಗಳಲ್ಲಿ ಕೆಲಸ ಮಾಡುತ್ತಾ ಕೆಲಸ ಸಿಕ್ಕ ಹೊಸದಿನಗಳಲ್ಲಿ ಕೆಡಿಸಿಕೊಂಡ ಟೈಮ್ ಟೇಬಲಿನಿಂದ ನಿದ್ದೆಯಿಲ್ಲದೆ 25 ಕಿ.ಮೀ. ಆಫೀಸಿಗೆ ನನ್ನದೇ ವಾಹನದಲ್ಲಿ ಹೋಗುವುದಾದರೂ ಹೇಗೆ, ಏನಾದರು ಹೆಚ್ಚು ಕಮ್ಮಿಯಾದರೆ ಎಂಬ ಭಯದಿಂದಲೇ ಯಾವುದೇ ವಾಹನ ನನ್ನ ಸವಾರಿಗೆ ಸಿದ್ಧವಿರಲಿಲ್ಲ.

ಕಾಲೇಜು ಮೆಟ್ಟಿಲವರೆಗೆ ಸ್ಕೂಟರ್, ನಂತರದ ದಿನಗಳಲ್ಲಿ ಕೆಲಸಕ್ಕೆ ಬಿ.ಎಂ.ಟಿ.ಸಿ ಹಿಡಿದು ಓಡಾಡಿ ಒಂದು ದಿನ ಎರಡು ಚಕ್ರ ಬೇಡ, ಬೆಂಗಳೂರಿನ ರಸ್ತೆಯಲ್ಲಿ ನಾಲ್ಕು ಚಕ್ರಗಳೇ ಸೂಕ್ತ ಎನಿಸಿ 25 ಕಿ.ಮಿ ದೂರವಿದ್ದ ಆಫೀಸಿಗೆ ಸಾಗಲು ಕಾರ್ ಕೊಂಡದ್ದಾಯ್ತು. ಅದೂ ಕೆಲಸಕ್ಕೆ ಸೇರಿ ಏಳೆಂಟು ವರ್ಷ ಬಸ್ ಮತ್ತು ಆಫೀಸಿನ ಕ್ಯಾಬ್‌ನಲ್ಲಿ ಪ್ರಯಾಣಿಸಿದ ನಂತರ. ಒಂದೆರಡು ಬಾರಿ ನಮ್ಮ ಡ್ರೈವರ್ ನನ್ನ ಜೀವ ತೆಗೆಯುವ ಕ್ಲೋಸ್-ಅಪ್ ಸೀನ್‌ನ ಸ್ಯಾಂಪಲ್ ಅನ್ನು ತೋರಿಸಿದಾಗ.

ನಾಲ್ಕು ಚಕ್ರದ ಸವಾರಿ ಚೆನ್ನಾಗಿದೆ ಎನಿಸಿದ್ದೇನೋ ನಿಜ. ಆದರೆ ಹೊಟ್ಟೆ ತನ್ನ ಆಕಾರ ಬದಲಿಸುವಾಗ ಹೆಚ್ಚಿದ ಸುಖದ ಅರಿವಾಯ್ತು. ಜೊತೆಗೆ ಜಿಮ್ ಇತ್ಯಾದಿಗಳ ಕಡೆ ಗಮನ ಹರಿಸಲಿಕ್ಕೂ ಕಷ್ಟವಾದ ಸ್ಕೆಡ್ಯೂಲ್ ನಿಭಾಯಿಸುವಾಗ ನಮ್ಮ ಸುತ್ತಲಿನ ಗೆಳೆಯರ ಸೈಕಲ್ ಪ್ರೀತಿ ಹೊಸ ಸೈಕಲ್ ತಂತ್ರಜ್ಞಾನ, ಅದರ ಸುತ್ತಲಿನ ಸಾಧ್ಯಾಸಾಧ್ಯತೆಗಳ ಮಾತುಕತೆ ಇತ್ಯಾದಿ ಮತ್ತೆ ನನ್ನನ್ನು ನನ್ನ ಕನಸಿನ ವಸ್ತುವೊಂದನ್ನು ನನಸು ಮಾಡಿಕೊಳ್ಳುವಂತೆ ಪ್ರೇರೇಪಿಸಿತು. ನನ್ನ ಗೇರ್ ಸೈಕಲ್ ಖರೀದಿಸುವ ಸಮಯ ಬಂದೇ ಬಿಟ್ಟಿತು.

ಹೊರ ದೇಶದ ಹೆಚ್ಚಿನ ಗೇರ್‌ಗಳಿರುವ, ಎಲ್ಲ ರಸ್ತೆಗಳಿಗೆ ಹೊಂದಿಕೊಳ್ಳುವಂತಹ, ರೇಸುಗಳಲ್ಲಿ ಬಳಸುವ ಸೈಕಲ್ಲುಗಳ ಲಭ್ಯತೆ ಇದೀಗ ಬೆಂಗಳೂರಿನಲ್ಲಿ ಎಲ್ಲೆಂದರಲ್ಲಿದೆ.

ಗೆಳೆಯನೊಂದಿಗೆ ಅಂಥದ್ದೊಂದು ಸೈಕಲ್ ಶಾಪಿಗೆ ಲಗ್ಗೆ ಇಟ್ಟು ಸೈಕಲ್ ಕೊಂಡದ್ದಾಯ್ತು. ಹೆಚ್ಚು ಬೆಲೆ ಕೊಟ್ಟು ಒಳ್ಳೆಯ ಬ್ರಾಂಡ್ ಸೈಕಲ್ ತೆಗೆದು ಕೊಂಡಿದ್ದರಿಂದಾದ್ರೂ ಸೈಕಲ್ ಮರೆಯದೆ ಉಪಯೋಗಿಸ್ತೀನಿ ಎಂಬುದು ಆ ಹೊತ್ತಿನ ಯೋಚನೆ ಮತ್ತು ಯೋಜನೆ.

ಹೊಸ ಸೈಕಲ್ ತಂದ ಮರುದಿನವೇ ಶನಿವಾರ. ಒಮ್ಮೆ 25 ಕಿ.ಮೀ. ದೂರದ ಆಫೀಸಿಗೆ ಏಕೆ ಇದರಲ್ಲೇ, ಇಂದೇ ಹೋಗಬಾರದು ಎಂದು ನಿರ್ಧರಿಸಿ ಹೊರಟೇಬಿಟ್ಟೆ.
ಗಿರಿಪಂಕ್ತಿಗಳ ಸಾಲಿನಂತೆಯೇ ಇರುವ ನಮ್ಮ ಏರಿಯಾ ರೋಡುಗಳನ್ನು ದಾಟಿ ಮತ್ತೊಂದು ಏರನ್ನು ಏರುವುದರೊಳಗೆ ನಾನು ಫುಲ್ ಠುಸ್! ಇನ್ನೇನು ನಡೆಯಲಿಕ್ಕೇ ಆಗುವುದಿಲ್ಲ ಎನ್ನುವಾಗ ಅಲ್ಲೇ ಇದ್ದ ಖಾಲಿ ಸೈಟ್‌ನಲ್ಲಿ ಕುಳಿತೇ ಬಿಟ್ಟೆ. ಕಣ್ಣೆಲ್ಲಾ ಮಬ್ಬು, ನೀರನ್ನೂ ತಂದಿಲ್ಲ. 3 ಕಿ.ಮೀ. ಓಡಿಸುವುದರೊಳಗೆ ಸಾಕಪ್ಪಾ ಸಾಕು.

ಸೈಕಲ್ ಸ್ಟ್ಯಾಂಡ್ ಕೂಡ ಹಾಕದೆ ಹಾಗೇ ಹಿಡಿದುಕೊಂಡು ಕೂತೇ ಬಿಟ್ಟೆ. ಯಾರೋ ನನ್ನ ಮುಂದೆ ಹಾದು ಹೋಗುವಂತೆ ಸದ್ದು. `ಓ ಸುಸ್ತಾಗಿ ಕೂತಿದ್ದಾರೆ, ನೀರು ಕೊಡೋಣ್ವಾ~ ಅಂತ ಹೇಳ್ತಾ ತಮ್ಮಲ್ಲಿದ್ದ ನೀರಿನ ಬಾಟಲಿ ನನಗೆ ಕೊಟ್ಟರು.

ಕುಡಿದು ಥ್ಯಾಂಕ್ಸ್ ಹೇಳುವುದರೊಳಗೆ ಅಲ್ಲೇ ನಿಲ್ಲಿಸಿದ್ದ ತಮ್ಮ ವಾಹನದಿಂದ ಮತ್ತೊಂದು ಬಾಟಲಿ ನೀರು ತಂದು ನನಗೆ ಕೊಟ್ಟು, ,ಇಟ್ಕೊಳ್ಳಿ ಬೇಕಾಗುತ್ತೆ, ಎಂದು ಹೇಳಿ ಅಲ್ಲಿಂದ ಹೊರಟರು. ನಿಧಾನವಾಗಿ ಸಾವರಿಸಿಕೊಂಡು, `ನೀರು ತರದೆ ತಪ್ಪು ಮಾಡಿದೆ, ಈ ಆರಂಭ ಶೂರತ್ವ ಬೇಡವಿತ್ತು~ ಎಂದೆನ್ನುತ್ತಾ ಮನೆಗೆ ಹೋಗುವ ತಯಾರಿ ನಡೆಸಿದೆ.

ಇಳಿಜಾರಿನಲ್ಲಿ ಸೈಕಲ್ ಮೇಲೆ ಹತ್ತಿದ್ದೇ ತಡ, ಮತ್ತೊಂದು ಸಮನಾದ ರಸ್ತೆ ಕಾಣಿಸಿತು. ತಣ್ಣನೆಯ ಗಾಳಿ ಸೋಕಿ ನನಗೆ ಜೋಶ್ ತುಂಬಿದಂತೆನಿಸಿ ಮತ್ತೆ ಆಫೀಸ್ ಕಡೆ ಹೊರಟೇಬಿಟ್ಟೆ. ಮುಂದೆ ಎಲ್ಲೂ ಅಂತಹ ಏರು ಕಾಣಿಸದೇ ಇದ್ದುದರಿಂದಲೂ, ನನ್ನ ಆ ಸ್ಥಿತಿ ಕಂಡು ನೀರುಕೊಟ್ಟ ಪುಣ್ಯಾತ್ಮರನ್ನು ಕಂಡದ್ದರ ಖುಷಿಯಿಂದಲೋ ಅಂತೂಇಂತೂ ಆಫೀಸ್ ತಲುಪಿದೆ. ಒಂದೂಕಾಲು ಗಂಟೆಯಲ್ಲಿ.

ಕಾರಿನಲ್ಲಿ ಬರಲಿಕ್ಕೂ ನನಗೆ ಒಂದೂವರೆ ಗಂಟೆ ಬೇಕಿತ್ತು. ಅಫೀಸಿನಲ್ಲಿ ದಿನದ ಕೆಲಸ ಮುಗಿಸಿ ಸಂಜೆಗೆ ಮತ್ತದೇ ಸೈಕಲ್ ಹಿಡಿದು ಮೊದಲೇ ಪ್ಲಾನ್ ಆದಂತೆ ಜಯನಗರದಲ್ಲಿನ ರಂಗಮಂದಿರಕ್ಕೆ ಹೋಗಿ ಗೆಳೆಯರೊಂದಿಗೆ ನಾಟಕವನ್ನೂ ನೋಡಿದ್ದಾಯ್ತು. ಕಡೆಗೆ ಮನೆ ಕಡೆಗೆ ಪಯಣ. ಜೊತೆ ನೀಡಿದ್ದು ಮತ್ತೊಬ್ಬ ಸೈಕಲ್ ಗೆಳೆಯ. ಅವರ ಮನೆ ತಲುಪುವುದರೊಳಗೆ ನಾನು ಫುಲ್ ಬೋಲ್ಡ್.

ಬರೊಬ್ಬರಿ 65 ಕಿ.ಮೀ. ಪಯಣ. ಮನೆ-ಅಫೀಸು-ರಂಗಮಂದಿರ-ಗೆಳೆಯನ ಮನೆ... ಅಲ್ಲಿ ಸೈಕಲ್ ನಿಲ್ಲಿಸಿ ಇನ್ನೈದು ಕಿ.ಮೀ. ದೂರವಿದ್ದ ನನ್ನ ಮನೆಗೆ ಡ್ರಾಪ್ ತೆಗೆದುಕೊಂಡು ಹೋಗಿ ಊಟ ಮಾಡಿ ಮಲಗಿದ್ದೇ ತಡ ಗಡದ್ದು ನಿದ್ದೆ.ಅಂಗಾಂಗಗಳೆಲ್ಲಾ ಜಖಂಗೊಂಡಂತಿದ್ದವು. ಹ್ಯಾಪುಮೋರೆ ಹಾಕುವ ಸರದಿ ನನ್ನದು.

ಮುಂದಿನ ದಿನ ರವಿವಾರವಾದ್ದರಿಂದ ಸ್ವಲ್ಪ ಸಮಾಧಾನ. ಮತ್ತೆ ಎದ್ದು ಕೆಲಸಕ್ಕೆ ಓಡುವ ಗಡಿಬಿಡಿಯಿಲ್ಲ. ಆದರೆ ನನ್ನ ಗೇರ್ ಸೈಕಲ್‌ನ ಮೊದಲನೆ ದಿನದ ಸಾಹಸ ಒಳಗೊಳಗೇ ಹೊಸ ಹುಮ್ಮಸ್ಸನ್ನು ತುಂಬಿತ್ತು. ಮತ್ತೆ ಮತ್ತೆ ಸೈಕಲ್ ತುಳಿಯಬಲ್ಲೆ ಎಂಬ ನಂಬಿಕೆ ತಂದಿತ್ತು.

ಈಗಲೂ ವಾರಕೊಮ್ಮೆಯಾದರೂ ಸೈಕಲ್ ಆಫೀಸಿನ ದಾರಿ ಹಿಡಿಯುತ್ತೆ. ವಾರದ ಕೊನೆಯ ಕೆಲಸ ಕಾರ್ಯಗಳಿಗೆ ನನ್ನ ಜೊತೆಯಾಗುತ್ತದೆ. ಇಲ್ಲವಾದಲ್ಲಿ ಅಡ್ವೆಂಚರ್ ಸ್ಪೋರ್ಟ್ಸ್ ಕಡೆ ಮನಸ್ಸು ವಾಲಲು ಪ್ರೇರಣೆಯಾಗುತ್ತದೆ. ಎಲ್ಲಿಗಾದರೂ ಹೊರಡಬೇಕಿದ್ರೆ ತನ್ನ ಚಕ್ರಗಳನ್ನು ಕಳಚಿಕೊಟ್ಟು ಕಾರಿನ ಹಿಂಬದಿಯ ಬಾಗಿಲು ಏರುತ್ತೆ. ಮತ್ತೆ ನನ್ನ ಜೀವನದ ಉಸಿರಾಗಿ ನಿಲ್ಲುತ್ತೆ.

ಮನೆಯ ಕಟ್ಟುವ ಆಸೆಯಿಲ್ಲ

2011-05-22T18:17:00.002+05:30

ಛಾಯಾಗ್ರಹಣ : ಪವಿತ್ರ ಹೆಚ್

ಮನೆಯಂತೆಯೇ ತೋರುತ್ತಿದೆಯಲ್ಲ
ಬಾಗಿಲು ಮಾತ್ರ ಕಾಣುತ್ತಿಲ್ಲ...
ಪರವಾಗಿಲ್ಲ, ಗಾಳಿ ಬೆಳಕಿನ ಚಿಂತಿಲ್ಲ
ಮಳೆಗಾಲದ ನೀರಿನ ಮೇಳ
ನೆನೆದು ಆನಂದಿಸಿದರಾಯ್ತಲ್ಲ...
ಬಿಸಿಲು ಸಿಡಿಸುಯ್ದು ಬೇಸತ್ತರೆ
ಪುರ್ರನೆ ಆಗಸಕ್ಕೆ ಹಾರುವೆ ನಾ
ಇಲ್ಲೇ ನಿಂತು ಅಳುವ ಮನಸ್ಸಿಲ್ಲ...
ಕಟ್ಟಿಕೊಳಲೇಕೆ ನಾ ಇನ್ನೊಂದು ಮನೆಯನ್ನ

ಲೋರಿಕಿಟ್‌ನ ಪ್ರೀತಿಯ ನಡುವೆ

2011-05-21T01:34:00.002+05:30

ಯುಗಾದಿ - ನಮನ

2011-04-04T22:46:00.000+05:30

ಛಾಯಾಗ್ರಹಣ:- ಪವಿತ್ರ

ಬೇಲೂರ ಚೆನ್ನಿಗನ ನಡುವೆ

2011-03-06T10:33:00.000+05:30

ವರುಷದ ಮೊದಲ ಆಶಯ

2011-01-01T11:27:00.002+05:30

ಛಾಯಾಚಿತ್ರ:- ಪವಿತ್ರ

ನೆನಪಿನ ಬುತ್ತಿಯ ಹೊತ್ತು

2010-12-30T16:39:00.001+05:30

ಚಿತ್ರ: ಅನೂಪ್ ವಿಜಯನ್

ಇದು ಸೋಷಿಯಲ್ ಮೀಡಿಯಾ ಕಾಲ

2010-12-18T10:11:00.002+05:30

೧೮-ಡಿಸೆಂಬರ್-೨೦೧೦ ರಂದು ಪ್ರಜಾವಾಣಿಯಲ್ಲಿ ಪ್ರಕಟವಾದ ಲೇಖನ

ಚಿತ್ರಕೃಪೆ: ಪ್ರಜಾವಾಣಿ

ಕಳೆದ ಸಹಸ್ರಮಾನದ ಕೊನೆಯ ವರ್ಷದಲ್ಲಿ ಡಾರ್ಸಿ ಡಿ ನುಚ್ಚಿ ಎಂಬ ವಿದ್ಯುನ್ಮಾನ ಮಾಹಿತಿ ವಿನ್ಯಾಸ ತಂತ್ರಜ್ಞೆ, ಲೇಖಕಿ ‘ಫ್ರ್ಯಾಗ್ಮೆಂಟೆಡ್ ಫ್ಯೂಚರ್’ ಎಂಬ ಲೇಖನದಲ್ಲಿ ಮೊಟ್ಟ ಮೊದಲನೆಯ ಬಾರಿಗೆ ಇಂಟರ್ನೆಟ್‌ನ ಎರಡನೇ ಆವೃತ್ತಿ ಎಂಬರ್ಥದಲ್ಲಿ ವೆಬ್ 2.0 ಎಂಬ ಪದವನ್ನು ಬಳಸಿದರು.

ಅಲ್ಲಿಯ ತನಕ ಸ್ಥಿರವಾಗಿದ್ದ ವೆಬ್ ಪುಟಗಳು ಸಂವಹನಾತ್ಮಕವಾಗಿ ಬದಲಾಗುತ್ತಿದ್ದ ವಿದ್ಯಮಾನವನ್ನು ಅವರು ವಿವರಿಸಿದ್ದರು. ಅಲ್ಲಿಂದ ಮುಂದಿನದ್ದು ಇತಿಹಾಸ. ಎಲ್ಲೋ ಒಂದು ಕಡೆ ಕುಳಿತು ಊಡಿಸಿದ ಮಾಹಿತಿಗಳನ್ನು ಜಾಲಿಗರು ಓದುವ ಸ್ಥಿತಿ ಬದಲಾಯಿತು. ಓದುತ್ತಲೇ ಅದಕ್ಕೆ ಪ್ರತಿಕ್ರಿಯಿಸುವ ಅವಕಾಶ ದೊರೆಯಿತು. ಮಾಹಿತಿಯ ಬಳಕೆದಾರರೇ ಮಾಹಿತಿಯನ್ನೂ ಸೃಷ್ಟಿಸುವ ಅವಕಾಶವನ್ನು ಜಾಲತಾಣಗಳು ಬಳಸಿಕೊಳ್ಳಲು ಆರಂಭಿಸಿದ ನಂತರ ಒಂದು ಮೌನ ಕ್ರಾಂತಿ ನಡೆಯಿತು. ಅಲ್ಲಿಯ ತನಕ ಜಾಲ ತಾಣಗಳನ್ನು ನೋಡುವ ಅವಕಾಶ ಕಲ್ಪಿಸಿದ್ದ ಬ್ರೌಸರ್ ಮಾಹಿತಿಯನ್ನು ಸೃಷ್ಟಿಸುವ ಉಪಕರಣವಾಗಿಯೂ ಬಳಕೆಯಾಯಿತು.

ವೆಬ್ 2.0 ತಂತ್ರಜ್ಞಾನದ ಫಲವಾಗಿ ಉದ್ಭವಿಸಿದ ಸಾಮಾಜಿಕ ಜಾಲ ತಾಣಗಳು ಕೇವಲ ಗೆಳೆಯರ ಮಧ್ಯೆ ಸಂಪರ್ಕ ಕಲ್ಪಿಸುವ ಸಾಧನಗಳಾಗಿಯಷ್ಟೇ ಉಳಿಯಲಿಲ್ಲ. ಅವು ನಿರ್ದಿಷ್ಟ ವಿಚಾರಗಳ ಬಗ್ಗೆ ಚರ್ಚೆ ನಡೆಸುವ, ಅಭಿಪ್ರಾಯ ರೂಪಿಸುವ ತಾಣಗಳಾಗಿಯೂ ಬದಲಾದವು. ಈ ಅಭಿಪ್ರಾಯ ರೂಪಿಸುವ ಕ್ರಿಯೆ ಈಗ ಕೇವಲ ಜಾಲ ಜಗತ್ತಿಗೆ ಸೀಮಿತವಾಗಿ ಉಳಿದಿಲ್ಲ. ಜಾಲ ಪೌರರೆಂದು ಕರೆಯಬಹುದಾದ ನೆಟಿಝನ್‌ಗಳ ಅಭಿಪ್ರಾಯ ಸಾಂಪ್ರದಾಯಿಕ ಮಾಧ್ಯಮದ ಮೇಲೂ ಪರಿಣಾಮ ಬೀರುತ್ತವೆ ಎಂಬುದು ಇತ್ತೀಚಿನ ರಾಡಿಯಾ ಟೇಪ್ ಹಗರಣದಲ್ಲಿ ಬಯಲಾಯಿತು. ಭಾರತದ ಗೃಹ ಸಚಿವಾಲಯ 2008-09ರ ಅವಧಿಯಲ್ಲಿ ವೈಷ್ಣವಿ ಕಮ್ಯುನಿಕೇಶನ್ಸ್‌ನ ಮುಖ್ಯಸ್ಥೆ ನೀರಾ ರಾಡಿಯಾರ ದೂರವಾಣಿ ಕರೆಗಳ ಮೇಲೆ ಸುಮಾರು 300 ದಿನಗಳ ಕಾಲ ನಿಗಾ ಇರಿಸಿ ಎಲ್ಲಾ ಸಂಭಾಷಣೆಗಳನ್ನೂ ದಾಖಲಿಸಿತ್ತು.

ಈ ಟೇಪ್‌ಗಳು ಬಹಿರಂಗಗೊಂಡ ಮೇಲೆ ಎರಡನೇ ತಲೆಮಾರಿನ ತರಂಗಗುಚ್ಛಗಳ ಹರಾಜಿನಲ್ಲಿ ನಡೆದಿರುವ ದೊಡ್ಡ ಹಗರಣ ಹೊರಬಂತು. ಈ ಹಗರಣದ ಕೇಂದ್ರ ಬಿಂದುವಾದ ಡಿಎಂಕೆಯ ಎ.ರಾಜಾಗೆ ಸಂಪರ್ಕ ಖಾತೆ ದೊರೆಯುವಂತೆ ಮಾಡಲು ಕೆಲವು ಪತ್ರಕರ್ತರೂ ಲಾಬಿ ಮಾಡಿದ್ದರು.

ಈ ವಿಷಯವನ್ನು ಬಹುತೇಕ ಮುಖ್ಯವಾಹಿನಿಯ ಮಾಧ್ಯಮಗಳು ಮರೆತೇ ಬಿಟ್ಟಿದ್ದವು. ಇದನ್ನು ಮಾಧ್ಯಮಗಳಿಗೆ ನೆನಪಿಸಿಕೊಟ್ಟದ್ದು ಸಾಮಾಜಿಕ ಜಾಲ ತಾಣಗಳು. ಟ್ವಿಟ್ಟರ್‌ನಲ್ಲಿ ಬರ್ಖಾ ದತ್ ಎಂಬ ಹ್ಯಾಶ್ ಟ್ಯಾಗ್ (# ಚಿಹ್ನೆಯ ಜೊತೆಗೆ ಬರ್ಖಾ ದತ್ ಎಂದು ನಮೂದಿಸಿದರೆ) ಈ ಹಗರಣಕ್ಕೆ ಸಂಬಂಧಿಸಿದ ಸಾವಿರಾರು ಪ್ರತಿಕ್ರಿಯೆಗಳು ಸಿಗುತ್ತವೆ. ಫೇಸ್‌ಬುಕ್, ಬ್ಲಾಗ್‌ಗಳು, ಬಝ್ಾ ದಾಖಲೆಗಳನೆಲ್ಲಾ ಸೇರಿಸಿದರೆ ಈ ಸಂಖ್ಯೆ ಲಕ್ಷಗಳನ್ನು ಮೀರುತ್ತದೆ.

ಮುಖ್ಯವಾಹಿನಿ ಮಾಧ್ಯಮಗಳ ದೊಡ್ಡ ಶಕ್ತಿ ಎಂದರೆ ಅವಕ್ಕೆ ಇರುವ ವಿಶ್ವಾಸಾರ್ಹತೆ. ಅವು ತಪ್ಪು ಮಾಡಿದಾಗ ಅದನ್ನು ಪ್ರಶ್ನಿಸುವುದಕ್ಕೆ ಜನರಿಗೆ ಯಾವ ವೇದಿಕೆಯೂ ಇರಲಿಲ್ಲ. ಸಾಮಾಜಿಕ ತಾಣ ಗಳು ಅದ ಕ್ಕೊಂದು ವೇದಿಕೆಯಾಯಿತು. ಹಗರಣದಲ್ಲಿ ಪಾಲ್ಗೊಂಡ ಪತ್ರಕರ್ತರೂ ಇಂಥ ತಾಣಗಳ ಸದಸ್ಯರಾಗಿದ್ದರಿಂದ ಅವರಿಗೆ ಅಲ್ಲಿಯೂ ಒಂದು ಇಮೇಜ್ ಇದ್ದುದರಿಂದ ಅವರೂ ಇದನ್ನು ಗಂಭೀರವಾಗಿ ಪರಿಗಣಿಸಬೇಕಾಯಿತು. ಉಳಿದ ಮಾಧ್ಯಮಗಳು ತಾವಿನ್ನು ಸುಮ್ಮನೆ ಕುಳಿತರೆ ತಮ್ಮ ವಿಶ್ವಾಸಾರ್ಹತೆಯ ಬಗ್ಗೆಯೂ ಸಂಶಯ ಮೂಡಬಹುದು ಎಂದು ಅನುಮಾನಿಸಿದವು. ಪರಿಣಾಮವಾಗಿ ರಾಡಿಯಾ ರಾಡಿ ನೆಟಿಝನ್‌ಗಳಲ್ಲದ ಜನರನ್ನೂ ತಲುಪಿತು.

ಭಾರತದ ಮಟ್ಟಿಗೆ ಇದೊಂದು ದೊಡ್ಡ ಬೆಳವಣಿಗೆಯೇ ಸರಿ. ಇಂಟರ್ನೆಟ್ ಬಳಕೆ ಹೆಚ್ಚಿರುವ ಪಾಶ್ಚಾತ್ಯ ದೇಶಗಳಲ್ಲಿ ದೊಡ್ಡ ದೊಡ್ಡ ಕಂಪೆನಿಗಳ ಸೇವಾ ಲೋಪವನ್ನೂ ಸಾಮಾಜಿಕ ಜಾಲ ತಾಣಗಳಲ್ಲಿ ಪ್ರತಿಭಟಿಸುವ ಮಾದರಿಗಳಿವೆ. ಹಾಗೆಯೇ ಮರಗಳನ್ನು ಕಡಿಯುವುದು, ಪ್ರಾಣಿಗಳನ್ನು ಉಳಿಸುವುದು ಮುಂತಾದ ಅನೇಕ ಹೋರಾಟಗಳಿಗೂ ಈ ಮಾಧ್ಯಮ ಬಳಕೆಯಾಗುತ್ತಿದೆ. ಜಗತ್ತಿನ ಯಾವುದೋ ಮೂಲೆಗಳಲ್ಲಿ ಕುಳಿತಿರುವವರನ್ನು ಒಂದು ಉದ್ದೇಶಕ್ಕಾಗಿ ಒಂದುಗೂಡಿಸುವ ಕೆಲಸವನ್ನು ಈ ಸಾಮಾಜಿಕ ತಾಣಗಳು ಮಾಡುತ್ತವೆ.

ಸಾಂಪ್ರದಾಯಿಕ ಸುದ್ದಿಮೂಲಗಳ ಬುಡವನ್ನು ಅಲುಗಾಡಿಸುವಂತಹ ಸುದ್ದಿಯ ವಿಶ್ವಾಸಾರ್ಹತೆಯ ವಿಮರ್ಶೆ ಟ್ವಿಟರ್, ಫೇಸ್ ಬುಕ್, ಯೂಟ್ಯೂಬ್ ಹೀಗೆ ಹತ್ತು ಹಲವು ಮುಖಗಳಲ್ಲಿ ಅಣುಬಾಂಬ್‌ನ ಸ್ಫೋಟದಲ್ಲಿ ಕಾಣುವ ವಿದಳನಾ ಕ್ರಿಯೆಯಂತೆ ಮುಂದುವರಿಯುತ್ತದೆ. ಒಬ್ಬ ವ್ಯಕ್ತಿ ತನ್ನ ಟ್ವಿಟರ್, ಬಜ್ ಅಥವಾ ಫೇಸ್‌ಬುಕ್‌ನಲ್ಲಿ ಬರೆದ ವಿಷಯ ಆತನ ಸಂದೇಶದ ಹಿಂಬಾಲಕರ ಕಂಪ್ಯೂಟರ್, ಮೊಬೈಲ್, ನೆಟ್ ಬುಕ್, ಲ್ಯಾಪ್ ಟಾಪ್ ಇತ್ಯಾದಿಗಳ ಪರದೆಯ ಮೇಲೆ ಬರುತ್ತಿದ್ದಂತೆಯೇ ಆ ವಿಷಯದ ಪರ ಅಥವಾ ವಿರೋಧಿ ಮಾತುಕತೆಗಳು ಸಂವಾದದ ರೂಪದಲ್ಲಿ ಇಂಟರ್ನೆಟ್‌ನ ಒಡಲು ತುಂಬುತ್ತಾ ಹೋಗುತ್ತವೆ.

ಒಮ್ಮೆ ಇಂಟರ್ನೆಟ್‌ನಲ್ಲಿ ಸುದ್ದಿಯೊಂದು ಮೂಡಿದರೆ ಅದನ್ನು ಏನೇ ಮಾಡಿದರೂ ಅಳಿಸಲಾಗದು. ಇನ್ನು ಜೇಬುತುಂಬಿಸಿ ಇತರರ ಬಾಯಿಮುಚ್ಚಿಸುವುದು ಸಾಧ್ಯವೇ ಇಲ್ಲವೆನ್ನಿ. ಒಂದೆಡೆ ನಡೆದ ಘಟನೆಗಳನ್ನು ತಮ್ಮ ಮೊಬೈಲ್ ಫೋನ್, ಲ್ಯಾಪ್‌ಟಾಪ್‌ಗಳಲ್ಲಿ ರೆಕಾರ್ಡ್ ಮಾಡಿ, ಫೋನಿನಲ್ಲೇ ಇರುವ ಇಂಟರ್ನೆಟ್ ಕನೆಕ್ಷನ್ ಬಳಸಿ ಕೆಲವೇ ನಿಮಿಷಗಳಲ್ಲಿ ಇತರರು ಧ್ವನಿ , ದೃಶ್ಯ ಅಥವಾ ಬ್ಲಾಗ್ ಲೇಖನಗಳ ಮುಖೇನ ಸ್ಪಂದಿಸುವಂತೆ ಮಾಡುವುದು ಇಂದು ಸುಲಭಸಾಧ್ಯ.

ಅರಳಿ ಕಟ್ಟೆಯಲ್ಲಿ ಕೂತು ಹರಟುವ ಹಾಗೂ ರಾಜ್ಯ ಹಾಗೂ ದೇಶದ ಸುದ್ದಿಗಳ ಬಗ್ಗೆ ವಿಚಾರವಿನಿಮಯ ಮಾಡಿಕೊಂಡು ಅದಕ್ಕೆ ನಮ್ಮದೇನಾದರೂ ಕಾಣಿಕೆ ಕೊಡಲಿಕ್ಕೆ ಸಾಧ್ಯವೇ ಎಂದು ಯೋಚಿಸಿ, ಪತ್ರವ್ಯವಹಾರ ಮುಖೇನ ವ್ಯವಹರಿಸಿ ವರ್ಷಗಟ್ಟಲೆ ಕಾದು ಕೂರುವ ದಿನಗಳಲ್ಲಿ ಈಗ ನಾವಿಲ್ಲ. ಹಳ್ಳಿಗನೂ ಇಂದು ವಿಶ್ವದ ಇನ್ಯಾವುದೋ ಮೂಲೆಯ ವಿಜ್ಞಾನಿಯ ನೆರವನ್ನು ಪಡೆದು ತನ್ನ ಉತ್ಪತ್ತಿಯನ್ನು ಹೆಚ್ಚಿಸಿಕೊಳ್ಳುವ ಕಾಲವಿದು.

ಅದಕ್ಕವನು ಸ್ಥಿರ ದೂರವಾಣಿಯ ಗೋಜಿಗೂ ಹೋಗುವಂತಿಲ್ಲ. ತನ್ನ ಕಿಸೆಯಲ್ಲಿನ ಮೊಬೈಲ್ ತೆರೆದು ಇಂಟರ್ನೆಟ್ ಮೂಲಕ ತನ್ನ ‘ಅಂತರ ರಾಷ್ಟ್ರೀಯ’ ಗೆಳೆಯರ ಸಂಗ ಬೆಳೆಸಬಹುದು. ಸರಿ ತಪ್ಪುಗಳನ್ನು ಗ್ರಹಿಸಿ ತನ್ನ ದೇಶವನ್ನಾಳುವ ಜವಾಬ್ದಾರಿ ಹೊತ್ತ ನಾಯಕನನ್ನೂ ಎಚ್ಚರಿಸಬಹುದು. ತನಗೆ ಹಕ್ಕಿನಿಂದ ದೊರೆಯಬೇಕಿದ್ದ ಸುದ್ದಿ ತನ್ನೆಡೆಗೆ ತರದಿದ್ದಲ್ಲಿ ಮಾಧ್ಯಮವನ್ನೂ ತರಾಟೆಗೆ ತೆಗೆದುಕೊಳ್ಳಬಹುದು.

ಸೋಷಿಯಲ್ ಮೀಡಿಯಾ ಜನರ ನಿತ್ಯದ ನಿಯತ ಹವ್ಯಾಸವಾಗಿ ಬೆಳೆಯುತ್ತಿದೆ. ಅದಕ್ಕೆ ಸಾಂಪ್ರದಾಯಿಕ ಮಾಧ್ಯಮಗಳ ಸುದ್ದಿ ಹರಿವಿನಷ್ಟು ಪ್ರಭಾವ ಬೀರಲು ಇನ್ನೂ ಅದಕ್ಕೆ ತಂತ್ರಜ್ಞಾನದ ಪ್ರಸರಣೆಯ ದೃಷ್ಟಿಯಿಂದ ಸಾಧ್ಯವಾಗದೇ ಇದ್ದರೂ, ವಿದ್ಯಾವಂತರ ನಡುವೆ ಬಹಳಷ್ಟು ಬಳಕೆಯಲ್ಲಿದೆ. ಮುಖ್ಯವಾಹಿನಿ ಮಾಧ್ಯಮಗಳಿಗೆ ಸೋಷಿಯಲ್ ಮೀಡಿಯಾ ಸುದ್ದಿ ಸಂಗ್ರಹ, ವಿನಿಮಯಕ್ಕೆ ಎಷ್ಟೇ ಸಹಾಯ ಮಾಡುವುದರ ಜೊತೆಗೆ ಅವು ತಪ್ಪು ಮಾಡಿದಾಗ ಅವುಗಳನ್ನು ಎಚ್ಚರಿಸಲು, ತಪ್ಪನ್ನು ಎತ್ತಿತೋರಿಸಲು, ಈ ಕುರಿತಂತೆ ಅಭಿಪ್ರಾಯ ರೂಪಿಸಲೂ ಇದೇ ತಂತ್ರಜ್ಞಾನ ಬಳಕೆಯಾಗುತ್ತದೆ. ರಾಡಿಯಾ ಟೇಪ್ ಪ್ರಕರಣದಲ್ಲಿ ಭಾರತೀಯ ಮಾಧ್ಯಮಗಳು ಸೋಷಿಯಲ್ ಮೀಡಿಯಾದಿಂಂದ ಪಾಠ ಕಲಿತಿವೆ. ಅನೇಕ ಬಳಕೆದಾರರ ಸಂಘಟನೆಗಳು ಭಾರೀ ಉದ್ಯಮಗಳಿಗೆ ಇದೇ ತಂತ್ರದ ಮೂಲಕ ಪಾಠ ಕಲಿಸಿವೆ. ಮುಂದಿನ ದಿನಗಳಲ್ಲಿ ಈ ಸಾಧ್ಯತೆಯ ಇನ್ನಷ್ಟು ಮುಖಗಳು ಅನಾವರಣಗೊಳ್ಳಬಹುದು.

ಪರರ ಕೈಯಲ್ಲಿ ನಮ್ಮಪಾಸ್‌ವರ್ಡ್

2010-12-12T21:13:00.004+05:30

ಪ್ರಜಾವಾಣಿಯಲ್ಲಿ ೧೨ನೇ ಡಿಸೆಂಬರ್ ೨೦೧೦ ರಂದು ಪ್ರಕಟವಾದ ಲೇಖನ

ಬೆಳಿಗ್ಗೆ ಎದ್ದು ಮೇಲ್ ಚೆಕ್ ಮಾಡಿದರೆ ಗೆಳೆಯನ ಮೇಲ್. ಸಬ್ಜೆಕ್ಟ್ ಲೈನ್‌ನಲ್ಲಿದ್ದ ವಿಷಯ ನೋಡಿ ಗಾಬರಿಯಾಗಿ ಮೇಲ್ ತೆರೆದರೆ ‘ನಾನು ನಿನ್ನೆಯಷ್ಟೇ ಲಂಡನ್‌ಗೆ ಬಂದೆ. ನಿನಗೆ ತಿಳಿಸಲೂ ಸಾಧ್ಯವಾಗಿರಲಿಲ್ಲ. ನನ್ನ ಬ್ಯಾಗ್ ಕಳೆದು ಹೋಗಿದೆ. ಪಾಸ್‌ಪೋರ್ಟ್, ಕ್ರೆಡಿಟ್ ಕಾರ್ಡ್ ಎಲ್ಲವೂ ಅದರಲ್ಲೇ ಇತ್ತು. ನನ್ನ ಕಿಸೆಯಲ್ಲಿದ್ದ ಸ್ವಲ್ಪ ದುಡ್ಡು ಬಿಟ್ಟರೆ ಬೇರೆ ದುಡ್ಡೂ ಇಲ್ಲ. ಅದೃಷ್ಟವಶಾತ್ ನನ್ನ ಒಂದು ಡೆಬಿಟ್ ಕಾರ್ಡ್ ಪರ್ಸ್‌ನಲ್ಲೇ ಇದೆ. ದಯವಿಟ್ಟು ನನ್ನ ಅಕೌಂಟಿಗೆ 100 ಪೌಂಡ್ ಟ್ರಾನ್ಸ್‌ಫರ್ ಮಾಡು. ಬಂದ ತಕ್ಷಣ ಕೊಡುತ್ತೇನೆ’.

ನಿನ್ನೆ ರಾತ್ರಿ ಪಾರ್ಟಿಯಲ್ಲಿ ಸಿಕ್ಕವನು ಇಂದು ಬೆಳಗಾಗುವ ಹೊತ್ತಿಗೆ ಲಂಡನ್ ತಲುಪಿರಲು ಸಾಧ್ಯವೇ ಇಲ್ಲ ಎಂದು ಗೊತ್ತಿದ್ದ ನಾನು ತಕ್ಷಣ ಅವನಿಗೆ ಫೋನ್ ಮಾಡಿದರೆ ನಿದ್ರೆಗಣ್ಣಿನಲ್ಲೇ ಫೋನ್ ಎತ್ತಿಕೊಂಡು ಬೆಳ್ಳಂಬೆಳಗ್ಗೆ ಏನು ನಿನ್ನ ಕಿರಿಕಿರಿ ಎಂದು ಗೊಣಗಲಾರಂಭಿಸಿದ. ಅವನ ಗೊಣಗಾಟದ ಮಧ್ಯೆಯೇ “ನಿನ್ನ ಇ-ಮೇಲ್ ಹ್ಯಾಕ್ ಆಗಿದೆ. ನಿನ್ನ ಅಡ್ರೆಸ್ ಬುಕ್‌ನಲ್ಲಿದ್ದ ಎಲ್ಲರಿಗೂ ನೀನು ಲಂಡನ್‌ನಲ್ಲಿ ಬ್ಯಾಗು, ಪಾಸ್‌ಪೋರ್ಟ್ ಕಳೆದುಕೊಂಡು ಅನಾಥನಾಗಿದ್ದೀಯ ಎಂಬ ಸಂದೇಶ ಹೋಗಿದೆ.

ಅರ್ಜೆಂಟ್ ಈ ಅಕೌಂಟ್‌ಗೆ ಕಳುಹಿಸಿ ಎಂದ ಒಂದು ನಂಬರ್ ಕೂಡಾ ಕೊಟ್ಟಿದ್ದಾರೆ” ಎಂದು ವಿವರಿಸಿದಾಗ ಅವನ ನಿದ್ರೆ ಸಂಪೂರ್ಣ ಬಿಟ್ಟು ಹೋಯಿತು. ಅದೃಷ್ಟವಶಾತ್ ಅವನಲ್ಲಿ ಅಡ್ರೆಸ್ ಬುಕ್‌ನ ನಕಲೊಂದು ಕಂಪ್ಯೂಟರ್‌ನಲ್ಲೇ ಇದ್ದುದರಿಂದ ತನ್ನ ಇನ್ನೊಂದು ಇ-ಮೇಲ್ ಐಡಿ ಬಳಸಿ ಎಲ್ಲರಿಗೂ ತನ್ನ ಮೇಲ್ ಹ್ಯಾಕ್ ಆಗಿದೆ. ಯಾರೂ ದುಡ್ಡು ಕಳುಹಿಸಬೇಡಿ ಎಂಬ ಸಂದೇಶ ಕಳುಹಿಸಿದ. ಯಾರೂ ಹಣ ಕಳೆದುಕೊಳ್ಳುವ ಸಂದರ್ಭ ಎದುರಾಗಲಿಲ್ಲ.

ಭಯೋತ್ಪಾದಕ ಇ-ಮೇಲ್

ಮುಂಜಾನೆ 4:30 ರ ಸಮಯ, ಹೊರಗೆ ಯಾರೋ ಬಾಗಿಲು ತಟ್ಟುತ್ತಿರುವ ಸದ್ದು. ಬಾಗಿಲ ಬಳಿಯ ಕಿಟಕಿ ತೆಗೆದು ನೋಡುತ್ತಿದ್ದವನಿಗೆ ಮನೆಯಿಂದಾಚೆ ನಿಂತಿದ್ದ ಪೋಲೀಸ್ ಪೇದೆ ಕಂಡು ಭಯವಾಯಿತು. ಈ ಹೊತ್ತಿಗೆ ನಮ್ಮ ಕಂಪೆನಿಯ ಮುಖ್ಯಸ್ಥರ ಆದೇಶವೂ ಫೋನ್‌ನಲ್ಲೇ ಬಂತು ‘ಪೊಲೀಸಿನವರಿಗೇನೋ ಹೆಲ್ಪ್ ಬೇಕಂತೆ ಸ್ವಲ್ಪ ಹೋಗಿ ಬನ್ನಿ’.

ಸ್ಟೇಷನ್‌ಗೆ ಹೋದ ಮೇಲೆ ವಿಷಯ ಬಹಳ ಸರಳ ಎಂದು ಅರ್ಥವಾಯಿತು. ಸ್ಫೋಟವೊಂದರ ಬೆದರಿಕೆ ಇರುವ ಇ-ಮೇಲ್ ನಮ್ಮ ಪ್ರದೇಶದ ಯಾವುದೋ ಕಂಪ್ಯೂಟರ್‌ನಿಂದ ಹೋಗಿತ್ತು. ಇಂಟರ್ನೆಟ್ ಸೇವೆ ಒದಗಿಸುವ ಕಂಪೆನಿಯವರು ಐ.ಪಿ. ನಂಬರ್ ಕೊಟ್ಟು ಪ್ರದೇಶ ಹೇಳಿದ್ದರೇ ಹೊರತು ಯಾವ ಕಂಪ್ಯೂಟರ್‌ನಿಂದ ಹೋಯಿತು ಎಂಬುದನ್ನು ಕಂಡು ಹಿಡಿಯುವುದು ನಮ್ಮಿಂದಾಗದ ವಿಷಯ ಎಂದು ಕೈಚೆಲ್ಲಿದ್ದರು. ಅವರು ಹಾಗೆ ಮಾಡಿದ್ದಕ್ಕೂ ಕಾರಣವಿತ್ತು. ಹಿಂದೊಮ್ಮೆ ತಪ್ಪು ಐ.ಪಿ.ಕೊಟ್ಟು ಕೈ ಸುಟ್ಟುಕೊಂಡಿದ್ದ ಕಂಪೆನಿಯದು. ಆಗ ನಿರಪರಾಧಿಯೊಬ್ಬ ಹಲವು ತಿಂಗಳು ಜೈಲಿನಲ್ಲಿ ಇರಬೇಕಾದ ಸ್ಥಿತಿ ಬಂದಿತ್ತು.

ಹಾಗಾಗಿ ಅವರು ಈ ಬಗೆಯ ಐಡೆಂಟಿಟಿ ಕಳ್ಳತನ ಕಂಡುಹಿಡಿಯುವ ಪರಿಣತರು ಬೇರೆಯೇ ಇರುತ್ತಾರೆಂದು ಹೇಳಿದ್ದರು. ಅದು ಸುತ್ತಿ ಬಳಸಿ ನಮ್ಮ ಬಳಿಗೆ ಬಂದಿತ್ತು. ಪೊಲೀಸರಿಗೂ ಮತ್ತೊಮ್ಮೆ ತಪ್ಪು ಮಾಡಿ ಟೀಕೆಗೆ ಗುರಿಯಾಗುವ ಮನಸ್ಸಿರಲಿಲ್ಲ. ಪೊಲೀಸರ ಪ್ರಾಥಮಿಕ ತನಿಖೆಯಲ್ಲೇ ಇಮೇಲ್ ಕಳುಹಿಸಿರಬಹುದೆಂದು ಭಾವಿಸಲಾಗಿದ್ದ ವ್ಯಕ್ತಿ ಮುಗ್ಧ ಎಂದು ತಿಳಿದುಬಂದಿತ್ತು. ಆದರೆ ಅವನನ್ನು ಪೂರ್ಣ ನಂಬಲು ಸಾಧ್ಯವಿಲ್ಲದ ಸ್ಥಿತಿ ಪೊಲೀಸರದ್ದು. ತಾಂತ್ರಿಕ ವಿವರಗಳನ್ನು ಸಂಗ್ರಹಿಸುತ್ತಾ ಹೋದಂತೆ ಆತ ಮುಗ್ಧ ಎಂದು ತಿಳಿಯಿತು.

ಆತ ಬಳಸುತ್ತಿದ್ದ ಕಂಪ್ಯೂಟರ್ ಯಾವ ರೀತಿಯಲ್ಲೂ ಸುರಕ್ಷಿತವಾಗಿರಲಿಲ್ಲ. ಅಷ್ಟೇನೂ ತಂತ್ರಜ್ಞಾನ ತಿಳಿಯದ ಆತ ತನ್ನ ವೈರ್‌ಲೆಸ್ ಲ್ಯಾನ್ ಸೌಲಭ್ಯವಿರುವ ಲ್ಯಾಪ್‌ಟಾಪ್ ಬಳಕೆಗೆ ಅನುಕೂಲವಾಗುವಂತೆ ವೈರ್‌ಲೆಸ್ ಮೋಡೆಮ್ ಖರೀದಿಸಿದ್ದ ಆತ ಅದನ್ನು ಪಾಸ್‌ವರ್ಡ್ ಹಾಕಿ ಸುರಕ್ಷಿತವಾಗಿಟ್ಟರಲಿಲ್ಲ. ಸುತ್ತಮುತ್ತಲಿನ ಮನೆಯವರೆಲ್ಲರೂ ಅದನ್ನು ಆರಾಮವಾಗಿ ಬಳಸಬಹುದಿತ್ತು. ಅನ್‌ಲಿಮಿಟೆಡ್ ಚಂದಾದಾರನಾಗಿದ್ದರಿಂದ ಇಂಟರ್ನೆಟ್ ಬಿಲ್‌ನಲ್ಲೂ ಆತನಿಗೆ ದುರ್ಬಳಕೆ ಗೊತ್ತಾಗುವಂತಿರಲಿಲ್ಲ.

ಪಾಸ್‌ವರ್ಡ್ ಕದಿಯುವುದು ಹೀಗೆ

ಮೊದಲ ಪ್ರಕರಣದಲ್ಲಿ ಇ-ಮೇಲ್ ಹ್ಯಾಕ್ ಮಾಡಿದ್ದರು. ಎರಡನೇ ಪ್ರಕರಣದಲ್ಲಿ ಅಸುರಕ್ಷಿತ ಇಂಟರ್ನೆಟ್ ಸಂಪರ್ಕವನ್ನು ಭಯೋತ್ಪಾದಕರು ಬಳಸಿಕೊಂಡಿದ್ದರು. ತಂತ್ರಜ್ಞಾನ ಮಾಹಿತಿಯ ಹೆಬ್ಬಾಗಿಲನ್ನು ತೆರೆದಿಟ್ಟಿರುವಂತೆಯೇ ನಮ್ಮ ವೈಯಕ್ತಿಕ ಮಾಹಿತಿಗಳನ್ನು ಕದಿಯುವ ಅವಕಾಶವನ್ನೂ ಒದಗಿಸಿಕೊಟ್ಟಿದೆ. ಪಾಸ್‌ವರ್ಡ್ ಹೇಗೆ ಕದಿಯುವುದು...? ಈ ಪ್ರಶ್ನೆಯನ್ನು ಗೂಗ್ಲ್‌ನಲ್ಲಿ ಹಾಕಿದರೆ ಯಾವ ಇ-ಮೇಲ್ ಅನ್ನೂ ಬೇಕಾದರೂ ಹ್ಯಾಕ್ ಮಾಡುವ ತಂತ್ರಾಂಶಗಳು ನಮ್ಮಲ್ಲಿ ಲಭ್ಯ ಎಂಬ ನೂರೆಂಟು ಲಿಂಕ್‌ಗಳು ನಿಮ್ಮ ಮುಂದೆ ಕಾಣಿಸಿಕೊಳ್ಳುತ್ತವೆ. ತಮಾಷೆ ಎಂದರೆ ಇದೂ ಸುಳ್ಳು. ಅಕ್ಷರ, ಚಿಹ್ನೆ, ಸಂಖ್ಯೆಗಳ ಅಗಣಿತ ಜೋಡಣೆಯನ್ನು ಒಂದೊಂದಾಗಿ ಪ್ರಯತ್ನಿಸುತ್ತಾ ಹೋಗುವ ತಂತ್ರಾಂಶ ರೂಪಿಸಲು ಸಾಧ್ಯ. ಆದರೆ ಅದು ಎಲ್ಲಾ ಪಾಸ್‌ವರ್ಡ್‌ಗಳನ್ನೂ ಭೇದಿಸುತ್ತದೆ ಎಂಬುದು ಸಂಪೂರ್ಣ ನಿಜವಲ್ಲ. ಕಳ್ಳರು ಈ ಬಗೆಯ ಸಾಫ್ಟ್‌ವೇರ್‌ಗಳಿಗಿಂತ ಹೆಚ್ಚು ಸುಲಭವಾಗಿ ಮತ್ತು ಕರಾರುವಕ್ಕಾಗಿ ಪಾಸ್‌ವರ್ಡ್ ಭೇದಿಸುವ ತಂತ್ರಗಳನ್ನು ಬಳಸುತ್ತಾರೆ.

ಸೋಷಿಯಲ್ ನೆಟ್‌ವರ್ಕಿಂಗ್ ತಾಣಗಳಾದ ಫೇಸ್‌ಬುಕ್, ಆರ್ಕುಟ್ ನಂಥವುಗಳಲ್ಲಿ ಅಗತ್ಯಕ್ಕಿಂತ ಹೆಚ್ಚು ಮಾಹಿತಿ ನೀಡುವವರ ಪಾಸ್‌ವರ್ಡ್‌ಗಳನ್ನು ಕದಿಯುವುದು ಸುಲಭ. ಈ ತಾಣಗಳ ಪ್ರೈವಸಿ ಪಾಲಿಸಿ ಅಥವಾ ಖಾಸಗಿ ವಿವರಗಳ ನಿರ್ವಹಣೆಯ ವಿಧಾನಗಳನ್ನು ತಿಳಿದುಕೊಳ್ಳದೆ ನಾವು ಓದಿದ ಶಾಲೆ, ಗೆಳೆಯರು, ಹುಟ್ಟಿದ ದಿನಾಂಕ, ಹುಟ್ಟೂರು, ಕೆಲಸ ಮಾಡಿದ, ಮಾಡುತ್ತಿರುವ ಸಂಸ್ಥೆಗಳ ವಿವರಗಳನ್ನೆಲ್ಲಾ ಅಲ್ಲಿ ಬರೆದಿಟ್ಟರೆ ಅಪಾಯ ಕಟ್ಟಿಟ್ಟ ಬುತ್ತಿ. ಫೇಸ್‌ಬುಕ್‌ನಂಥ ತಾಣಗಳು ಇದ್ದಕ್ಕಿದ್ದಂತೇ ತಮ್ಮ ಪ್ರೈವಸಿ ಪಾಲಿಸಿಗಳನ್ನು ಬದಲಾಯಿಸಿ ನಿಮ್ಮ ಖಾಸಗಿ ವಿಷಯಗಳನ್ನು ರಾತ್ರೋರಾತ್ರಿ ಬಹಿರಂಗಗೊಳಿಸಿಬಿಡುವ ಅಪಾಯವೂ ಇರುತ್ತದೆ. ಫೇಸ್‌ಬುಕ್ ಇತ್ತೀಚೆಗಷ್ಟೇ ಇಂಥ ಕೆಲಸ ಮಾಡಿತ್ತು. ನಿರ್ದಿಷ್ಟ ವಿಷಯಗಳನ್ನು ನಿರ್ದಿಷ್ಟ ಜನರಿಗೆ ಮಾತ್ರ ತಿಳಿಸುವ ಸೌಲಭ್ಯದ ಸೂಕ್ಷ್ಮಗಳ ಅರಿವಿಲ್ಲದೆ ಹಲವರು ಎಲ್ಲವನ್ನೂ ಎಲ್ಲರೂ ನೋಡಲು ಬಿಟ್ಟು ಬಿಟ್ಟಿರುತ್ತಾರೆ. ಬಹಳಷ್ಟು ಜನರು ತಮ್ಮ ಹುಟ್ಟಿದ ವರ್ಷ, ದಿನಾಂಕ, ಮಕ್ಕಳ ಹೆಸರು, ಪತ್ನಿ ಅಥವಾ ಪತಿಯ ಹೆಸರು, ಇಷ್ಟವಾಗುವ ಲೇಖಕ, ಪುಸ್ತಕದ ಶೀರ್ಷಿಕೆಯನ್ನೇ ಪಾಸ್‌ವರ್ಡ್ ಮಾಡಿಕೊಂಡಿರುತ್ತಾರೆ. ಪಾಸ್‌ವರ್ಡ್ ಕಳ್ಳರು ಬಯಸುವುದೂ ಇದನ್ನೇ. ಪರಿಣಾಮವಾಗಿ ನೀವು ಮನೆಯಲ್ಲಿ ಕುಳಿತಿರುವಾಗಲೇ ನಿಮ್ಮ ಇ-ಮೇಲ್‌ನಿಂದ ನಿಮ್ಮ ಗೆಳೆಯರಿಗೆಲ್ಲಾ ಅರ್ಜೆಂಟ್ ದುಡ್ಡು ಕಳುಹಿಸಿಕೊಡು ಎಂಬ ಸಂದೇಶಗಳು ಹೋಗಿಬಿಡಬಹುದು.

ಸಾಮಾನ್ಯವಾಗಿ ಇ-ಮೇಲ್ ಕಳ್ಳರು ಮೊದಲಿಗೆ ಮಾಡುವ ಕೆಲಸವೆಂದರೆ ನೀವು ಇ-ಮೇಲ್ ಖಾತೆ ಸೃಷ್ಟಿಸುವ ವೇಳೆ ನೀಡಿರುವ ಪರ್ಯಾಯ ಇ-ಮೇಲ್ ವಿಳಾಸವನ್ನು -ಬದಲಾಯಿಸುವುದು. ಇದರಿಂದಾಗಿ ನೀವು ಹೊಸ ಪಾಸ್‌ವರ್ಡ್‌ಗಾಗಿ ಅಪೇಕ್ಷಿಸಿದರೆ ಅದು ನಿಮಗೆ ದೊರೆಯುವುದೇ ಇಲ್ಲ. ಇಂಥ ಸಂದರ್ಭದಲ್ಲಿ ಕೊನೆಗೆ ಉಳಿಯುವುದು ಒಂದೇ ಮಾರ್ಗ. ನೀವು ಇ-ಮೇಲ್ ಸೇವೆಯನ್ನು ಪಡೆದಿರುವ ಸಂಸ್ಥೆಯನ್ನು ಸಂಪರ್ಕಿಸಿ ಈ ಕುರಿತಂತೆ ದೂರು ಕೊಡುವುದು. ಮತ್ತೆ ನಿಮ್ಮ ಹಳೆಯ ಇ-ಮೇಲ್ ವಿಳಾಸವನ್ನು ಪಡೆಯಲು ಮತ್ತಷ್ಟು ಸರ್ಕಸ್‌ಗಳ ಅಗತ್ಯವೂ ಇದೆ. ನೀವು ನಿಯತವಾಗಿ ಸಂಪರ್ಕಿಸುತ್ತಿರುವ ನಾಲ್ಕಾರು ವಿಳಾಸಗಳು ಇತ್ಯಾದಿ ಹಲವು ವಿವರಗಳನ್ನು ನಿಮ್ಮಿಂದ ಪಡೆದು ನಿಮಗೆ ಮತ್ತೆ ಅದೇ ವಿಳಾಸವನ್ನು ಅವರು ಒದಗಿಸುತ್ತಾರೆ. ನೀವು ದೂರುಕೊಟ್ಟ ತಕ್ಷಣ ನಿಮ್ಮ ಹ್ಯಾಕ್ ಆದ ವಿಳಾಸವನ್ನು ಸ್ಥಗಿತಗೊಳಿಸುವುದರಿಂದ ಇ-ಮೇಲ್‌ನ ದುರ್ಬಳಕೆ ತಪ್ಪುತ್ತದೆ.

ಸುರಕ್ಷಾ ಮಾರ್ಗ

ಸುರಕ್ಷಿತ ಪಾಸ್‌ವರ್ಡ್‌ಗಳು ಹೇಗಿರಬೇಕು ಎಂಬುದಕ್ಕೆ ನೂರೆಂಟು ಸಲಹೆಗಳಿವೆ. ಸಾಮಾನ್ಯರು ಮಾಡಬಹುದಾದ ಕೆಲಸವೆಂದರೆ ನೀವು ಕೊಟ್ಟಿರುವ ಪಾಸ್‌ವರ್ಡ್‌ನಲ್ಲಿ ಅಕ್ಷರಗಳು, ಚಿಹ್ನೆಗಳು ಮತ್ತು ಅಂಕೆಗಳು ಇರುವಂತೆ ನೋಡಿಕೊಳ್ಳುವುದು. ಇವಕ್ಕೂ ಸಾರ್ವಜನಿಕವಾಗಿ ಲಭ್ಯವಿರುವ ನಿಮ್ಮ ವೈಯಕ್ತಿಕ ವಿವರಗಳಿಗೂ ಸಂಬಂಧವಿರಬಾರದು. ಹಾಗೆಂದು ಬ್ಯಾಂಕ್ ಅಕೌಂಟ್‌ನ ನಂಬರ್ ನಿಮ್ಮ ಪಾಸ್‌ವರ್ಡ್‌ನಲ್ಲಿ ಇರುವಂತೆ ನೋಡಿಕೊಳ್ಳುವುದಲ್ಲ....! ಹಾಗೆ ಮಾಡಿದರೆ ನಿಮ್ಮ ಸ್ಥಿತಿ ಬಾಣಲೆಯಿಂದ ಬೆಂಕಿಗೆ ಬಿದ್ದಂತಾಗುತ್ತದೆ.

ಇ-ಮೇಲ್‌ನಲ್ಲಿ ನಿಮಗೆ ಬರುವ ಸಂದೇಶಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ. ನಿಮ್ಮ ಬ್ಯಾಂಕ್‌ನಿಂದ ನಿಮಗೆ ಇ-ಮೇಲ್ ಬಂದಿದ್ದರೆ ಅದಕ್ಕೆ ಉತ್ತರಿಸುವ ಮೊದಲು ಅವರು ಯಾವ ವಿವರಗಳನ್ನು ಕೇಳಿದ್ದಾರೆ? ಆ ವಿವರಗಳು ಅವರಿಗೇಕೆ ಬೇಕಾಗಿರಬಹುದು ಎಂಬುದರ ಸ್ವಲ್ಪ ಯೋಚಿಸಿ. ಯಾವ ಬ್ಯಾಂಕ್ ಕೂಡಾ ನಿಮ್ಮಿಂದ ವೈಯಕ್ತಿಕ ವಿವರಗಳು, ಖಾತೆ ಸಂಖ್ಯೆ ಅದರ ಪಾಸ್‌ವರ್ಡ್ ಇತ್ಯಾದಿಗಳನ್ನಂತೂ ಇ-ಮೇಲ್‌ನಲ್ಲಿ ಕೇಳುವುದಿಲ್ಲ. ಈ ರೀತಿಯ ಸೂಕ್ಷ್ಮವಲ್ಲದ ವಿವರಗಳನ್ನು ಕೇಳಿದ್ದರೂ ಅದು ಬ್ಯಾಂಕ್‌ನಿಂದಲೇ ಬಂದಿದೆ ಎಂಬದನ್ನು ಖಚಿತ ಪಡಿಸಿಕೊಂಡ ನಂತರವಷ್ಟೇ ಉತ್ತರಿಸಬೇಕು. ನಿಮ್ಮ ಬ್ಯಾಂಕ್‌ನ ಹೆಸರಿನಲ್ಲಿ ಒಂದು ಅಕ್ಷರಲೋಪವಾಗಿದ್ದರೂ ಅದು ಸುಳ್ಳು ಇ-ಮೇಲ್ ಸಂದೇಶ.

ಸೋಷಿಯಲ್ ನೆಟ್‌ವರ್ಕಿಂಗ್ ತಾಣಗಳಲ್ಲಿ ನೀವು ಸಕ್ರಿಯರಾಗಿದ್ದರೆ ನಿಮ್ಮ ವ್ಯವಹಾರಗಳಿಗೆ ಬಳಸುವ ಇ-ಮೇಲ್ ವಿಳಾಸವನ್ನು ಅಲ್ಲಿ ನೀಡಲೇಬೇಡಿ. ಅದಕ್ಕಾಗಿ ಬೇರೆಯೇ ವಿಳಾಸ ಸೃಷ್ಟಿಸಿಕೊಳ್ಳಿ. ಮೇಲ್‌ನಲ್ಲಿ ಬರುವ ಕೊಂಡಿಗಳನ್ನೆಲ್ಲಾ ಕ್ಲಿಕ್ಕಿಸುವ ಮೊದಲು ಎರಡೆರಡು ಬಾರಿ ಯೋಚಿಸಿ. ವೆಬ್‌ಸೈಟ್‌ಗಳಲ್ಲಿ ನಿಮ್ಮ ವೈಯಕ್ತಿಕ ವಿವರಗಳನ್ನು ನೀಡುವ ಮೊದಲು ಅದು ವಿಶ್ವಾಸಾರ್ಹವೇ ಎಂಬುದನ್ನು ಪರಿಶೀಲಿಸಿ. ಒಮ್ಮೆ ಅಂತರ್ಜಾಲಕ್ಕೆ ನೀವು ಸೇರಿಸುವ ಮಾಹಿತಿಯನ್ನು ಸುಲಭದಲ್ಲಿ ಅಲ್ಲಿಂದ ತೆಗೆದು ಹಾಕಲು ಸಾಧ್ಯವಿಲ್ಲ. ಅದರ ಅಗಣಿತ ಪ್ರತಿಗಳು ಎಲ್ಲೆಲ್ಲೋ ಅಡಗಿರಬಹುದು. ಆದ್ದರಿಂದ ಯಾವ ವಿವರ ಅಂತರ್ಜಾಲದಲ್ಲಿರಬೇಕು ಯಾವುದು ಇರಬಾರದು ಎಂಬ ವಿವೇಕ ನಿಮ್ಮದಾಗಿರಬೇಕು.

ಎಲ್ಲದಕ್ಕಿಂತ ಮುಖ್ಯವಾಗಿ ನಿಮ್ಮ ಕಂಪ್ಯೂಟರ್ ಮತ್ತು ಇಂಟರ್ನೆಟ್ ಸಂಪರ್ಕದ ಸುರಕ್ಷತೆಗೆ ಹೆಚ್ಚಿನ ಗಮನಹರಿಸಿ. ವಿಂಡೋಸ್ ಬಳಕೆದಾರರಾಗಿದ್ದರೆ ಒಳ್ಳೆಯ ಆ್ಯಂಟಿ ವೈರಸ್ ಇರಲಿ. ಜೊತೆಗೆ ಸಾಫ್ಟ್‌ವೇರ್ ಗಳ ಸುರಕ್ಷತಾ ಪ್ಯಾಚ್‌ಗಳನ್ನು ಅಪ್‌ಡೇಟ್ ಮಾಡಿ. ಮಾಲ್‌ಗಳಲ್ಲಿ ಉಚಿತವಾಗಿ ದೊರೆಯುವ ಇಂಟರ್ನೆಟ್ ಸಂಪರ್ಕ ಬಳಸುವಾಗ ಮಾಹಿತಿ ಕದಿಯಲು ಅವಕಾಶವಿಲ್ಲದಂತೆ ನಿಮ್ಮ ಮೊಬೈಲ್ ಫೋನ್, ಲ್ಯಾಪ್‌ಟಾಪ್‌ಗಳು ಸುರಕ್ಷಿತವಾಗಿರುವಂತೆ ನೋಡಿಕೊಳ್ಳಿ.

ಮಾಹಿತಿಯನ್ನು ಎನ್ಕ್ರಿಪ್ಟ್ ಅಥವಾ ಬೀಗಹಾಕಿಡುವ ವಿಧಾನಗಳನ್ನು ಬಳಸಿ. ನಿಮ್ಮ ಕಂಪ್ಯೂಟರ್ ಮಾಹಿತಿಯ ಹೆಬ್ಬಾಗಿಲನ್ನು ತೆರೆದಿಟ್ಟಿದೆ ಎಂಬುದು ನಿಜ. ಈ ಬಾಗಿಲಿನ ಮೂಲಕ ಒಳ್ಳೆಯವರು ಒಳ ಬರುವಂತೆ ಕಳ್ಳರೂ ಬರಬಹುದು ಎಂಬುದನ್ನು ಮರೆಯದಿರಿ.

- ಓಂ ಶಿವಪ್ರಕಾಶ್

ಎನ್ಮನವೆ

2010-12-04T22:22:00.001+05:30

ಚಿತ್ರ: ಪವಿತ್ರ

ಅಂಗಳದ ಮಾತು

2010-12-04T22:12:00.001+05:30

ಚಿತ್ರ: ಪವಿತ್ರ

ದೀಪಗಳ ಹಬ್ಬ ದೀಪಾವಳಿ

2010-11-04T22:58:00.000+05:30

ದಸರಾ ಬೊಂಬೆ

2010-10-18T13:17:00.000+05:30

ಬೆಂಬಿಡದೆ

2010-10-12T08:06:00.002+05:30

ಚಿತ್ರ: ಪವಿತ್ರ

ಪೂರ್ಣಚಂದ್ರ

2010-09-23T22:48:00.003+05:30

Uploaded by omshivaprakash
ಇಂದು ಬಾನಾಗಿತ್ತು ಪೂರ್ಣಚಂದ್ರನರಮನೆ...
ಅಲ್ಲಲ್ಲಿ ಮಿನುಗುವ ನಕ್ಷತ್ರಗಳ,
ಹೊಳೆಯುವ ಗ್ರಹಗಳ ,
ಮೋಡದ ಹಾರಗಳ ಅಲಂಕಾರ...

ಅಮ್ಮ ತನ್ನ ಕಂದನಿಗೆ ಮಮ್ಮು ತಿನ್ನಿಸುವಾಗ
ನೀರಿನಲ್ಲಿ ಪ್ರತಿಪಲಿಸಿ ನಗಿಸುವ ಚಂದ್ರ
ನಮ್ಮನ್ನು ತನ್ನೆಡೆಗೆ ಶತಮಾನಗಳಿಂದ
ಸೆಳೆಯುತ್ತಲೇ ಇದ್ದಾನೆ.

ಅವನ ಮೈಮೇಲೆ ಮಾನವ ಕಾಲಿಟ್ಟು
ವರುಷಗಳೇ ಕಳೆದಿದ್ದರೂ, ಅವನೆಡೆಗೆ
ಎಲ್ಲರೂ ಹೊರಟು ನಿಲ್ಲಲು ಸಾಧ್ಯವೇ?
ಅದಕ್ಕೆ ನಾ ಅವನನ್ನು ಇಂದು ಸೆರೆಹಿಡಿದುಬಿಟ್ಟೆ...

ಚಂದ್ರನೆಡೆಗೆ

2010-09-23T21:32:00.000+05:30

ಸರಿ.. ಮುಂದೇನು?

2010-09-21T00:32:00.000+05:30

ಹೆಜ್ಜೆ ಮೇಲೊಂದೆಜ್ಜೆ

2010-09-18T07:37:00.000+05:30

ಸೈಕಲ್

2010-09-01T09:24:00.000+05:30

ಬಾಲೆ

2010-09-01T09:06:00.002+05:30

ಪಶ್ಚಿಮಘಟ್ಟದ ಪಕ್ಕದ ಬೀದಿ

2010-08-22T21:37:00.002+05:30

ಕಣ್ ಹೊಳಪು

2010-08-17T23:33:00.002+05:30

ಚಿತ್ರ:- ಪವಿತ್ರ

ಬಾಯ್ತೆರೆಯೇ ಶಕುನದ ಹಕ್ಕಿ

2010-08-17T07:21:00.000+05:30

ನಮ್ ಪಂಚಾಯ್ತಿ ಕಟ್ಟೆ

2010-08-14T11:07:00.002+05:30

ಓದನು ಮುಗಿಸಿ ಹೊರಬಿದ್ರೆ ಸಾಕು
ನಮ್ಮ ಮಾತು ಶುರುವಾಗುತ್ತೆ
ಕಟ್ಟೆ ಮೇಲೆ ಕೂತ್ಕೊಂಡಿದ್ರೆ ಇತ್ತ
ನೋಡಿದ್ ಊರೇ ಸುಸ್ತಾಗುತ್ತೆ..

ನಮ್ದೆ ಒಂದು ಪಂಚಾಯ್ತಿ ಕಟ್ಟೆ
ನಾವೇ ಇಲ್ಲಿ ಎಲ್ಲಾ..
ದೇಶದ್ ಸುದ್ದಿ ಮಾತಾಡ್ತೀವಿ
ಕಾಲೆಳೆಯೋದ್ರಲ್ಲಿ ಕಮ್ಮಿ ಇಲ್ಲ

ಕೈಲಿರ್ತಿತ್ತು ಕಡಲೇಕಾಯಿ ಮೊದ್ಲು
ಈಗ ಲೇಸು, ಕುರುಕುರೆಯಣ್ಣ
ಹಂಚ್ಕೊಂಡು ತಿಂದು, ನೀರು ಕುಡಿದ್ಮೇಲೆ
ನಾಲ್ಕು ನಗೆಹನಿಗಳ ಜಾತ್ರೆಯಣ್ಣ

ನಾಳಿನ ಸ್ವತಂತ್ರದಿನವೇ ಇಂದು
ಚರ್ಚೆಯ ವಿಷಯ ನಮ್ಗೆ

ಚಿಂತಿಸಿ ಚರ್ಚಿಸಿ, ಒಟ್ಟಿಗೆ ನಾವು

ದೇಶವ ಕಟ್ಟಿ ನೋಡುವೆವಣ್ಣ

ಮಲ್ಲೆ

2010-08-08T21:22:00.001+05:30

ಮಾಯಾಮೃಗ

2010-08-04T11:29:00.000+05:30

ಅಂದ-ಚೆಂದ

2010-08-03T22:50:00.001+05:30

ಚಿತ್ರ: ಪವಿತ್ರ

ಸಂಕೋಲೆಗಳು

2010-08-03T07:31:00.001+05:30

ವಾರಾಂತ್ಯ - ಅವಸರ

2010-07-31T22:51:00.000+05:30

ಹನಿಗಳ ಆಟ - ಪರಿಪಾಠ

2010-07-30T07:41:00.000+05:30

ಎಳೆಯ ಕೈಗಳ ಕಥೆ

2010-07-28T00:11:00.002+05:30

ಬೇಕೆನಿಸಿದಾಗ

2010-07-15T17:29:00.002+05:30

ನನಗೆ ಮತ್ತೆ ನೀ ಬೇಕೆನಿಸಿದಾಗ

ನೆನಪುಗಳು ನನ್ನ ಸಾಥ್ ಕೊಡುತ್ತವೆ

ನೀ ನನಗೆ ಸಿಗದೆ ದೂರ ಇದ್ದಾಗ

ನೆನಪುಗಳು ನನ್ನ ಸಾಥ್ ಕೊಡುತ್ತವೆ

ನನಸೋ ಕನಸೂ ಕೊನೆಗೆ

ನೆನಪುಗಳು ನನ್ನ ಸಾಥ್ ಕೊಡುತ್ತವೆ

ಹುಡುಕಿಕೊಡಿರಲ್ಲ..

2010-07-04T22:27:00.000+05:30

ಗೋಲಿ ಆಟ

2010-06-24T23:08:00.000+05:30

ಅಪ್ಪ

2010-06-21T08:10:00.002+05:30

ಚಿತ್ರ:- ಪವಿತ್ರ

ಮನಸೇ

2010-06-20T12:23:00.001+05:30

೨

ಈ ನನ್ನ ಮನ ನಿನ್ನ ಹೃದಯದ ಮಡಿಲಲ್ಲಿ

ಹಾಯಾಗಿ ವಿಶ್ರಮಿಸುತ್ತಿದೆ ಮನಸೇ....

ಆ ನಿನ್ನ ಒಂದೇ ಒಂದು ಕರೆಗಾಗಿ ಕಾಯುತ್ತಿದೆ ...

ನಿನ್ನ ಅಪ್ಪಿ ಮುದ್ದಾಡಿ ಜಗದಲ್ಲಿರುವ

ಎಲ್ಲ ಪ್ರೀತಿಯ ನಿನ್ನ ಮೇಲರಿಸುವಾಗ

ನಿನ್ನ ಕಣ್ಣು ಹೇಳುವ ಕಥೆಗಳ ಕೇಳುತ,

ನಿನ್ನ ಕೈ ಬೆರಳಿನ ಸಂಚಲನ ನನ್ನನ್ನಾವರಿಸುವಾಗ

ನಿನ್ನ ಲೋಕದ ಸುತ್ತ ನಾ ಹೊಡೆದೆ

ಒಂದು ಸುತ್ತು...

ಉತ್ತುಂಗದ ಸೆರಗಿನಲಿ

2010-06-17T19:11:00.000+05:30

ಆಕೃತಿ

2010-06-16T23:45:00.000+05:30

ತಿಳಿಯಾಂಗಿಲ್ಲೇನು ನಿಂಗೆ?

2010-06-16T07:57:00.000+05:30

ಮಂಚಿಬೆಲೆ ಡ್ಯಾಮ್ ಬಳಿ ಸೆರೆ ಸಿಕ್ಕ ಮೀನುಗಾರ ಕುಟುಂಬದ ಒಂದು ಚಿತ್ರ

ಸೆರೆಹಿಡಿದಿರುವ ಮೀನುಗಾರನ ಅನೇಕ ಮುಖಭಾವಗಳ ಕ್ಷಣಗಳನ್ನು ಒಂದೆಡೆ ಹಾಕಿದರೆ, ಅವನ ದಿನಚರಿ ಶುರುವಾಗುವ ಕಥೆಯೊಂದನ್ನು ಹೆಣೆಯಬಹುದು..

ನಿರಂತರ

2010-06-11T22:40:00.002+05:30

ಚಿತ್ರ: ಪವಿತ್ರ

ಮಳೆಯಲಿ ಬೆಂಗಳೂರಲಿ

2010-06-11T00:08:00.000+05:30

ಜೇಡನ ಬಲೆಯ ಸುತ್ತ

2010-06-10T23:32:00.001+05:30

ಅಂತ್ಯದವರೆಗೆ

2010-06-08T17:41:00.000+05:30

ಚಿತ್ರ:- ಪವಿತ್ರ

ಮುತ್ತಿನ ಜೊತೆಗೆರೆಡು ನಿಮಿಷ

2010-06-08T15:50:00.001+05:30

೧

೨

ಚಿತ್ರಗಳು:- ಪವಿತ್ರ

ಅರಿವಿನ ಅಲೆಗಳು

2010-06-04T22:40:00.001+05:30

ಚಿತ್ರ:- ಪವಿತ್ರ ಹೆಚ್

ಒಂದು ಕಪ್ ಕಾಫಿ

2010-06-02T07:51:00.001+05:30

ಬಿಸಿ ಬಿಸಿ ಕಾಫಿ,

ಹೀರಲಿಕ್ಕೂ ಮುಂದೆ

ಕಂಡಿತ್ತು ಆ ನಗುಮುಖ

ದೊಡ್ಡದಾದ ಕಣ್ಣುಗಳು

ಹಣೆಯಲ್ಲಿ ಬಿಂದಿ,

ಗಲ್ಲದ ಮೇಲೊಂದು

ಸಣ್ಣ ದೃಷ್ಟಿ ಬೊಟ್ಟು,

ನೋಡುತ್ತಲೇ ಕಾಫಿ

ಹೀರಿ ಮುಗಿಸಿಯಾಗಿತ್ತು

ಕಿಸೆಗೆ ಕತ್ತರಿ ಜೊತೆಗೆ

ಆಫೀಸಿಗೆ ತಡವಾಗಿತ್ತು

ಬಳ್ಳಿ ಮರವ ಹಬ್ಬಿ

2010-05-29T01:00:00.000+05:30

ಕನಸುಗಳ ರಹದಾರಿ

2010-05-28T00:23:00.003+05:30

ಮುದ್ದು ಕನಸು

2010-05-25T00:14:00.000+05:30

ಜೇಡರ ಬಲೆ

2010-05-21T08:14:00.001+05:30

ಎಲ್ಲ ದಿಕ್ಕುಗಳ ಸುತ್ತಿ ಹೆಣೆದು

ಅಭೇದ್ಯ ಚಕ್ರವ್ಯೂಹದ ಬಗೆಯ

ಸೂರು ಕಟ್ಟುತಿಹುದು ಜೇಡ

ಬದುಕ ಎಲ್ಲ ಕಷ್ಟ ಕಾರ್ಪಣ್ಯಗಳ

ಸುತ್ತ ಕಟ್ಟಿಹುದಿದನು

ಸುಲಭದ ಮೋಕ್ಷ ಮಾರ್ಗವಲ್ಲವಿದು

ಬೆಳಗಿನ ಮಂಜಿನ ಹನಿ ಸೆರೆಹಿಡಿದು

ಮುತ್ತಿನ ಹಾರದಂತೆ ಕಂಗೊಳಿಸಿ

ಆಕರ್ಷಿಸುವುದು

ಮತ್ತೊಂದು ಗಳಿಗೆ, ಹುಷಾರು

ಒಳ ಹೊಕ್ಕಿಯೆ ಇದಲಿ.. ಆಹಾರವಾಗುವೆ,

ಅಭಿಮನ್ಯುವೇ ನೀನು?

ಚಿತ್ರ:- ಗುರುಪ್ರಸಾದ್ ಶೃಂಗೇರಿ

ಎಷ್ಟು ಅಂದ್ರೆ

2010-05-11T22:22:00.000+05:30

ನಾ ನಿನ್ನ ಎಷ್ಟು ಪ್ರೀತಿಸೀನಿ ಅಂದ್ರೆ....

ಪಾವು, ಚಟಾಕು, ಸೇರು, ಕೆ.ಜಿ ಹೀಗೆ

ಎಷ್ಟೇ ತೂಕ ಹಾಕಿದ್ರೂ ಮುಗ್ಯಾಂಗಿಲ್ಲ...

ಮಿ.ಲಿ, ಸೆಂ.ಮೀ, ಮೀ. ಕಿ.ಮೀ.. ಅಂದ್ರೂ

ದಾರಿ ಸವೆಯಾಂಗಿಲ್ಲ..

ಸಧ್ಯಕ್ಕೆ ನನಗೆ ಹಂಗೆಲ್ಲಾ ಅಳೆಯಾಕ್ ಬರಾಂಗಿಲ್ಲ..

ಏನಿದ್ರೂ ಕೆ.ಬಿ, ಎಂ.ಬಿ. ಜಿ.ಬಿ, ಟಿ.ಬಿ , ಪಿ.ಬಿ...

ಕೊನೆಗೆ Zಬಿ ಗಟ್ಲೆ ಅಳಿ ಬೇಕು..

ಇದು ಕಮ್ಮಿ ಆಯ್ತು ಅಂದ್ರೆ... ನಿನ್ನ ಈ ಸಿವ ಅಲ್ಲ.. ಆ ಸಿವಾನೇ ಮೆಚ್ಕೊ ಬೇಕು...

ಸಂಜೆ

2010-05-11T22:20:00.000+05:30

ಓಡಿ ಗೂಡ ಸೇರಲಿಕ್ಕಿತ್ತು

ಬೆಳಗಿನಿಂದ ದಣಿದ ಮನಕ್ಕೆ

ಕೊಂಚ ತಂಪು ಹವಾ ಬೇಕಿತ್ತು

ಗುಬ್ಬಿ ಗೂಡು ಸೇರಿ ಕಥೆ ಕೇಳುತ್ತಾ

ಹುಣ್ಣಿಮೆಯ ರಾತ್ರಿ ಕಣ್ಮುಚ್ಚಿ

ತಂಗಾಳಿಯಲ್ಲಿ ಮೈಯ್ಯೋಡ್ಡುವ

ಆಸೆಯಾಗಿತ್ತು...

ಶುಭೋದಯ

2010-05-10T08:20:00.000+05:30

ಅಮ್ಮ

2010-05-09T16:18:00.000+05:30

ಎದೆ ಹಾಲ ಕುಡಿಸೆನ್ನ

ಬೆಳಸಿದ ಹೆಡೆದವ್ವ

ನಿನ್ನ ಋಣವ ತೀರಿಸಲಿ ಹೇಗೆ?

ಮೊದಲ ಗುರುವಾಗಿ

ವಿಧ್ಯೆ ಕಲಿಸಿದೆ ನೀ

ನಿನ್ನ ಋಣವ ತೀರಿಸಲಿ ಹೇಗೆ?

ತುತ್ತು ಅನ್ನವ ನೀಡಿ

ಹೊತ್ತು ಹೊತ್ತಿಗೆ ಕಾಯ್ದ

ನಿನ್ನ ಋಣವ ತೀರಿಸಲಿ ಹೇಗೆ?

ನನ್ನ ಬೇಕು ಬೇಡಗಳ

ದೇವರಿಗೂ ಮೊದಲರಿತು ವರವಾಗಿಸಿದ

ನಿನ್ನ ಋಣವ ತೀರಿಸಲಿ ಹೇಗೆ?

ಕಷ್ಟ ಸುಖಗಳ ನಾಲ್ಕು

ಅನುಭವದ ಮಾತುಗಳ ತಿಳಿ ಹೇಳಿದ

ನಿನ್ನ ಋಣವ ತೀರಿಸಲಿ ಹೇಗೆ?

ಹೊತ್ತು ಹುಟ್ಟುವ ಮುನ್ನ

ಹೊತ್ತು ಸರಿದ ಮೇಲೆ ನನ್ನ ಕಾಯುವ

ನಿನ್ನ ಋಣವ ತೀರಿಸಲಿ ಹೇಗೆ?

ಕರುಳ ಬಳ್ಳಿಯ ಕರೆಗೆ

ಓಗೊಟ್ಟು ಬಳಿಬರುವ ಅಮ್ಮಾ

ನಿನ್ನ ಋಣವ ತೀರಿಸಲಿ ಹೇಗೆ?

ಅಪ್ಪುಗೆ

2010-05-09T08:35:00.007+05:30

ಹುಟ್ಟುತ್ತಲೇ ಅಮ್ಮನ ಅಪ್ಪುಗೆಯಿಂದ

ತನ್ನ ದೇಹದ ಬಿಸಿಚಳಿಗಳ ಬದಿಗಿಟ್ಟು

ಜಗತ್ತಿನ ಎಲ್ಲ ತಾಪಮಾನಗಳಿಗೆ

ಅಂಜದೆ ಅಂಬೆಗಾಲಲಿ ನಡೆವೆ ಮಗು

ಒಡಹುಟ್ಟಿದವರು, ಗೆಳೆಯರೊಡನಾಡಿ

ಅವರ ಪ್ರೀತಿಯ ಅಪ್ಪುಗೆಯಿಂದ

ಜೀವಿಸಿ ಜಗವ ಗೆಲ್ಲುವ ಛಲವ

ತಮ್ಮಲ್ಲಿ ತುಂಬಿಕೊಳ್ಳುವ ಮಕ್ಕಳು

ಬೆಳೆದಂತೆ ಮನಕದ್ದ ಇನಿಯ ಇನಿಯಳ

ಜೀವಕ್ಕೆ ಜೀವವಾಗಿ ನಾನು ನಿನ್ನಲ್ಲಿದ್ದೇನೆ

ಎಂದು ಹೇಳುತ್ತಾ ಅಪ್ಪುಗೆಯ ಸವಿ

ಅನುಭವಿಸುವ ಪ್ರೇಮಿಗಳು

ಯಾವುದೋ ಹಿಂದಿನ ಜನುಮದ

ಋಣಾನುಬಂಧಧದಿ ಜೊತೆಗೂಡಿ

ಮರೆಯಲಾರದ ಜೀವದಪ್ಪುಗೆಯ

ಮೊರೆಹೋಗುವ ಪ್ರಾಣಸ್ನೇಹಿತರು

ಅಬ್ಬಬ್ಬಾ ... ಈ ಮಾಯದ ಅನುಭವವ ಸವಿದಾಗಲೇ ನಮ್ಮ ಮನದ ಅನೇಕ ತಂತುಗಳು ಚಲನಾಶೀಲ ಚೈತನ್ಯವನ್ನು ಪಡೆದು ಲೋಕದ ಕೊನೆಗಾಣುವವರೆಗೂ ನಮ್ಮ ಜೊತೆಗಿರುವ ಎಲ್ಲರ ಪ್ರೀತಿ ಪ್ರೇಮಗಳನ್ನು ಸಾಂಕೇತಿಕವಾಗಿ ಧೃಡಪಡಿಸುವುದಲ್ಲದೇ, ಕೊನೆಯ ಕ್ಷಣದಲ್ಲಿ ನಮ್ಮನ್ನು ಬಿಡಲಾರದೆ ಗೋಗರೆವ ಹೆತ್ತವರ, ಕಟ್ಟಿಕೊಂಡವರ ಮರೆಯಲಾರದ ನೋವ ಬವಣೆಗಳನ್ನೂ ನಮ್ಮ ಕಣ್ಮುಂದೆ ತರುತ್ತದೆಯಲ್ಲ...

ಚಿತ್ರ:- ಪಾಲಚಂದ್ರ

ಮುಸ್ಸಂಜೆ

2010-05-08T01:53:00.005+05:30

ಸಂಜೆ ದೀಪ ಹೊತ್ತಿಸುವ ಹೊತ್ತು
ಅಲ್ಲಲ್ಲಿ ಬೆಳಗಿದ ದೀಪದ ಜೊತೆಗೆ
ಚಂದಿರನ ಮುಖ ಅರಳಿತ್ತು

ತಂಗಾಳಿಯ ಆ ಸಣ್ಣ ತೂಗು
ನನ್ನರಗಿಣಿಯ ಮುಂಗುರುಳ
ಹಣೆಯ ಮೇಲೆ ಆಡಿಸಿತ್ತು

ಸುತ್ತಲಿದ್ದ ಪ್ರಪಂಚದ ಅರಿವಿಲ್ಲದೆ
ನೀ ಹೇಳುವ ಮಾತು ಕೇಳಲು
ನನ್ನ ಕಿವಿ ಅರಳಿ ನಿಂತಿತ್ತು

ನಿನ್ನ ತುಟಿಯಿಂದುರುಳಿದ
ಮಾತಿನ ಮುತ್ತುಗಳ ಎಣಿಸುತ್ತಾ
ನಾ ದಾರಿ ಸವೆಸಿಯಾಗಿತ್ತು

ನೀ ಜೊತೆಗಿದ್ದರೆ ಚಿನ್ನಾ
ಮುಸ್ಸಂಜೆ ಅದೆಷ್ಟು ಚೆನ್ನ
ಮರೆತಾಗಿತ್ತು ನನ್ನನ್ನೇ ನಾ

ಧೂಪದಾರತಿ

2010-05-01T11:56:00.000+05:30

ಚಿತ್ರ:- ಪವಿತ್ರ ಹೆಚ್

ಅಲೆಗಳಲ್ಲಿ ತೇಲಿ ಹೋದಾಗ

2010-04-30T22:52:00.003+05:30

ಕಳೆದ ದಿನಗಳ ಹಳೆಯ
ನೆನಪುಗಳ ನೆನೆನೆನೆದು
ನೀರಿನೆಲೆಯ ಸೆಳೆತಕೆ
ಕಳೆದು ಹೋಗುತಲಿಹಳು

ತನ್ನ ಇನಿಯನ ಮನೆಯ
ಆ ದಡವ ಸೇರುವುದು
ಹೇಗೆಂದು ಚಿಂತಿಸುತ
ಕಾಲ ಕಳೆದಿಹಳು

ಈ ಸಂಜೆಗತ್ತಲಲಿ
ನೀರ ಜೊತೆ ನೀರೆಯ
ಹತ್ತಾರು ಮಾತುಕತೆ
ಮನೆಯ ಮಾಡಿಹುದು

ತಂಗಾಳಿ ಜೊತೆ ಸೇರಿ
ಹಾರುವದೋ, ಇಲ್ಲ..
ಆ ಮೀನ ಜೊತೆಗೆ
ಈಜಲೆಣಿಸಲೊ ನಾನು?

ಪ್ರಶ್ನೆಗಳ ಉತ್ತರಿಸೆ
ಕನಸಲಿ ತಾ ಬಂದು
ತನ್ನ ಮನೆಗೆನ್ನ ಕರೆದೊಯ್ಯ
ಬಹುದೇ ಗೆಳೆಯ?

- ಕಾವೇರಿಯ ದಡದಲ್ಲಿ ಕುಳಿತರೆ ಇನ್ನೂ ನೂರು ಆಲೋಚನೆಗಳು ನಿಮ್ಮಲ್ಲೂ ಮನೆಮಾಡಬಹುದಲ್ಲ...

ಚಿತ್ರ:- ಪೃಥ್ವಿ - ವಿಜಯ್ ಶಂಕರ್ ಅಲ್ಬಂ ನಿಂದ

ಚಂದಿರನ ಮೊಗದಲಿ

2010-04-26T00:05:00.000+05:30

ಕವನದ ರಸಪಾಕ

2010-04-24T22:46:00.003+05:30

ರಸಕವಳದೆಳೆ ಎಳೆಯ

ಎಳೆದಾಗ ರಸಪಾಕ

ಎಳೆದೆಳೆದು ಸವಿ ಸಾಲು

ದುಗುಡ ಸರಿಸಾಕ..

ಬಾನ ಕುಸುಮ

2010-04-24T16:22:00.002+05:30

ನವಿಲು

2010-04-21T01:12:00.000+05:30

ನವಿಲೆ ನವಿಲೆ ನೀನೆಲ್ಲಿರುವೆ
ಕಾಣಲು ನಿನ್ನ
ಹಾತೊರೆದಿರುವೆ

ಜಳ ಜಳ ಸುರಿಯುತ
ಜಿನುಗುವ ಮಳೆಯಲಿ
ಕುಣಿಯುತ ಬರುವೆ
ಸುಂದರ ಚಲುವೆ

ಮಳೆಯಲಿ ನಲಿವುದ
ಕುಣಿಯುವ ನೀನು
ಕುಣಿವುದ ಕಲಿಸಿದೆ
ಕಾಣೆನೆ ನಾನು!

ಸಾವಿರ ಕಣ್ಣಿನ ರೆಕ್ಕೆಯ ಬಿಚ್ಚಿ
ಎಲ್ಲರ ಮನದಿ
ಚಿಟ್ಟೆಯ ಬಿಟ್ಟೆ

ಸಿಗಲೇ ಇಲ್ಲ ವಾರಗಳಾಯ್ತು
ಹೊಗಿದ್ದೆಲ್ಲಿ ಹೇಳದೆ ನೀನು?
ಕಾಣದೆ ನಿನ್ನ
ಇರಲಾರೆನು ನಾನು....

ನವಿಲೆ ನವಿಲೆ ನೀನೆಲ್ಲಿರುವೆ
ಕಾಡಿಸ ದೆ ನೀ ಬರುವೆಯ ಚಲುವೆ
ನಿನಗಾಗಿಯೆ ನಾ ಕಾದಿರುವೆ...

ಜಗಕೆ ಜೀವವ ತುಂಬುತ ನೀನು
ಸುಂದರಗೊಳಿಸಿದೆ ಈ ಬನವನ್ನು
ಜೊತೆಯಲಿ ನಿನ್ನ ಕೂಡುತ ನಾನು
ಕಳೆಯಲೆ ದಿನವ ನಿನ್ನೆದುರಲ್ಲೆ

ಚಿತ್ರ: ಪವಿತ್ರ ಹೆಚ್

ಓಲೆ

2010-04-16T02:30:00.001+05:30

ಬರೆಯಲೊಂದು ಪತ್ರವ ಹಿಡಿದೆ ನಾನು ಲೇಖನಿ
ಆರು ಮಾತು ನೂರು ತೆರದಿ ಮನದಿ ಮನೆಯ ಮಾಡಿದೆ
ಬರೆಯಲೇನು ಷಟ್ಪದಿ ಉಲಿಯಲೇನು ಚೌಪದಿ

ಒಟ್ಟಿನಲ್ಲಿ ಚಿಕ್ಕ ಗುಟ್ಟ ಬರೆದೆ ನಾನು ಪತ್ರದಿ

ಹಡಗು

2010-04-15T00:48:00.000+05:30

ಹೊತ್ತು ಸಾಗಲೆ ನಿನ್ನ
ಹೊಂಬಣ್ಣದ ಹಡಗಿನಲಿ
ಜಗವನರಿಯಲು ಚಿನ್ನ
ನಿನ್ನ ಕಣ್ಣಂಚಿನಲಿ

ವಸಂತದ ಮೇಘವರ್ಷ

2010-04-14T05:10:00.001+05:30

ಜೀವತಳೆದು ಮೊಗ್ಗಾಗಿ,
ಹೂವಾಗಿ, ಕಾಯಾಗಿ
ಹಣ್ಣಾಗಿ, ಇತರರಿಗೆ
ಸವಿಯ ಜೇನಾಗಿ ಬೆಳೆದಿರಲು
ಬೇಸಿಗೆಯ ಬಿಸಿಲಲಿ
ಬಿಸುಸುಯ್ದ ಜೀವಕೆ
ತಂಪನೆರೆವ ವಸಂತದ
ಮೇಘವರ್ಷ ನೀನಾದೆ
ಗೆಳತಿ...

ನನ್ನ ಕಂಗಳಂಗಳದಲಿ
ಆನಂದಭಾಷ್ಪದ ಎರೆಡು
ಹನಿಗಳ ಜೊತೆ, ನನ್
ಹೃದಯ ತುಂಬಿ ಬಂತು..

ಮರಳುಗಾಡಿನ ಮರಳ
ರಾಶಿಯ ನಡುವೆ
ಸುರಿದ ಎರಡು ಹನಿಗಳಂತೆ
ಆ ನಿನ್ನ ಜೊತೆ ಕಳೆದ
ಕೆಲ ಕ್ಷಣಗಳು ಕಳೆದುವಲ್ಲ

ಬೆವರ ಹನಿಗಳ ಬಿಸಿಯ
ತಣಿಸಲೇ ಬೀಸಿದ ಗಾಳಿಯಂತೆ
ಆ ನಿನ್ನ ಮಾತುಗಳು
ವಸಂತ ಮೇಘವರ್ಷ ನೀನಾದೆ
ಗೆಳತಿ...

ಚಿತ್ರ: ಪವಿತ್ರ

ಫ್ಲೈಯಿಂಗ್ ಸಾಸರ್

2010-04-13T07:03:00.000+05:30

ನೆನ್ನೆ ಗುಡುಗು ಮಿಂಚಿನ ನಡುವೆ
ಕಂಡರಿಯದ ಆ ಆಕಾಶಕಾಯ,
ತನ್ನ ತಾನೇ ಸುತ್ತುತ್ತಾ
ತನ್ನ ದೀಪಗಳ ಪ್ರಭೆಯಿಂದ
ನೀಲಿ ಬೆಳಕ ಸೂಸುತ್ತ
ಯಾರನ್ನೋ ಹುಡುಕುತ್ತಾ
ಹಾದು ತೇಲಿ ಹೋಗುತ್ತಲಿತ್ತು...

ಪೂಚಂತೇ ಹೇಳಿದ ಫ್ಲೈಯಿಂಗ್ ಸಾಸರ್ ಕಥೆ
ನೆನಪಿಗೆ ಬಂದು...
ಓ ಇದು ಅದೇ ಇರಬೇಕಲ್ಲ
ಪರಲೋಕದ ಗೂಡಾಚಾರಿಗಳು
ಏಲಿಯನ್ ಗಳೂ ಇರಬಹುದಲ್ಲ
ಅಥವಾ ಅಮೇರಿಕಾ ರಷ್ಯಾ ಇತರೆ
ದೇಶಗಳ ಗೂಢಾಚಾರಿಗಳು..
ಏನೆಲ್ಲಾ ತಲೆಯಲ್ಲಿ ಹೊಳೆದು
ಮಿಂಚಿನಂತೆ ಮಾಯವಾಗಿ ಹೋದವು

ಉಡುಗೊರೆ

2010-04-12T15:04:00.001+05:30

ಚೆಂದದ ಉಡುಗೊರೆಯ ತಂದು

"ಇದು ನಿನಗಾಗಿ

ನಾ ಮೆಚ್ಚಿ ತಂದದ್ದು..

ಚೆಂದಿದೆ ಅಲ್ಲವೇ?"

ನೀ ಕೇಳಿದ ಈ ಪ್ರಶ್ನೆಗೆ

ಉತ್ತರಿಸಲಿ ನಾ ಹೇಗೆ?

ಉಡುಗೊರೆಯ ನೋಡಿದಾಕ್ಷಣ

ಕಳೆದು ಹೋಯ್ತಲ್ಲ ನನ್ ಮನ...

ನಾ ಮೋಸ ಹೋದದ್ದೇಕೆ?

2010-04-08T21:33:00.001+05:30

ಬೆಳದಿಂಗಳ ರಾತ್ರಿ ಬರುವ ಚಂದಿರನ

ಕ್ಯಾಮೆರಾದಲ್ಲಿ ಸೆರೆಹಿಡಿಯುವ ಬಯಕೆ
ಇಂದೇಕೋ ಅದು ಹೆಚ್ಚಾಗಿ ತಲೆ ಮೇಲೆತ್ತಿದೆ
ಮರದ ಮಧ್ಯದಲ್ಲಿ ಕಂಡ ಆ ಬೆಳ್ಳಗಿನ ವಸ್ತು
ನನ್ನೇ ಕದ್ದು ನೋಡುತ್ತಿರುವ ಶಶಿಯಂತಿತ್ತು
ಓ! ಇಲ್ಲೇ ಇದ್ದೀಯ ಎಂದು ಸೆರೆ ಹಿಡಿದೆ
ಬೀದಿ ದೀಪದ ಮೋರೆಗೆ ಮಾರಿ ಹೋದ ನಾನು
ಅದನ್ನೇ ಸೆರೆ ಹಿಡಿದು ಮೋಸ ಹೋದೆ...

ಇದೇ ಅನಾಲಜಿಯನ್ನ ನನ್ನ ಕತೆಗೆ ಹೋಲಿಸಲೇ?
ನನ್ನ ಕನಸಲಿ ಬರುವ ಆ ಸುಂದರ ಮುಖ
ಹೀಗೆ ಚಂದ್ರನಂತೆ ಅಲ್ಲೆಲೋ ಸುತ್ತಿ ಸುಳಿದು
ನನ್ನ ಮನವ ಕಾಡಿ ಮತ್ತೆಲ್ಲೋ ಕಂಡಂತೆ
ಇನ್ಯಾರೋ ಮುಖದ ಗ್ಲಿಂಪ್ಸ್ ನ ಸ್ಯಾಂಪಲ್ ತೋರಿಸಿ
ಓಡಿ ಹೋಗಿರಬಹುದಲ್ಲ... ನನ್ನ ಮೋಸ ಮಾಡಿರಬಹುದಲ್ಲ...

ನಾನು ಮೋಸ ಹೋಗಿದ್ದಾದರೂ ಯಾಕೆ?

(ವಿ.ಸೂ : ನನ್ನ ತಚೆ ಅಭಿಮಾನಿ ದೇವರುಗಳಿಗೆ ಮತ್ತು ತಮಾಷೆಗಾಗಿ ಮಾತ್ರ ... :) )

ನೀ ನಕ್ಕಿದ್ದೇಕೆ?

2010-04-07T22:07:00.003+05:30

ಆ ತುಂಟ ನಗು
ತಿಳಿನೀರ ಮೇಲೆ
ಅಲೆಗಳನ್ನೆಬ್ಬಿಸಿದೆ

ಆ ತುಂಟ ನಗು
ಮನದ ಮೂಲೆಯಲ್ಲಿ
ಕಲರವವ ಕೇಳಿಸಿದೆ

ಆ ತುಂಟ ನಗು
ಅಲುಗದ ನನ್ನ
ತಟ್ಟಿ ತೂಗಿಸಿದೆ

ಆ ತುಂಟ ನಗು
ನಗದೇ ಇದ್ದ
ನನ್ನೂ ನಗಿಸಿದೆ

ಆ ತುಂಟ ನಗು
ಒಂದು ಪ್ರಶ್ನೆಯನ್ನು
ತೂರಿ ಬಿಟ್ಟಿದೆ..
- ನೀ ನಕ್ಕಿದ್ದೇಕೆ?

ಚಿತ್ರ:- ಪವಿತ್ರ ಎಚ್

ಬಣ್ಣದ ಲೋಕ

2010-04-07T07:06:00.000+05:30

ಹೀಗೊಂದು ನವಿಲು ಗರಿ

2010-04-05T19:51:00.000+05:30

ಸೂರಿನಡಿ

2010-04-05T00:05:00.000+05:30

ಪ್ರತಿ ಮನೆಯ ಸೂರಿನಡಿ

ಇರಲಿ ಸಣ್ಣದೊಂದು ಬೆಳಕ ಬಿಂಬ!

ಮಬ್ಬಿನಲಿ ಅಳುವ ಮಕ್ಕಳ

ಸಂತೈಸಲಿಕ್ಕೆ

ನಾಳಿನ ಕನಸುಗಳ ಕಟ್ಟುವ

ಕಂದಮ್ಮಗಳ ಓದಿಗೆ

ದುಡಿದು ದಣಿದು ಬಂದ ದೇಹಕೆ

ತಂಪನೆ ಗಾಳಿ ಬೀಸಲಿಕ್ಕೆ

ಬೆಳಗಿನಿಂದ ಹಸಿದಿರುವ ಹೊಟ್ಟೆಗೆ

ಊಟ ಬಡಿಸಲಿಕ್ಕೆ

ನಿದ್ರಿಸುವ ಮುನ್ನ ಗುಂಯ್ ಗುಡುವ

ಸೊಳ್ಳೆ ಓಡಿಸಲಿಕ್ಕೆ

ನಿಲ್ಲದು ಈ ಪಟ್ಟಿ...

ಶಿವನ ಸಮುದ್ರದ ನೀರೆಲ್ಲ

ಬತ್ತಿಸಿ ಊರ ಹೊತ್ತಿಸಿದರೂ

ಹುಟ್ಟುವ ನಾಳೆಗಳ ಬಸಿರಲ್ಲೇ

ಮತ್ತಷ್ಟು ಬೇಕುಗಳ ಬೇಡಿಕೆ!

ಕಪ್ಪು ಬಂಗಾರವನ್ನೂ

ಕರಗಿಸಿ ಬೆಳಕ ನೀಡುವರಂತೆ

ಎಷ್ಟು ದಿನ ನೆಡೆದೀತು ಈ ಆಟ?

ಚಿತ್ರ: ೨೮ನೇ ಮಾರ್ಚ್ ರಂದು ಕಾಮತ್ ಲೋಕರುಚಿಯಲ್ಲಿ ತೆಗೆದದ್ದು, ರಾಮನಗರ

ಮರಿ ಬೆಳ್ಳಕ್ಕಿ

2010-04-02T12:04:00.005+05:30

BABY STORK

Originally uploaded by Palachandra

ರೆಕ್ಕೆ ಬಡಿಯುವ ತೆರವ

ಅಮ್ಮನ ಮುದ್ದಲಿ ಕಲಿತೆ

ಹೆಕ್ಕಿ ತಿನ್ನುವ ಪರಿಯ

ಕಾಲ ಊರಿ ಕಲಿತೆ

ಮೂರು ಚುಟುಕು ಮಾತುಗಳು

2010-04-02T02:10:00.000+05:30

ನಿದ್ದೆ

ನಿದ್ದೆ ಬರಲಿ ನಿನಗೆ

ದಿನದ ದಣಿವ ಸರಿಸೆ

ಮಲಗು ಚಿನ್ನ ನೀ

ಹೊದ್ದು ಕನಸ ಹೊದಿಕೆ

ಬೆಳಗು

ಸೂರ್ಯ ತಟ್ಟುವ ಕದವ

ಬರುವ ಮುಂಜಾನೆ

ಚುಕ್ಕಿ ಚಂದ್ರಮ ಸರಿದು

ಬೆಳ್ಳಿ ರೆಕ್ಕೆಯ ತೆರೆದು

ಕಣ್ರೆಪ್ಪೆ

ಹಕ್ಕಿಪಕ್ಕಿಗಳ ಜೊತೆಗೆ

ಸುಪ್ರಭಾತದ ಕರೆಗೆ

ಕಣ್ಣರೆಪ್ಪೆಯ ಸರಿಸಿ

ಜಗವ ಕಾಣೋ ಮಗುವೆ

ಬೆಳ್ಳಕ್ಕಿ

2010-04-01T13:08:00.008+05:30

ಹಕ್ಕಿಯಂತೆ ಹಾಡುತಿರು

ಹಕ್ಕಿಯಂತೆ ಹಾರುತಿರು

ಹಕ್ಕಿಯಂತೆ ಉಲಿಯುತಿರು

ಹಕ್ಕಿಯಂತೆ ತೇಲುತಿರು

ಬಾನ ಚುಕ್ಕಿಯಂತೆ ನೀನು

ಎಂದಿಗೂ ಮಿನುಗುತಿರು..

ರಶ್ಮಿ ಪೈ ಗೆ - ಫೂಲ್ಸ್ ಡೇ ದಿನದ ಶುಭಾಶಯಗಳು .. :)

ನಿರಂಕುಶ ಪರಿಭ್ರಮಣ

2010-03-30T16:46:00.000+05:30

(ಚಿತ್ರ: ಕೊರಮಂಗಲದಲ್ಲಿ ತೆಗೆದದ್ದು, ೨೯ ನೇ ಮಾರ್ಚ್)

ಕತ್ತಲೆಯಾದರೂ ಮುಗಿಯದ

ಜೀವನದ ಪಯಣದಲಿ

ಮಂದ ಬೆಳಕಿನ ರಂಗಿನಾಟ

ಬೆಂಬಿಡದ ಗೋಜಲಿನ ನಡುವೆ

ವಿಶ್ವದ ಹೊರೆಯನ್ನೇ ಹೊತ್ತಂತೆ

ಬೇಕು ಬೇಡದ ಭೇದದ ನಡುವೆ
ನಮ್ಮ ನಿರಂಕುಶ ಪರಿಭ್ರಮಣ.

ಹಕ್ಕಿ ನಾನಾಗಬೇಕು

2010-03-26T18:37:00.006+05:30

ಸಿಕ್ಕರೆರೆಡು ರೆಕ್ಕೆ ನನಗೆ

ಹಿಗ್ಗು ಬರುವುದು

ತೋರಲದನು ಜಗಕೆ ನಾನು

ನಭಕೆ ಜಿಗಿವೆನು

ಮನುಜ ಮನಸಿಗೆಣೆಯೆ ಹೇಳು

ಕಷ್ಟವಾವುದು?

ಮನಸು ಮಾಡೆ ದಿಕ್ಕು ದೊರಕಿ

ಹಾರಿ ನಲಿವೆನು